Telangana bhavan - Crime Mirror

క్రైమ్ మిర్రర్, ఆన్ లైన్ డెస్క్ : గురుకులాల నిర్వహణ, అవినీతి ఆరోపణల అంశంపై గన్పార్క్ దగ్గర మంత్రులతో చర్చకు బీఆర్ఎస్ సిద్ధమైంది. మాజీ మంత్రి హరీశ్ రావు తెలంగాణ భవన్ నుంచి గన్పార్క్కు బయలుదేరగా పోలీసులు అడ్డుకున్నారు. దీంతో పోలీసులకు, బీఆర్ఎస్ కార్యకర్తలకు మధ్య తీవ్ర వాగ్వాదం చోటు చేసుకుంది. కారు దిగి పాదయాత్రగా వెళ్లేందుకు హరీశ్ రావు యత్నించారు. ఈ క్రమంలో అక్కడ జరిగిన తోపులాటలో ఆయన కిందపడిపోయారు. ఆ వెంటనే మాజీ మంత్రిని పోలీసులు అదుపులోకి తీసుకున్నారు. హరీశ్తో పాటు మాజీ మంత్రులు, బీఆర్ఎస్ నేతలను అరెస్ట్ చేశారు. దీంతో తెలంగాణ భవన్ వద్ద ఉద్రిక్తత చోటు చేసుకుంది. గురుకులాల అంశంపై చర్చకు ప్రెస్క్లబ్కు రమ్మంటే.. మంత్రులు గన్పార్క్ దగ్గరకు రమ్మన్నారని హరీశ్ రావు అన్నారు. ‘మీరు రమ్మన్న చోటుకే వస్తున్నాం.. మాకెలాంటి భేషజాలు లేవు. మేం వచ్చే వరకు మంత్రులు అక్కడే ఉండాలి. ఎలాంటి గొడవలు వద్దు.. కూర్చుని మాట్లాడుకుందాం’ అని అన్నారు. అయితే చర్చకు వస్తుంటే ఎందుకు అడ్డుకుంటున్నారని ప్రశ్నించారు. సవాళ్లు విసరడం ఎందుకు? అడ్డుకోవడం ఎందుకు అంటూ తీవ్ర స్థాయిలో విరుచుకుపడ్డారు. ‘మేం వెళ్తున్నది గొడవలకు కాదు.. చర్చలకు’ అని చెప్పుకొచ్చారు. పోలీసులను అడ్డుపెట్టుకుని ప్రభుత్వం పారిపోయిందంటూ దుయ్యబట్టారు. అవినీతి జరిగింది కాబట్టే భయపడుతున్నారన్నారు. తాము చేసిన ఆరోపణలను ఆధారాలతో నిరూపిస్తామని హరీశ్ రావు స్పష్టం చేశారు. గురుకులాల టెండర్లలో అవినీతిపై చర్చించేందుకు మంత్రులు పొన్నం ప్రభాకర్, అడ్లూరి లక్ష్మణ్, అజారుద్దీన్ సిద్ధమయ్యారు. ఇందులో భాగంగా గన్పార్క్కు ముగ్గురు మంత్రులూ చేరుకుని.. అమరవీరుల స్థూపం దగ్గర కూర్చున్నారు. మంత్రులకు మద్దతుగా ఖైరతాబాద్ ఎమ్మెల్యే దానం నాగేందర్ గన్పార్క్కు వచ్చారు. తెలంగాణ మంత్రులు, మాజీ మంత్రుల మధ్య సవాళ్లు, ప్రతిసవాళ్ల నేపథ్యంలో గన్పార్క్ దగ్గర భారీగా పోలీసులు మోహరించారు. అటు సోమాజీగూడ ప్రెస్క్లబ్, తెలంగాణ భవన్ దగ్గర కూడా పోలీసు బందోబస్తు ఏర్పాటు చేశారు.

Tag: Telangana bhavan

Most Read

అద్భుతం….ఇక క‌ళ్ల‌ద్దాల‌తో యూపీఐ పేమెంట్‌…! స్కానర్‌వైపు చూసి హ‌లో జీయో అంటే చాలు….

హైదరాబాదు నుంచి మూడు బుల్లెట్ ట్రైన్లు…!

ఖైరతాబాద్ లో మహిళల కే ఛాన్స్…!

విద్యుత్ సంక్షోభం…!

EDITOR PICKS

తెలంగాణ భవన్‌ వద్ద ఉద్రిక్తత.. హరీశ్ రావు అరెస్ట్!!

తెలంగాణ భవన్ లో 24 X 7 కంట్రోల్ రూమ్ ఏర్పాటు

కాంగ్రెస్ కు మొదటి ఎదురుదెబ్బ జూబ్లీహిల్స్ లోనే జరుగుతుంది : కేటీఆర్

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags