psychological triggers - Crime Mirror

Chanakya Niti: అమ్మాయి, అబ్బాయి కేవలం స్నేహితులుగానే ఉండగలరా అనే సందేహం మనిషి భావోద్వేగాల మూలానికి తాకే ప్రశ్న. ఎప్పటినుంచో మనం కళ్ల ముందే చూసుకుంటూ వస్తున్న నిజం ఏమిటంటే.. ఇద్దరూ ఎంతగా “మేము జస్ట్ ఫ్రెండ్స్ మాత్రమే” అని బయట ప్రపంచానికి చెప్పినా, హృదయాల లోతుల్లో మాత్రం ఎక్కడో ఒక చిన్న ఎమోషనల్ కనెక్షన్ పుడుతుంది. మనసు స్వభావం అలాంటిది. సన్నిహితంగా మాట్లాడే, తమ సమస్యలు చెప్పుకునే, బాధ సమయంలో ధైర్యం ఇచ్చే వ్యక్తిని మనం మనసులో ప్రత్యేకంగా పెట్టుకోవడం సహజం. ఈ సహజత్వాన్ని మన కాలానికి ముందే ఆచార్య చాణక్యుడు గమనించి, మగ- ఆడ స్నేహం ఎంత సున్నితమైన బంధమో, ఎందుకు చిట్లిపోతుందో తన గ్రంథాలలో స్పష్టంగా చెప్పారు. చాణక్యుడి దృష్టిలో ఇలాంటి స్నేహం ఎక్కువకాలం నిలవకపోవడానికి ముఖ్య కారణం భావోద్వేగాల వేగం. ఇద్దరూ ఒకరికొకరు ఎంత దగ్గరగా ఉన్నంత మాత్రాన ప్రేమ మొదలవుతుందనే కాదు. ఆ ప్రాసెస్ నెమ్మదిగా, తెలియకుండానే మొదలవుతుంది. వరుస రోజులపాటు మాట్లాడుకోవడం, తన మనసుని తెరచి సీక్రెట్స్ చెప్పుకోవడం, మనసు బరువైనప్పుడు మొదట గుర్తొచ్చే వ్యక్తి ఆయననే అయినప్పుడు.. ఈ దశలోనే మన మెదడు డోపమైన్ అనే ఆనంద రసాయనాన్ని విడుదల చేస్తుంది. ఈ రసాయనం ఇచ్చే మృదు ఆనందాన్ని మనసు ప్రేమ భావంగా పొరబడుతుంది. అవతలి వ్యక్తి కొద్దిసేపు దూరంగా ఉన్నా కలత చెందడం మొదలైతే, ఆ స్నేహం తన సహజమైన హద్దులు దాటేసిందని అర్థం. అసలు ఆకర్షణ శారీరక సంబంధాల వల్ల మాత్రమే వస్తుందని చాలామంది అనుకుంటారు. కానీ నిజానికి ప్రమాదం మన ఊహల్లో మొదలవుతుంది. మనసు ఒకసారి “మేమిద్దరం కలిసి జీవితాన్ని గడిపితే ఎలా ఉంటుంది?” అనే ఒక చిన్న ఊహనైనా కలగనిస్తే, ఆ ఊహే మన ప్రవర్తనను మార్చేస్తుంది. వాళ్ల కోసం ప్రత్యేకంగా రెడీ అవ్వడం, వాళ్లు వేరే వారితో మాట్లాడితే అసూయ పడడం, వాళ్లు పంపే మెసేజ్ కోసం ఎదురు చూడటం.. ఇవన్నీ ఊహల్లో పుట్టే చిన్న కలలే. ఈ ఫాంటసీలు స్నేహానికి అజ్ఞాత శత్రువులు. అవి పెరిగితే స్నేహం ప్రేమగా మారకపోయినా, ప్రేమగా అనిపించే గందరగోళం ఖచ్చితంగా మొదలవుతుంది. అప్పుడు హద్దులు ఎంత ముఖ్యమో తెలుస్తుంది. నిదానంగా మొదలయ్యే చనువు తరువాత పెద్ద భావోద్వేగ కల్లోలంగా మారుతుంది. స్నేహితులమని అనుకుంటూ లేట్ నైట్ కాల్స్, ట్రిప్లలో ఒకే బెడ్ షేర్ చేసుకోవడం, బేబీ, డార్లింగ్ లాంటి ఫ్లర్టింగ్ పదాలు వాడటం ఇవి అన్ని స్నేహం అనే గీతను చెరిపి, బంధానికి తేడా తెస్తాయి. ఇద్దరిలో ఒకరు దీన్ని కేవలం స్నేహంగా భావిస్తే, మరొకరు దీన్ని ప్రేమ సంకేతంగా భావించే స్థితి వస్తుంది. అప్పుడు బాధ, అపోహలే మొదలవుతాయి. అందుకే మాట్లాడే విధానం, ప్రవర్తన, హద్దుల విషయంలో స్పష్టత ఎంతో ముఖ్యం. చెప్పకుండా మనసులో దాచుకునే అంచనాలు మరింత ప్రమాదకరం. బయటకు ప్రేమను చెప్పితే ఎవరికి అయినా అర్థమవుతుంది.. కానీ చెప్పకుండా మనసులోనే ప్రేమను పెంచుకుంటే, ప్రతీ పనిని అవతలి వ్యక్తి ఎలా తీసుకుంటారో అనుకుని మనసు నరకం అనుభవిస్తుంది. వాళ్లు ఒక చిన్న మెసేజ్కు లేట్గా రిప్లై ఇచ్చినా బాధపడటం, వాళ్లలోని స్నేహితుని దాటి లవర్ను వెతకటం మొదలవుతుంది. ఇది స్నేహం ముసుగులో జరిగే అసలు భావోద్వేగ యుద్ధం. ఈ పరిస్థితి నుంచి బయటపడాలంటే నిజాయితీ ఒక్కటే దారి. మీ భావాలు మారితే తీసుకోవాల్సిన మూడు నిర్ణయాలు స్పష్టంగా ఉంటాయి. 1.మీ భావాలు చెప్పి బంధాన్ని మార్చుకునే అవకాశం చూడాలి. 2.ఆ భావోద్వేగాల్ని నియంత్రించేందుకు కొంత దూరం ఉండాలి. 3.ఏమీ చెప్పకుండా లోపలే మండే నొప్పిని భరించాలి. మూడోది ఎన్నుకున్నవారికి మానసికంగా ఎక్కువ నష్టం జరుగుతుంది. అనవసర ఆకర్షణల నుంచి బయటపడాలంటే మీ రోజును బిజీగా, ఉద్దేశపూర్వకంగా పనులతో నింపుకోవడం ఉత్తమ మార్గం. అవతలి వ్యక్తిని అతి ప్రత్యేకంగా కాకుండా సాధారణ వ్యక్తిగా చూడడం, వారి లోపాలను కూడా గమనించడం, మీ హద్దులను మీరే కాపాడుకోవడం.. ఇవి చేస్తే స్నేహం ఆరోగ్యంగా, శాశ్వతంగా నిలబడే అవకాశం ఉంటుంది. ALSO READ: Ditva cyclone: వామ్మొ.. 3 రోజులు చలి.. ఆ తర్వాత వర్షాలట..?

Tag: psychological triggers

Most Read

హరీష్ రావు మామకు ఊర‌ట‌…!

ఆ మూడు కార్పొరేషన్లపై వైసీపీ గురి!

కులవృత్తి నైపుణ్యం కొరకు ప్రత్యేక (క్లస్టర్) శిక్షణ కేంద్రం ఏర్పాటుకు స్థలం కేటాయించాలి

ఢిల్లీ మెట్రోలో దారుణం.. సీటు గొడవలో వ్యక్తి మృతి, రిటైర్డ్ ఐఏఎస్‌ అరెస్ట్!

EDITOR PICKS

Chanakya Niti: ఆడ, మగ మధ్య స్నేహం సాధ్యమేనా..?

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags