Tag: sanjay target revanth reddy

ఇచ్చిన హామీలపై ప్రజల ద్రుష్టి మళ్లించడానికి కాంగ్రెస్ ప్రభుత్వం... బీఆర్ఎస్ ను మించి పోయిందని కేంద్ర హోంశాఖ సహాయ మంత్రి బండి సంజయ్ కుమార్ మండిపడ్డారు. అధికారంలోకి వచ్చి ఏడాదైనా 6 గ్యారంటీలను అమలు చేయకుండా కాళేశ్వరం కమిషన్, విద్యుత్ కమిషన్, ఫోన్ ట్యాపింగ్ కేసు, డ్రగ్స్ కేసు అంటూ ప్రతినెలా ఏదో అంశంపై ప్రచారం చేసుకుంటూ పబ్బం గడుపుతున్నారని ధ్వజమెత్తారు. స్థానిక సంస్థల ఎన్నికలు తలమీదకు వస్తుండటంతో... కొత్తగా రైతు భరోసా పేరుతో మరో కొత్త డ్రామాకు తెరలేపారని విమర్శించారు. ఇప్పటికే రైతు భరోసా పేరుతో ఎకరాకు రూ.12 వేల చొప్పున మూడు దఫాలుగా రూ.18 వేల రూపాయలు బకాయిపడ్డారని చెప్పారు. ఈ లెక్కన 70 లక్షల మంది రైతులకు రూ.19 వేల 600 కోట్ల రూపాయలు బకాయి పడ్డారని తెలిపారు. ఈ డబ్బులన్నీ జనవరి 26 నాటికి చెల్లిస్తారా? లేదా? రేవంత్ ప్రభుత్వం సమాధానం చెప్పాలని బండి సంజయ్ డిమాండ్ చేశారు. నిరుద్యోగులకు ఒక్కొక్కరికి రూ.48 వేలు, మహిళలకు రూ.30 వేల చొప్పున దాదాపు రూ.50 వేల కోట్లు రేవంత్ ప్రభుత్వం బకాయి పడిందన్నారు బండి సంజయ్. రుద్దులకు రూ.4 వేలు, పేదలకు ఇండ్ల జాగా, రూ.5 లక్షలు, విద్యార్థులకు రూ.5 లక్షల భరోసా కార్డు పేరుతో లక్ష కోట్లకుపైగా బకాయి పడిందన్నారు. ఈ సొమ్ముంతా జనవరి 26 నాటికి చెల్లిస్తారా? లేదా? రేవంత్ సర్కార్ ప్రజలకు సమాధానం చెప్పాలని డిమాండ్ చేశారు. మోదీ గారి ఆధ్వర్యంలో ఎన్డీఏ ప్రభుత్వం ఇంత పెద్ద ఎత్తున నిధులు ఖర్చు చేసి తెలంగాణను అభివ్రుద్ధి చేస్తుంటే... ఈ కాంగ్రెస్ ప్రభుత్వం డైవర్షన్ పొలిటిక్స్ చేస్తూ ప్రజలను దగా చేస్తోంది. 70 ఏళ్లుగా భారతదేశాన్ని అబద్దపు మాటలతో, మోసపు హామీలతోనే మోసం చేసిందన్నారు 6 గ్యారంటీలను అమలు చేస్తామన్నరు... కానీ ప్రతినెలా ఏదో ఒక ఎమోషనల్ పోలిటిక్స్ ను తెరపైకి తెచ్చి హామీలను ఏడాదిపాటు ఎగ్గొట్టిందని బండి సంజయ్ విమర్శించారు. అధికారంలోకి రాంగనే కాళేశ్వరంపై కమిషన్ అన్నరు.. ఒక నెల రోజులపాటు ఫోన్ ట్యాపింగ్ కేసు నడిపించిర్రు. ఇంకో నెల ఫాంహౌజ్ అంటరు.. ఇంకో నెల డ్రగ్స్ కేసు అన్నరు... ఇంకోసారి విద్యుత్ కమిషన్ అన్నరు.. ఇప్పుడేమో ఫార్ములా ఈ కార్ రేస్ అంటూ వార్తలు రాయించుకుంటున్నరు.. ఈ విధంగా 6 గ్యారంటీలవైపు ప్రజల ద్రుష్టి మళ్లకుండా చాలా చాకచక్యంగా కాంగ్రెస్ ప్రభుత్వం రాజకీయాలు చేసింది. ఎందుకంటే ప్రజలను మోసం చేయడంలో కాంగ్రెస్ కు గురువు కేసీఆరే.. ఆయన బాటలోనే రేవంత్ రెడ్డి నడుస్తున్నారని బండి సంజయ్ ఆరోపించారు. ఇగ ఇప్పుడు లోకల్ బాడీ ఎలక్షన్స్ తలమీదకు వచ్చినయ్. ఎందుకంటే మార్చిలోపు లోకల్ బాడీ ఎలక్షన్స్ జరగకపోతే 15వ ఆర్దిక సంఘం నుండి రావాల్సిన 2 వేల కోట్ల పైచిలుకు నిధులు ఆగిపోతయ్. అందుకే ఇప్పుడు రైతు భరోసా, రేషన్ కార్డులంటూ కొత్త డ్రామాను తెరపైకి తెచ్చింది. తెలంగాణ ప్రజాలారా... కాంగ్రెస్ మోసపూరిత మాటలు నమ్మి మోసపోకండి. కేసీఆర్ కూడా గతంలో ఇట్లనే డబుల్ బెడ్రూం ఇండ్లు, రేషన్ కార్డులు, ఉద్యోగాలిస్తాననని నిండా ముంచిండు.... కాంగ్రెస్ కూడా ఇప్పుడు లోకల్ బాడీ ఎలక్షన్లు వస్తున్నయని మోసం చేయడానికి సిద్ధమైంది. 70 లక్షల మంది రైతులకు ఏటా ఎకరాకు 10 వేల చొప్పున మొన్నటి వరకు రైతు బంధు పడింది. కాంగ్రెసోళ్లు 15 వేల చొప్పున ఇస్తామని హామీ ఇస్తే రైతులంతా ఓట్లేసి గెలిపించిర్రు. అధికారంలోకి వచ్చాక ఏడాది పైసలను ఎగ్గొట్టిర్రు. ఇప్పుడేమో ఎకరాకు 12 వేలు మాత్రమే ఇస్తానంటూ కోతలు పెడుతున్నరు. నమ్మి ఓటేస్తే మోసం చేయడం ఎంత వరకు కరెక్ట్? ఈ లెక్కన చూసినా గడిచిన ఏడాది బకాయి. రాబోయే రబీ సీజన్ పైసలు కలిపితే ఎకరాకు 18 వేల చొప్పున రైతుకు బకాయి ఉన్నరు. రైతులు, కౌలు రైతులు, వ్యవసాయ కూలీలందరికీ ఇస్తమన్నరు. ఈ లెక్కన రైతులందరికీ 12 వేల 600 కోట్లు ఇయ్యాలే. జనవరి 26న ఆ మొత్తాన్ని రైతులకు చెల్లిస్తరా? లేదా? స్పష్టం చేయాలే. ఇప్పటికే 22 లక్షల మంది రైతులకు రుణమాఫీ అందలే. అన్ని రకాల వడ్లకు క్వింటాలుకు రూ.500 బోనస్ స్తామని సన్నబియ్యానికే పరిమితం చేశారు. అది కూడా 5 శాతం మంది రైతులకే బోనస్ ఇచ్చి చేతులు దులుపుకున్నరు. అట్లాగే నిరుద్యోగులకు నెలకు 4 వేల నిరుద్యోగ భ్రుతి ఇస్తామన్నరు. ఏడాదైంది. 48 వేలు బకాయి పడ్డరు. ఈ లెక్కన 40 లక్షల మంది నిరుద్యోగులకు 19 వేల 200 కోట్లు ఇయ్యాలే... మరి ఆ సొమ్ము ఎప్పుడిస్తరు? జనవరి 26న నిరుద్యోగులకు ఆ పైసలిస్తరా? లేదా? స్పష్టం చేయాలే..అట్లాగే మహిళలకు నెలకు రూ.2,500 చొప్పున 1 కోటి మంది మహిళలకు ఏడాదిగా 30 వేల రూపాయలు బకాయి పడ్డరు. ఈ లెక్కన కోటి మందికి కలిపితే 30 వేల కోట్లు బకాయి పడ్డరు.ఇంకా తులం బంగారం, స్కూటీ పైసలు లెక్కకట్టనేలేదు.. ఇగ విద్యార్థులకు రూ.5 లక్షల భరోసా కార్డు, ఇల్లు లేని పేదలకు ఇంటిజాగా, రూ.5 లక్షలు, వ్రుద్దులు, వితంతవులకు 4 వేల పెన్షన్ పైసలు లెక్క కడితే... ఇంకో లక్ష కోట్ల రూపాయల బకాయి పడ్డరు.. ఇవన్నీ జనవరి 26న చెల్లిస్తరా? లేదా? రేవంత్ రెడ్డి ప్రభుత్వం స్పష్టం చేయాలే.... ఎందుకంటే మీ మాటలు నమ్మి ప్రజలు ఓట్లేసి గెలిపించారు కాబట్టి... ఆ డబ్బులు చెల్లించాల్సిన బాధ్యత మీదే... నేనడుగుతున్నా... అసలు ప్రభుత్వం దగ్గర పైసలెక్కడియి? నయాపైసా లేదు. ఈ నెల జీతాలు కూడా సక్కగ ఇయ్యలే. ఫస్ట్ తారీఖు ఇస్తానని ఇంకా వాయిదాల పద్దతిలో జీతాలిస్తున్నరు. రేపు లోకల్ బాడీ ఎలక్షన్ల కోసమని అప్పులు తెస్తున్నరు. ఇప్పటికే ఈ ప్రభుత్వం మీరు 70 వేల కోట్లదాకా అప్పు తెచ్చింది. గత మూడు నెలలుగా ప్రతి నెలా 10 వేల కోట్ల అప్పు తెస్తోంది. అంటే బడ్జెట్ లో ఈ ఏడాది 57 వేల కోట్లు మాత్రమే అప్పు తెస్తామన్నరు. కానీ ఇప్పటికే ఆ లిమిట్ దాటేసిర్రు. ఇంకా 30 వేల కోట్లు కావాలని ఆర్బీఐకి ప్రతిపాదనలు పంపిర్రు. అంటే ప్రతినెలా 10 వేల కోట్ల చొప్పున 60 నెలల పాటు 6 లక్షల కోట్లకుపైగా అప్పు తీసుకురావాలని సిద్ధమైంది. ఈ లెక్కన కేసీఆర్ కు, మీకు తేడా ఏముంది? మరి మీరు ప్రజలను ఉద్దరించేదేముంది? మీరిద్దరూ కలిసి తెలంగాణను శ్రీలంక లెక్క మారుస్తున్నరా? ఈసారి రైతు భరోసా పైసలు ఇయ్యడం కోసం TSIIC భూముల తనఖా పెట్టి రూ.10 వేల కోట్లు తెచ్చిర్రు... ప్రభుత్వ భూములను తాకట్టు పెట్టడానికి నువ్వెవడివి? పోనీ ఈసారి ఆ భూములను తాకట్టు పెట్టి జనానికి పంచుతున్నవ్. మరి వచ్చేసారి ఎక్కడి నుండి పైసలు తెస్తవ్? ప్రజలారా... అర్ధం చేసుకోండి. లోకల్ బాడీ ఎలక్షన్ల కోసమే రైతు భరోసా సొమ్ము చెల్లించబోతున్నరు. ఆ ఎన్నికలైపోయిన వెంటనే రైతు భరోసా బంద్ పెట్టబోతున్నరు. ఎందుకంటే పైసలే లేవు. కొత్తగా అప్పు పుట్టే పరిస్థితి కూడా లేదు..పోనీ భూములు తాకట్టు పెట్టి తెచ్చిన పైసలు రేపు కట్టకపోతే ఆ భూములను బ్యాంకులు స్వాధీనం చేసుకుంటయ్. మరి నువ్వు రైతులకు ఒరగబెట్టిందేమిటి? ఆల్రెడీ చిప్ప చేత పట్టుకుని ఉన్నవ్. అయితే కేంద్రమైనా సాయం చేయాలే... లేకుంటే.. భూములను తాకట్టు పెట్టాలే... ఇంతకుమించి నువ్వు చేసిందేమిటి? మూసీ సుందరీకరణ కు అప్పు కోసం ఆర్బీఐ, ప్రపంచ బ్యాంకును సంప్రదించినవ్. కేంద్రం సిఫారసు చేస్తేనే ఆ అప్పులు పుడతయ్ అని సంజయ్ అన్నారు. నీ ఏడాది పాలనలో తెలంగాణలో ఉత్పాదకత పెంచడానికి, ఉద్యోగాల కోసం, యువత కోసం ఏమైనా చేసినవా? మీకు, మీ కుటుంబానికి అవసరమైన రియల్ ఎస్టేట్ మాఫీయా దందా చేయడం తప్ప నువ్వు ప్రజలకు ఒరగబెట్టిందేమిటి? 15 రోజులకో మాయ చేయడం... మర్చిపోవడం తప్ప సాధించేదేముంది? మీకు తెలిసిందల్లా ఢిల్లీకి కప్పం కట్టడం తప్ప చేస్తుందేమిటి? తెలంగాణలో 42 శాతం రిజర్వేషన్లను బీసీలకు అమలు చేస్తామన్నరు. ఏమైంది? అమలు చేస్తారా? లేదా? స్పష్టం చేయాలి. కాంగ్రెస్ పార్టీ హైకమాండ్ పెద్దలకు కప్పం కట్టడానికి తప్ప ఈ ప్రభుత్వం సాధించేదేమిటి? ప్రతి పనికి, బిల్లుకు 14 శాతం కమీషన్లు దొబ్బుకోవడమే పనిగా పెట్టుకున్నరు. ఫీజు రీయంబర్స్ మెంట్ బకాయిలు ఇవ్వడం లేదు. ఆరోగ్య శ్రీ బకాయిలు కట్టడం లేదు. ఇగ ప్రైవేట్ ఆసుపత్రుల దోపిడీకి అంతు లేకుండా పోయింది. ఈ మధ్య హైదరాబాద్ లో రెయిన్ బో ఆసుపత్రిలో రోగులు చేరితే లక్షల రూపాయలు బిల్లుల పేరుతో దోచుకుంటున్నరు. ఇదేం దోపిడీ. చిన్న చిన్న రోగాలకు కూడా లక్షల బిల్లులు వేసి ప్రజల రక్తం పీలుస్తున్నరు. అయినా ఈ ప్రభుత్వం ఏం చేస్తోందని బండి సంజయ్ ప్రశ్నించారు. ప్రజలారా...వాస్తవాలు గమనించాలని కోరుతున్నా... కాంగ్రెస్ అభయ హస్తమంటేనే భస్మాసుర హస్తం. కాంగ్రెస్ కు గుణపాఠం చెబితేనే ఆ పార్టీకి బుద్ది వస్తది... అట్లాగే ఆర్ధిక పరిస్థితి తెలిసే కాంగ్రెస్ పార్టీ హామీలిచ్చినందున ఆ హామీలను అమలు చేసేదాకా కొట్లాదాం. అట్లాగే మోదీ ఆధ్వర్యంలో ఎన్డీఏ ప్రభుత్వం ఇచ్చే నిధులతోనే గ్రామ పంచాయతీల్లో అభివ్రుద్ధి నిధులు నడుస్తున్నయ్. ఇగ బీఆర్ఎస్ పార్టీ పనైపోయింది. ఆ పార్టీని ప్రజలు పట్టించుకోవడం లేదు. దీనిని ద్రుష్టిలో ఉంచుకుని ప్రజలు పంచాయతీ ఎన్నికల్లో బీజీపీని గెలిపించేందుకు సిద్ధంగా ఉన్నారని అన్నారు.

Tag: sanjay target revanth reddy

Most Read

రాజకీయాల్లో రామనామం వివాదం: మంత్రి సురేఖ వ్యాఖ్యలపై హిందూ సంఘాల ఆగ్రహం!

బీజేపీ, బీఆర్ఎస్ మధ్య లోపాయికారి ఒప్పందం.. టీపీసీసీ చీఫ్ మహేశ్ కుమార్ గౌడ్ సంచలన ఆరోపణలు

బ్రేకింగ్: తమిళనాడులో విజయ్ ప్రభంజనం.. కాంగ్రెస్ మద్దతు కోరిన టీవీకే!

తమిళ గడ్డపై రసవత్తర రాజకీయం!.. విజయ్ ప్లాన్ ఇదేనా?

EDITOR PICKS

గ్రామాలకు పోతే తంతరనే అప్పు తెచ్చి రైతు భరోసా!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags

WhatsApp Channel