#Tirumala thirupati - Crime Mirror

క్రైమ్ మిర్రర్, ఏపీ బ్యూరో : తిరుమల శ్రీవారిని దర్శించుకునే భక్తులు విరాళాలు, కానుకలు అందజేస్తుంటారు. ముఖ్యంగా టీటీడీ ఆధ్వర్యంలో నిర్వహించే ట్రస్టులకు భక్తుల నుంచి విరాళాలు వస్తున్నాయి. టీటీడీ ఈ ట్రస్టుల ద్వారా పలు సేవా కార్యక్రమాలను నిర్వహిస్తోంది. అలాగే పేదలకు అవసరమైన వైద్య సాయం కూడా అందిస్తున్నారు. ఇటీవల కాలంలో టీటీడీ నిర్వహిస్తున్న ట్రస్టులకు భక్తుల నుంచి భారీగా విరాళాలు వస్తున్నాయి. గత రెండేళ్లలో టీటీడీ ట్రస్టులకు రికార్డు స్థాయిలో విరాళాలు అందాయి. తాజాగా మరో వ్యాపార సంస్థ భారీ విరాళం అందించారు. తిరుమల శ్రీవారికి హైదరాబాద్కు చెందిన అపర్ణ ఎంటర్ ప్రైజస్ లిమిటెడ్ సంస్థ టీటీడీకి భారీ విరాళం అందజేసింది. టీటీడీ ఆధ్వర్యంలో నిర్వహించే శ్రీ వేంకటేశ్వర ఆపన్న హృదయ పథకానికి అపర్ణ ఎంటర్ ప్రైజస్ లిమిటెడ్ సంస్థ రూ.కోటి విరాళంగా అందించింది. ఈ మేరకు ఆ సంస్థ ప్రతినిధులు తిరుమలలోని టీటీడీ ఛైర్మన్ క్యాంపు కార్యాలయంలో అధికారులకు విరాళం చెక్కును అందజేశారు. ఈ సందర్భంగా దాతను అధికారులు అభినందించారు. పేద, అవసరమైన రోగులకు మెరుగైన వైద్య సేవలు అందించడంలో ఈ విరాళం ఎంతో ఉపయోగపడుతుందన్నారు టీటీడీ ఛైర్మన్ బీఆర్ నాయుడు. సమాజ సేవా దృక్పథంతో ముందుకు వచ్చిన అపర్ణ ఎంటర్ప్రైజెస్ యాజమాన్యానికి హృదయపూర్వక అభినందనలు తెలిపారు. శ్రీ వేంకటేశ్వర స్వామివారి ఆశీస్సులు వారికి ఎల్లప్పుడూ ఉండాలని ఆకాంక్షించారు. అపర్ణ ఎంటర్ప్రైజెస్ సంస్థ గతేడాది కూడా రూ.కోటి విరాళం అందించారు.

Tag: #Tirumala thirupati

Most Read

ఇంట్లో వైఫై స్లోగా ఉందా…? అయితే ఇలా చెయ్యండి…!

సంధ్య థియేటర్ తొక్కిసలాట ఘటన.. హీరో అల్లు అర్జున్‌కు నాంపల్లి కోర్టు సమన్లు..

ETV Prabhakar Daughter: వెండితెర పైకి ఈటీవీ ప్రభాకర్ కూతురు దివిజ ఎంట్రీ.. ఫోటోలు వైరల్…!

టాలీవుడ్‌లో మళ్లీ మురారి బ్యూటీ సందడి…!

EDITOR PICKS

తిరుమల శ్రీవారికి మరో భారీ విరాళం.. హైదరాబాద్‌కు చెందిన సంస్థ రూ.1 కోటి విరాళం!!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel