Pushpa - Crime Mirror

‘పుష్ప’తో దేశవ్యాప్తంగా భారీ క్రేజ్ సంపాదించుకున్నారు ఐకాన్ స్టార్ అల్లు అర్జున్. పుష్పరాజ్గా ఆయన చూపించిన నటన, మేనరిజమ్స్ ప్రేక్షకులను ఎంతగానో ఆకట్టుకున్నాయి. ముఖ్యంగా తిరుపతి గంగమ్మ జాతర నేపథ్యంలో వచ్చే సన్నివేశాల్లో ఆయన ధరించిన ప్రత్యేకమైన స్త్రీ వేషధారణ అప్పట్లో పెద్ద చర్చకు దారితీసింది. తాజాగా ఆ లుక్ వెనుక ఉన్న ఆసక్తికర విషయాలను అల్లు అర్జున్ స్వయంగా వెల్లడించారు. ప్రతిష్ఠాత్మక ‘ఫోర్బ్స్ ఇండియా’ మ్యాగజైన్ కవర్పై కనిపించిన అల్లు అర్జున్.. ప్రత్యేక ఇంటర్వ్యూలో ‘పుష్ప’లో తన గెటప్ గురించి మాట్లాడారు. సాధారణంగా కమర్షియల్ హీరోలు తమ స్టార్ ఇమేజ్కు భిన్నంగా కనిపించే ప్రయోగాత్మక పాత్రలను చేయడానికి కొంత వెనుకాడతారని, అయితే తాను మాత్రం నటుడిగా కొత్తగా ప్రయత్నించాలనే ఉద్దేశంతో ఆ పాత్రను స్వీకరించినట్లు తెలిపారు. ‘‘నా కెరీర్లో అత్యంత ధైర్యమైన నిర్ణయం అదే’’ ‘పుష్ప’లో చీరకట్టుకుని స్త్రీ వేషధారణలో కనిపించడం తన కెరీర్లో తీసుకున్న అత్యంత ధైర్యమైన నిర్ణయాల్లో ఒకటని అల్లు అర్జున్ పేర్కొన్నారు. స్టార్ ఇమేజ్ గురించి ఆలోచించకుండా కథకు అవసరమైన పాత్రను చేయడానికే ప్రాధాన్యం ఇచ్చానని చెప్పారు. తన కంఫర్ట్ జోన్ను దాటి చేసిన ఈ ప్రయోగమే ప్రేక్షకులకు కొత్త అనుభూతిని ఇచ్చిందని అభిప్రాయపడ్డారు. సుకుమార్ ఆలోచనతోనే ఆ లుక్.. ఈ ప్రత్యేక గెటప్ రూపకల్పన వెనుక దర్శకుడు సుకుమార్ ఆలోచన కీలకంగా నిలిచిందని బన్నీ వెల్లడించారు. తొలుత పుష్పరాజ్ పాత్ర కోసం సాధారణ మాస్, స్టైలిష్ లుక్స్తో ఫొటోషూట్ చేసినట్లు చెప్పారు. అయితే ప్రేక్షకులకు ఊహించని అనుభూతిని ఇవ్వాలంటే మరింత భిన్నమైన లుక్ అవసరమని సుకుమార్ భావించారట. కథలో బలమైన ప్రభావం చూపించేలా, ప్రేక్షకులకు ఒక్కసారిగా షాక్ ఇచ్చే రూపాన్ని తీసుకురావాలనే ఆలోచన నుంచి గంగమ్మ జాతర సీక్వెన్స్లోని ఈ గెటప్ పుట్టిందని అల్లు అర్జున్ వివరించారు. గెటప్ కోసం గంటల తరబడి మేకప్.. ఆ పాత్ర కోసం తాను శారీరకంగా కూడా చాలా కష్టపడాల్సి వచ్చిందని బన్నీ తెలిపారు. షూటింగ్కు ముందు ప్రతిరోజూ సుమారు రెండున్నర గంటల పాటు ప్రత్యేక మేకప్ వేసుకునేవారని చెప్పారు. భారీ ఆభరణాలు ధరించడం, సంప్రదాయ పద్ధతిలో చీర కట్టుకోవడం, అదే గెటప్లో యాక్షన్ సన్నివేశాల్లో నటించడం అంత సులభం కాదని వెల్లడించారు. రోజంతా ఆ భారీ గెటప్లో షూటింగ్ చేయడం వల్ల నడుము నొప్పి వంటి ఇబ్బందులు కూడా ఎదురైనట్లు ఆయన గుర్తుచేసుకున్నారు. అయినప్పటికీ పాత్రకు న్యాయం చేయడమే లక్ష్యంగా ముందుకు సాగినట్లు తెలిపారు. వైరల్గా మారిన బన్నీ వ్యాఖ్యలు స్టార్ ఇమేజ్ను పక్కనపెట్టి కథ కోసం అల్లు అర్జున్ చేసిన ఈ ప్రయోగం ‘పుష్ప’లో ప్రత్యేక ఆకర్షణగా నిలిచింది. ముఖ్యంగా గంగమ్మ జాతర సన్నివేశం ప్రేక్షకుల్లో విపరీతమైన ఆసక్తిని కలిగించింది. ప్రస్తుతం ఫోర్బ్స్ ఇండియా ఇంటర్వ్యూకు సంబంధించిన క్లిప్ను అల్లు అర్జున్ తన ‘ఎక్స్’ ఖాతాలో షేర్ చేయడంతో ఆయన చేసిన వ్యాఖ్యలు మరోసారి సోషల్ మీడియాలో వైరల్గా మారాయి. also read: ‘రోమాంచకం’పై హీరోయిన్ అనంతిక ఆసక్తికర వ్యాఖ్యలు.. సినిమా స్పెషల్ ఇదే!

Tag: Pushpa

Most Read

లంచం తీసుకుంటూ రెడ్‌హ్యాండెడ్‌గా పట్టుబడ్డ పంచాయతీ కార్యదర్శి, కారోబార్‌

రెండు బైక్‌లు ఢీ.. ఇద్దరు మృతి

వివాహిత మృతిపై అనుమానాలు.. భర్త, అత్తామామలపై కేసు

వీడియో…! నంద్యాలలో ఘోర రోడ్డు ప్రమాదం…!

EDITOR PICKS

అల్లు అర్జున్‌కు అదే ‘ఆల్ఫా’ నిర్ణయం.. ‘పుష్ప’లో ఆ లుక్ వెనుక అసలు కథ ఇదే!

పుష్ప స్టార్లు అల్లు అర్జున్, శ్రీలీలపై కేసులు!

టాలీవుడ్ ఇండస్ట్రీనీ చూస్తుంటే చాలా అసూయగా ఉంది : విక్రమ్

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags