women financial assistance

తెలంగాణ రాజకీయాల్లో కీలక హామీ మరోసారి చర్చకు వచ్చింది. గత అసెంబ్లీ ఎన్నికల సమయంలో మహిళలకు నెలకు రూ.2,500 ఆర్థిక సాయం అందిస్తామని కాంగ్రెస్ పార్టీ ఇచ్చిన హామీపై రాష్ట్రవ్యాప్తంగా మహిళలు ఆసక్తిగా ఎదురుచూస్తున్నారు. ఈ పథకాన్ని అమలు చేస్తామని అప్పట్లో హామీ ఇచ్చిన రేవంత్ రెడ్డి సర్కార్.. ఇప్పుడు ఆ దిశగా కసరత్తు మొదలుపెట్టినట్లు సమాచారం. మహిళల ఆర్థిక భద్రతను బలోపేతం చేయాలనే లక్ష్యంతో, ప్రతి అర్హురాలైన మహిళకు నెలకు రూ.2,500 చొప్పున ఏడాదికి రూ.30,000 నేరుగా బ్యాంకు ఖాతాల్లో జమ చేసే యోచనలో ప్రభుత్వం ఉన్నట్టు తెలుస్తోంది. ప్రారంభంలో పంచాయతీ ఎన్నికలకంటే ముందే ఈ పథకాన్ని అమలు చేస్తారన్న ప్రచారం జరిగింది. అయితే వివిధ కారణాల వల్ల అది కార్యరూపం దాల్చలేదు. ఆర్థిక వనరులు, లబ్ధిదారుల గుర్తింపు, మార్గదర్శకాలు వంటి అంశాలపై ప్రభుత్వం సమగ్రంగా అధ్యయనం చేస్తున్నట్టు సమాచారం. ఈ నేపథ్యంలో ఈ పథకాన్ని పరిషత్, మున్సిపల్ ఎన్నికల ముందు లేదా ఆ ఎన్నికల అనంతరం అమలు చేసే అవకాశాలు ఉన్నాయని రాజకీయ వర్గాల్లో చర్చ నడుస్తోంది. ఈ పథకం అమలైతే రాష్ట్రంలోని లక్షలాది కుటుంబాలకు ప్రత్యక్ష లాభం చేకూరనుంది. ముఖ్యంగా గృహిణులు, ఒంటరి మహిళలు, ఆర్థికంగా వెనుకబడిన వర్గాలకు ఇది పెద్ద ఊరటగా మారనుంది. ఇప్పటికే మహిళలకు ఉచిత బస్సు ప్రయాణం వంటి పథకాలను అమలు చేస్తున్న రేవంత్ సర్కార్.. ఈ ఆర్థిక సాయంతో మహిళలపై పెట్టుబడి పెట్టే దిశగా మరో ముందడుగు వేస్తుందని విశ్లేషకులు చెబుతున్నారు. మహిళల చేతిలో నేరుగా నగదు ఉండటం వల్ల కుటుంబ ఆర్థిక వ్యవస్థ మరింత బలోపేతం అవుతుందని ప్రభుత్వ వర్గాలు భావిస్తున్నాయి. అయితే ఈ పథకం అమలుపై స్పష్టమైన తేదీని ప్రభుత్వం ఇంకా ప్రకటించలేదు. లబ్ధిదారుల అర్హతలు, ఆదాయ పరిమితి, కుటుంబ ప్రాతిపదికనా లేదా వ్యక్తిగత ప్రాతిపదికనా అనే అంశాలపై తుది నిర్ణయం తీసుకోవాల్సి ఉందని సమాచారం. ఈ అంశాలన్నీ ఖరారైన తర్వాతే అధికారిక ప్రకటన వచ్చే అవకాశముంది. ఎన్నికల హామీల అమలుపై ప్రతిపక్షాలు ఇప్పటికే ప్రభుత్వాన్ని ప్రశ్నిస్తున్న నేపథ్యంలో, మహిళల ఆర్థిక సాయంపై నిర్ణయం రాజకీయంగా కూడా కీలకంగా మారింది. మహిళలకు నెలకు రూ.2,500 ఆర్థిక సాయం పథకం రేవంత్ సర్కార్కు ఒక పెద్ద పరీక్షగా మారింది. ఈ హామీ అమలైతే మహిళల్లో ప్రభుత్వంపై నమ్మకం మరింత పెరిగే అవకాశముంది. ఇక ఆలస్యం జరిగితే విమర్శలు ఎదుర్కోవాల్సి ఉంటుందని పలువురు అంచనా వేస్తున్నారు. రానున్న రోజుల్లో ఈ అంశంపై ప్రభుత్వం ఎలాంటి స్పష్టత ఇస్తుందో అన్నది ఆసక్తిగా మారింది. ALSO READ: SHOCKING: రూ.10 కోసం చంపేశాడు!

Tag: women financial assistance

Most Read

బాంబు పేలుడుతో దద్దరిల్లిన పాకిస్తాన్.. 16 మంది మృతి

తెలంగాణ సర్కార్ దూకుడు…! కేసీఆర్‌కు నోటీసులు రెడీ…

మాజీ మంత్రి అవంతి యూటర్న్…!

బిఆర్ఎస్ ఆత్మరక్షణ…!

EDITOR PICKS

మహిళలకు నెలకు రూ.2,500.. ఎప్పుడంటే?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags