#trying to stop a fight

క్రైమ్ మిర్రర్, అనంతపురం : కేవలం 20 రూపాయల చిల్లర విషయంలో తలెత్తిన వివాదం ఒకరి ప్రాణాన్ని బలితీసుకుంది. గొడవను ఆపడానికి వెళ్లిన ఓ అమాయకుడు మద్యం మత్తులో ఉన్న యువకుల దాడిలో అక్కడికక్కడే మృతి చెందిన ఘటన అనంతపురం పట్టణంలో తీవ్ర కలకలం సృష్టించింది. అనంతపురం పట్టణ పరిధిలోని పాపంపేట వద్ద శేఖర్ అనే వ్యక్తి కూరగాయల దుకాణం నడుపుకుంటున్నాడు. కాగా మద్యం మత్తులో ఉన్న ఇద్దరు యువకులు ఆ దుకాణానికి వచ్చి కూరగాయలు కొనుగోలు చేశారు. వారు కొన్న కూరగాయల బిల్లు 120 రూపాయలు అయింది. అయితే ఆ యువకులు వంద రూపాయలు మాత్రమే ఇచ్చి, మిగిలిన 20 రూపాయల చిల్లర తమ వద్ద లేదంటూ అక్కడి నుంచి వెళ్లబోయారు. బాకీ ఉన్న 20 రూపాయలు ఇవ్వాలని కూరగాయల వ్యాపారి శేఖర్ వారిని గట్టిగా అడిగాడు. దీంతో ఆగ్రహానికి గురైన ఆ ఇద్దరు యువకులు మద్యం మత్తులో శేఖర్తో తీవ్రస్థాయిలో ఘర్షణకు దిగారు. కూరగాయల వ్యాపారి శేఖర్పై యువకులు దాడికి దిగడం గమనించిన పక్కనే ఉన్న టీ స్టాల్ యజమాని చంద్ర, గొడవను సర్దిచెప్పడానికి మధ్యలోకి వచ్చాడు. ఇరుపక్షాలను శాంతింపజేసేందుకు ప్రయత్నించాడు. అయితే అప్పటికే మద్యం మత్తులో ఊగిపోతున్న ఆ ఇద్దరు యువకులు.. తమ గొడవకు అడ్డొచ్చాడనే కోపంతో చంద్రపై విరుచుకుపడ్డారు. యువకుల్లో ఒకడు చంద్ర ఛాతిపై బలంగా, గట్టిగా గుద్దాడు. ఆ దెబ్బకు చంద్ర ఒక్కసారిగా కుప్పకూలిపోయాడు. తీవ్రమైన గుండె దెబ్బ కారణంగా చంద్ర అక్కడికక్కడే ప్రాణాలు కోల్పోయాడు. కూరగాయల వ్యాపారిని కాపాడాలనే మానవత్వంతో, గొడవను ఆపడానికి వెళ్లిన చంద్ర ప్రాణాలు కోల్పోవడంతో పాపంపేట ప్రాంతంలో విషాద ఛాయలు అలముకున్నాయి. కేవలం 20 రూపాయల కోసం, మద్యం మత్తులో ఇంతటి ఘాతుకానికి ఒడిగట్టడంపై స్థానికులు తీవ్ర ఆగ్రహం వ్యక్తం చేస్తున్నారు. సమాచారం అందుకున్న పోలీసులు ఘటన స్థలానికి చేరుకుని కేసు నమోదు చేసి, దర్యాప్తు ప్రారంభించారు. నిందితుల కోసం గాలింపు చర్యలు చేపట్టారు. నిందితులకు కఠిన శిక్ష పడేలా చూస్తామని పోలీసులు హామీ ఇచ్చారు.

Tag: #trying to stop a fight

Most Read

విక్రమార్కుడు లో రవితేజ డూప్‌గా నటించిన హీరో…దురదృష్టకరంగా అకాల మరణం..!

బ్రహ్మ ముహూర్తంలో రామాయణ ట్రైలర్‌ గ్రాండ్ రిలీజ్!

ఆ రెండు బ్లాక్‌బస్టర్లకు నో చెప్పాడు.. చేసి ఉంటే అక్కినేని కెరీర్ మరో స్థాయిలో..!

రోజూ 2 కివీలు తింటే మలబద్ధకం నిజంగా తగ్గుతుందా?

EDITOR PICKS

20 రూపాయల చిల్లర వివాదం.. పాపం అమాయకుడి ప్రాణం బలి!!

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags