romanchakam - Crime Mirror

‘మ్యాడ్’ సినిమాతో తెలుగు తెరకు పరిచయమైన నటి అనంతిక సనిల్కుమార్.. ‘8 వసంతాలు’తో మరింత గుర్తింపు తెచ్చుకున్నారు. ప్రస్తుతం ఆమె నటించిన ‘రోమాంచకం’ విడుదలకు సిద్ధమవుతోంది. సెప్టెంబర్ 3న ప్రేక్షకుల ముందుకు రానున్న ఈ సినిమా ప్రమోషన్లలో భాగంగా అనంతిక ఓ ఇంటర్వ్యూలో తన వ్యక్తిగత జీవితం, సినీ ప్రయాణానికి సంబంధించిన పలు విషయాలను వెల్లడించారు. కళలపై చిన్నప్పటి నుంచే ఆసక్తి చిన్నతనం నుంచే కళలంటే తనకు ఎంతో ఇష్టమని అనంతిక తెలిపారు. ఆరో తరగతి నుంచే నృత్య ప్రదర్శనల్లో పాల్గొనేదాన్నని చెప్పారు. అయితే ఒక్కో ప్రదర్శనకు వెళ్లేందుకు గణనీయమైన ఖర్చు అయ్యేదని, ఆ సమయంలో తమ కుటుంబం ఆర్థిక ఇబ్బందులు ఎదుర్కొందని ఆమె గుర్తుచేసుకున్నారు. అయినప్పటికీ తన తల్లిదండ్రులు తన ఆసక్తికి అడ్డుకట్ట వేయలేదని అనంతిక చెప్పారు. అవసరమైతే అప్పులు చేసి మరీ తనను ఈవెంట్లకు పంపించేవారని తెలిపారు. కుటుంబం తన కోసం పడిన కష్టాలను దగ్గరుండి చూసిన తనకు.. తల్లిదండ్రులను జీవితంలో గొప్పగా చూడాలనే కోరిక కలిగిందని, అదే తనను సినీ పరిశ్రమ వైపు నడిపించిందని వివరించారు. లుక్స్ కారణంగా అవకాశాలు కోల్పోయా సినీ కెరీర్ ప్రారంభంలో కొన్ని అవకాశాలు తన చేతుల నుంచి జారిపోయాయని అనంతిక వెల్లడించారు. ముఖ్యంగా తన ఫొటోలు చూసిన కొందరు.. తాను వయసు కంటే చిన్నగా కనిపిస్తున్నానంటూ తిరస్కరించేవారని చెప్పారు. తన లుక్స్ కారణంగా నాని నటిస్తున్న ‘ది ప్యారడైజ్’ చిత్రంలో అవకాశం కూడా కోల్పోయినట్లు ఆమె పేర్కొన్నారు. అవకాశాలు చేజారిన సమయంలో బాధ కలిగినప్పటికీ.. వాటినే తలుచుకుంటూ కూర్చోకుండా సానుకూల దృక్పథంతో ముందుకు సాగడం తన స్వభావమని అనంతిక అన్నారు. ‘రోమాంచకం’పై భారీ నమ్మకం ప్రస్తుతం తన దృష్టి అంతా ‘రోమాంచకం’పైనే ఉందని అనంతిక తెలిపారు. ఈ సినిమా తప్పకుండా విజయం సాధిస్తుందనే నమ్మకం తనకు ఉందన్నారు. జీవితంలో మన కోసం రాసిపెట్టినది ఎప్పటికైనా మనకు దక్కుతుందనే నమ్మకంతోనే కెరీర్లో ముందుకు సాగుతున్నానని ఆమె చెప్పారు. తన కుటుంబం కోసం సినిమాల్లోకి వచ్చిన అనంతిక.. ఎదురైన అడ్డంకులను అధిగమిస్తూ అవకాశాలను అందిపుచ్చుకుంటున్నారు. ఇప్పుడు ‘రోమాంచకం’తో ప్రేక్షకులను ఎలా ఆకట్టుకుంటారో చూడాలి. also read: కడపలో కీలక పరిణామం.. పులివెందుల అర్బన్ సీఐపై వేటు

Tag: romanchakam

Most Read

సీక్రెట్‌గా సాగిన ప్రేమకు పెళ్లితో శుభం కార్డు.. ఒక్కటైన బుల్లితెర నటి శిరీష, మహి

శర్వానంద్ ‘భోగి’ నుంచి ఇంట్రెస్టింగ్ పోస్టర్.. ‘గంగ ఒక్కడే.. ప్రాణాలు ఐదు’ అంటూ క్యాప్షన్‌!

‘టాక్సిక్’పై నెగెటివ్ రివ్యూలకు చెక్.. యూట్యూబర్లు, ఇన్‌ఫ్లుయెన్సర్లకు లీగల్ నోటీసులు!

సన్నీ లియోన్ దంపతులకు భారీ ఊరట.. రూ.1.75 కోట్ల వివాదంలో కీలక తీర్పు

EDITOR PICKS

అవకాశాలు చేజారినా వెనక్కి తగ్గలేదు.. తల్లిదండ్రుల కోసం సినిమాల్లోకి వచ్చా: అనంతిక

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags