Telangana politics - Crime Mirror

తెలంగాణలో అధికార కాంగ్రెస్, ప్రతిపక్ష బీఆర్ఎస్ పార్టీల మధ్య రాజకీయ యుద్ధం మరింత ముదిరింది. గృహ నిర్మాణ పథకాలు, ఇందిరమ్మ ఇళ్ల నిర్మాణంపై ఇరు పార్టీల నేతల మధ్య సవాళ్లు, ప్రతిసవాళ్ల పర్వం నడుస్తోంది. ఇటీవల మంత్రి పొంగులేటి శ్రీనివాస్ రెడ్డి విసిరిన సవాల్పై బీఆర్ఎస్ వర్కింగ్ ప్రెసిడెంట్ కల్వకుంట్ల తారకరామారావు (కేటీఆర్) తీవ్రస్థాయిలో విరుచుకుపడ్డారు. సవాళ్లు విసరడం, ఆ తర్వాత వెనక్కి తగ్గి పారిపోవడం కాంగ్రెస్ నాయకులకు అలవాటైన విద్యేనని ఆయన ఎద్దేవా చేశారు. హైదరాబాద్ నగరంలో పేదల గృహ నిర్మాణంపై మాట్లాడిన కేటీఆర్.. గత బీఆర్ఎస్ ప్రభుత్వ హయాంలో తాము ఒక్క హైదరాబాద్ నగరంలోనే లక్షకు పైగా అత్యాధునిక డబుల్ బెడ్రూమ్ ఇళ్లను నిర్మించి నిరుపేదలకు అందించామని గుర్తుచేశారు. కాంగ్రెస్ ప్రభుత్వానికి నిజంగానే పేదల సంక్షేమంపై ఏమాత్రం చిత్తశుద్ధి ఉన్నా, అంతకు మించి హైదరాబాద్లో ఇళ్లను కట్టి చూపించాలని డిమాండ్ చేశారు. తాము అధికారంలో ఉన్నప్పుడు నిరుపేదల సొంతింటి కలను నిజం చేయడానికి ‘గృహ నిర్మాణ యజ్ఞాన్ని’ తలపెడితే.. ప్రస్తుత రేవంత్ రెడ్డి ప్రభుత్వం ‘గృహమేధ యాగం’ చేస్తూ పేదల ఇళ్లను కూలుస్తోందని దుయ్యబట్టారు. కాంగ్రెస్ నాయకులను క్రూరులుగా అభివర్ణించిన కేటీఆర్.. తాము ఎంతో కష్టపడి, ఇటుకపై ఇటుక పేర్చి నిర్మించిన ఇళ్లను, పేదల ఆశలను బుల్డోజర్లు ఎక్కించి కూలగొడుతున్నారని ఆరోపించారు. వీకెండ్ వస్తే చాలు సామాన్యుల కొంపలను కూల్చివేస్తూ కాంగ్రెస్ పాలకులు వికృతానందం పొందుతున్నారని మండిపడ్డారు. ఈ నేపథ్యంలో గత రెండున్నర ఏళ్లలో కాంగ్రెస్ ప్రభుత్వం హైదరాబాద్ నగరంలో కొత్తగా కట్టిన ఇండ్లు ఎన్ని? అలాగే కూల్చివేసిన ఇండ్లు ఎన్ని? అనే విషయాలపై శ్వేతపత్రం (వైట్ పేపర్) విడుదల చేసే ధైర్యం ఈ ప్రభుత్వానికి ఉందా? అని కేటీఆర్ నిలదీశారు. మంత్రి పొంగులేటి శ్రీనివాస్ రెడ్డిని లక్ష్యంగా చేసుకుని కేటీఆర్ తీవ్రమైన వ్యాఖ్యలు చేశారు. గతంలో దీపావళికి పెద్ద బాంబులు పేలుస్తామని ప్రగల్భాలు పలికి, చివరికి తుస్సుమనిపించిన తుపేల్ మినిస్టర్ అంటూ పొంగులేటిని ‘మిస్టర్ బాంబులేటి’గా అభివర్ణించారు. తమకు తెలంగాణ ఆత్మగౌరవాన్ని కాపాడటం, ఆత్మాభిమానంతో బతకడం తెలుసని స్పష్టం చేశారు. అడ్డదారుల్లో అధికార దుర్వినియోగానికి పాల్పడుతూ, తన కొడుకు కంపెనీకి వేల కోట్ల రూపాయల ప్రభుత్వ కాంట్రాక్టులు ఇప్పించుకునే అవినీతి కిటుకులు తమకు తెలియవన్నారు. అక్రమ క్రషర్లు నడుపుతూ, ప్రభుత్వ సొమ్మును కొల్లగొట్టే చిట్కాలు, రెవెన్యూ శాఖను అడ్డుపెట్టుకుని 'భూ భారతి'లో బ్లాక్ లిస్టులు, బ్లాక్ మెయిల్ దందాలు చేయడం తమకు చేతకాదని కేటీఆర్ విమర్శించారు. గూండాలను ఉసిగొల్పి సామాన్య ప్రజలపై దౌర్జన్యాలు చేస్తూ భూములను బుక్క పెట్టడం, బడుగు బలహీన వర్గాల నేతలపై అహంకారంతో పేపర్లు విసిరికొట్టడం వంటి సంస్కృతి కాంగ్రెస్ నేతలదేనని దుయ్యబట్టారు. కాంగ్రెస్ ప్రభుత్వం ఎన్ని పనికిమాలిన ప్రగల్భాలు పలికినా, ప్రజల దృష్టిని మళ్లించేందుకు డైవర్షన్ డ్రామాలు ఆడినా వదిలిపెట్టే ప్రసక్తే లేదన్నారు. ఎన్నికల సమయంలో ఇచ్చిన 420 వాగ్దానాల మోసాలను ఎండగట్టి తీరుతామని, దమ్ముంటే మేనిఫెస్టోలో ఇచ్చిన ప్రతి హామీని అమలు చేస్తామని ప్రతిజ్ఞ చేయాలని కాంగ్రెస్ ప్రభుత్వానికి కేటీఆర్ సవాల్ విసిరారు.

Tag: Telangana politics

Most Read

రాష్ర్ట జీవ‌నాడి పోల‌వ‌రం ప్రాజెక్టు…శ‌ర‌వేగంగా కొన‌సాగుతున్న ప‌నులు…!

Vaibhav Suryavanshi: ఐపీఎల్‌ను ఊపేసిన 15 ఏళ్ల కుర్రాడు.. వైభవ్ సూర్యవంశీ రికార్డుల మోత!

RCB Crowned IPL 19 Champions: కోహ్లీ మెరుపులు.. ఐపీఎల్‌ కప్‌ను మళ్లీ ముద్దాడిన బెంగళూరు!

వ్యవసాయ మోటార్లకు మీటర్ల రగడ!

EDITOR PICKS

సవాళ్లు చేయడం కాదు.. చేసి చూపించాలి, పొంగులేటిపై కేటీఆర్ ఫైర్

తెలంగాణలో మళ్లీ యాక్టివ్ మోడ్‌లోకి టీడీపీ

గుప్తనిధుల కోసమే కాకతీయుల ఆలయం కూల్చివేత.. సీఎం రేవంత్‌పై హరీశ్ రావు సంచలన ఆరోపణలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel