Tag: #SauravGurjarArrest

క్రైమ్ మిర్రర్ : పౌరాణిక సీరియల్ 'మహాభారత్'లో భీముడి పాత్రతో గుర్తింపు పొందిన ప్రముఖ అంతర్జాతీయ రెజ్లర్, నటుడు సౌరవ్ గుజ్జర్ను హైదరాబాద్ పోలీసులు అరెస్ట్ చేశారు. పెళ్లి చేసుకుంటానని నమ్మించి మోసం చేయడంతో పాటు శారీరకంగా, మానసికంగా వేధించాడంటూ ఒక మహిళ చేసిన ఫిర్యాదు ఆధారంగా గచ్చిబౌలి పోలీసులు ఆయనపై కేసు నమోదు చేసి రిమాండ్కు తరలించారు. బాధితురాలి కథనం ప్రకారం.. కర్ణాటకకు చెందిన ఆమె గత ఏడాదికాలంగా హైదరాబాద్లో నివాసముంటోంది. 2016లోనే భర్తకు విడాకులు ఇచ్చిన ఆమెకు, 2021లో అమెరికాలో ఉన్నత చదువులు చదువుతున్న సమయంలో ఇన్స్టాగ్రామ్ ద్వారా సౌరవ్తో పరిచయం ఏర్పడింది. ఆ పరిచయంతో పెళ్లి చేసుకుంటానని నమ్మించి, తనను భార్యలా చూసుకుంటానని నమ్మబలికి కొన్ని నెలల పాటు తనతోనే ఉంటూ లైంగిక దాడికి పాల్పడ్డాడని ఆమె పోలీసులకు తెలిపింది. బాధితురాలి ఫిర్యాదుతో అప్రమత్తమైన గచ్చిబౌలి పోలీసులు సౌరవ్ గుజ్జర్పై కేసు నమోదు చేసి ముందస్తుగా 'లుక్ అవుట్' నోటీసులు జారీ చేశారు. శుక్రవారం ముంబై అంతర్జాతీయ విమానాశ్రయంలో దిగిన సౌరవ్ను అక్కడి విమానాశ్రయ పోలీసులు అదుపులోకి తీసుకున్నారు. అనంతరం ముంబై మెజిస్ట్రేట్ ముందు హాజరుపరిచి ట్రాన్సిట్ వారెంట్పై హైదరాబాద్కు తరలించారు. శనివారం ఆయనను అధికారికంగా అరెస్ట్ చేసి కోర్టు ఆదేశాల మేరకు రిమాండ్కు పంపారు. మధ్యప్రదేశ్లోని గ్వాలియర్ సమీపంలో ఉన్న మహవీర్పురకు చెందిన సౌరవ్ గుజ్జర్, హిందీలో సంచలనం సృష్టించిన 'మహాభారత్' సీరియల్లో భీముడి పాత్ర ద్వారా విశేష ఆదరణ పొందారు. దాంతో పాటు పలు బాలీవుడ్ చిత్రాల్లోనూ, అంతర్జాతీయ రెజ్లింగ్ టోర్నమెంట్లలోనూ ప్రతిభ చూపి మంచి పేరు సంపాదించుకున్నారు. also read : ఎయిర్పోర్ట్ సమీపంలో ఇంధన డిపో ధ్వంసం, వణికిపోయిన సౌదీ!

Tag: #SauravGurjarArrest

Most Read

ప్రేమ, ఈర్ష్యతోనే యువతి మర్డర్.. లెక్చరర్‌తో పాటు మరో వ్యక్తి అరెస్ట్!

ఎన్‌కౌంటర్‌లో నిందితుడు మృతి, పాక్ సరిహద్దు నెట్‌వర్క్‌పై ఇన్వెస్టిగేషన్!

వినాయక చవితి వేడుకలు జరుపుకున్న కొద్ది గంటల్లోనే సాఫ్ట్‌వేర్ ఉద్యోగిని సూసైడ్..

కారు రూపంలో వచ్చిన కాలయముడు.. మూడేళ్ల బాలుడు అక్కడికక్కడే దుర్మరణం!

EDITOR PICKS

మోసం కేసులో ‘మహాభారత్’ భీముడు అరెస్ట్..

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags