Risk - Crime Mirror

కొలెస్ట్రాల్ను తగ్గించి గుండెను రక్షించడానికి ప్రపంచవ్యాప్తంగా స్టాటిన్ తరహా మందులను విస్తృతంగా వాడుతున్నారు. రోసువాస్టాటిన్ ఈ మందులలో ఒకటి. దీన్ని అత్యంత ప్రభావవంతమైన మందులుగా పరిగణిస్తారు. అయితే, ఇటీవల అమెరికాలోని జాన్స్ హాప్కిన్స్ విశ్వవిద్యాలయం పరిశోధకులు చేసిన అధ్యయనంలో రోసువాస్టాటిన్ వల్ల మూత్రపిండాలకు సంబంధించి కీలక ఆందోళనలపై లైట్ పడింది. అధ్యయనంలో 9 లక్షల మందికి పైగా రోగుల ఆరోగ్య రికార్డులను విశ్లేషించారు. వీరిలో సుమారు 1,50,000 మంది రోసువాస్టాటిన్ వాడుతూ ఉంటే, 8 లక్షల మంది అటోర్వాస్టాటిన్ తీసుకుంటున్నారు. ఈ రోగుల మూత్రపిండాల ఆరోగ్యాన్ని మూడు సంవత్సరాల పాటు పర్యవేక్షించారు. ఫలితాల్లో, రోసువాస్టాటిన్ తీసుకున్న వారిలో సుమారు 2.9 శాతం మందిలో మూత్రంలో రక్తం (హెమటూరియా) కనిపించింది, 1 శాతం మందిలో ప్రోటీన్ లక్షణాలు (ప్రొటీనూరియా) బయటకు వచ్చాయి. అటోర్వాస్టాటిన్ వాడుతున్న వారితో పోలిస్తే, రోసువాస్టాటిన్ తీసుకునే వారు ఈ సమస్యలకు ఎక్కువగా గురవుతున్నారని తెలుస్తోంది. పరిశోధన ప్రకారం, రోసువాస్టాటిన్ వాడిన వారిలో హెమటూరియా రావడం 8 శాతం ఎక్కువ, ప్రొటీనూరియా 17 శాతం ఎక్కువ, తీవ్రమైన మూత్రపిండాల వైఫల్యం వచ్చే అవకాశం 15 శాతం ఎక్కువగా ఉంది. దీని వల్ల కొన్ని రోగులకు డయాలసిస్ లేదా మూత్రపిండ మార్పిడి అవసరమవ్వవచ్చు. అత్యంత ఆందోళనకర విషయం ఏమిటంటే, మందు మోతాదు పెరుగుతే ఈ ప్రమాదం మరింత పెరుగుతుంది. అంటే, అధిక మోతాదులో రోసువాస్టాటిన్ తీసుకుంటే మూత్రపిండ సమస్యల సంభావ్యత ఎక్కువ. అంతేకాకుండా, ఇప్పటికే మూత్రపిండ వ్యాధి ఉన్న రోగులకు కూడా ఈ మందును అధిక మోతాదులో ఇచ్చే ప్రవర్తన ఈ అధ్యయనంలో వెలుగులోకి వచ్చింది, ఇది యూఎస్ ఫుడ్ అండ్ డ్రగ్ అడ్మినిస్ట్రేషన్ సూచనలకు విరుద్ధం. ఆసక్తికరంగా, గుండెను రక్షించడంలో రోసువాస్టాటిన్, అటోర్వాస్టాటిన్ రెండూ సమానంగా ప్రభావవంతంగా ఉన్నాయని కూడా అధ్యయనం నిర్ధారించింది. అంటే గుండెపోటు, పక్షవాతం వంటి ప్రమాదాలను తగ్గించడంలో రెండూ సమానంగా పనిచేస్తాయి. NOTE: పై వార్తలోని సమాచారం కేవలం అవగాహన కోసం మాత్రమే తెలియజేశాము. ఇది వైద్య సలహాకు ప్రత్యామ్నాయం కాదు. ఏదైనా కొత్త కార్యాచరణ చేపట్టే ముందు ఎల్లప్పుడూ మీ వైద్యుడిని లేదా సంబంధిత నిపుణుడిని సంప్రదించండి. ALSO READ: సర్వరోగ నివారిణి.. వామాకు మొక్కను పెంచడం ఇంత సులువా?

Tag: Risk

Most Read

దంపతుల మధ్య గొడవ.. భర్త ఆత్మహత్యాయత్నం, భార్య అనుమానాస్పద మృతి

ట్రైనీ ఐపీఎస్ కేసులో కీలక మలుపు.. రెండు రోజుల కస్టడీకి ఉదయ్ కృష్ణారెడ్డి

త్వరలో బంగ్లాదేశ్‌కు తిరిగి వెళ్తా.. అరెస్టైనా, చంపినా వెనక్కి తగ్గను: షేక్ హసీనా

కర్ణాటకలో ఘోర ప్రమాదం.. రసాయన వాయువు లీక్‌తో ముగ్గురు మృతి

EDITOR PICKS

గుండె జబ్బు మందులు మూత్రపిండాలను దెబ్బ తీస్తాయా?

మద్యంలో కూల్ డ్రింక్ కలుపుకుని తాగితే మీ ఒంట్లో జరిగేదిదే!

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags