police raid - Crime Mirror

తుపాకీ ఉందన్న సమాచారంతో ఓ ఆటో డ్రైవర్ ఇంట్లో తనిఖీలు చేపట్టిన పోలీసులకు ఊహించని పరిణామం ఎదురైంది. ఆయుధం కోసం సోదాలు నిర్వహించగా.. భారీగా నగదు బయటపడింది. బ్యాగుల్లో దాచిన నోట్ల కట్టలను లెక్కించగా సుమారు రూ.3 కోట్ల వరకు నగదు ఉన్నట్లు అధికారులు గుర్తించారు. ఈ ఘటన మధ్యప్రదేశ్లోని సాగర్ జిల్లా గోపాల్గంజ్ పోలీస్ స్టేషన్ పరిధిలో చోటుచేసుకుంది. సోషల్ మీడియా ఫొటోతో మొదలైన వ్యవహారం పోలీసులకు అందిన సమాచారం ప్రకారం.. ఓ యువకుడు సోషల్ మీడియాలో తుపాకీతో ఉన్న ఫొటోను పోస్టు చేసినట్లు తెలిసింది. దీంతో ఆ వ్యక్తి గురించి ఆరా తీసిన పోలీసులు సౌరభ్ అహిర్వార్ను గుర్తించారు. అనంతరం అతడి తండ్రి రాజేష్ అహిర్వార్కు చెందిన ఇంట్లో సోదాలు నిర్వహించారు. ఇంట్లోని పలు ప్రాంతాల్లో తనిఖీలు చేసినప్పటికీ పోలీసులకు ఎలాంటి తుపాకీ కనిపించలేదు. అయితే కొన్ని బ్యాగులు అనుమానాస్పదంగా కనిపించడంతో వాటిని తెరిచి పరిశీలించారు. అందులో పెద్ద మొత్తంలో కరెన్సీ నోట్లు ఉండటాన్ని చూసి అధికారులు ఒక్కసారిగా అప్రమత్తమయ్యారు. ఐదు గంటల పాటు నగదు లెక్కింపు భారీగా నగదు బయటపడటంతో పోలీసులు ఉన్నతాధికారులకు సమాచారం అందించారు. నోట్లను లెక్కించేందుకు యంత్రాన్ని తీసుకురావడంతో పాటు రెవెన్యూ శాఖ అధికారులను కూడా అక్కడికి పిలిపించారు. సుమారు ఐదు గంటల పాటు నగదును లెక్కించగా.. మొత్తం విలువ దాదాపు రూ.3 కోట్లుగా తేలినట్లు అధికారులు తెలిపారు. సాధారణంగా ఆటో నడుపుతూ జీవనం సాగించే వ్యక్తి ఇంట్లో ఇంత భారీ మొత్తంలో నగదు లభించడంతో స్థానికంగా చర్చనీయాంశంగా మారింది. బంధువుదని కుటుంబ సభ్యుల వివరణ నగదుకు సంబంధించి కుటుంబ సభ్యులను పోలీసులు ప్రశ్నించారు. ఈ డబ్బు తమ బంధువుకు చెందినదని, అతను భోపాల్లో ప్రభుత్వ ఇంజినీర్గా పనిచేస్తున్నాడని వారు పోలీసులకు వివరించినట్లు సమాచారం. అయితే నగదుకు సంబంధించి సరైన ఆధారాలు, పత్రాలు ఉన్నాయా అనే విషయాన్ని పోలీసులు పరిశీలిస్తున్నారు. సౌరభ్ అహిర్వార్తో పాటు అంకిత్ అహిర్వార్ను కూడా అదుపులోకి తీసుకుని విచారిస్తున్నట్లు తెలుస్తోంది. నగదు మూలాలపై దర్యాప్తు ఇంత పెద్ద మొత్తంలో నగదును ఇంట్లో ఎందుకు ఉంచారు? ఆ డబ్బుకు సంబంధించిన లెక్కలు, పత్రాలు ఉన్నాయా? నగదు ఎక్కడి నుంచి వచ్చింది? అనే అంశాలపై పోలీసులు దృష్టి సారించారు. ఈ విషయాన్ని ఆదాయపు పన్ను శాఖ అధికారుల దృష్టికి కూడా తీసుకెళ్లినట్లు సమాచారం. ప్రస్తుతం స్వాధీనం చేసుకున్న నగదుకు సంబంధించిన పూర్తి వివరాలు, దాని మూలాలు తెలుసుకునేందుకు దర్యాప్తు కొనసాగుతోంది. తుపాకీ కోసం వెళ్లిన పోలీసులకు రూ.3 కోట్ల నగదు లభించడం ఈ ఘటనలో ఆసక్తికర పరిణామంగా మారింది. also read: 72 ఏళ్ల వయసులో మనవడితో కలిసి ఎల్బ్రస్ శిఖరాన్ని అధిరోహించిన విజయవాడ వాసి

Tag: police raid

Most Read

కవిత కాన్ఫిడెన్స్..!

ఏపీకి వాయుగండం!

బహుజనుల అవకాశాలను ఆక్రమించిన సామాజిక ప్రతినిధిగా కేసీఆర్…!

రేవంత్ చేతిలో బ్రహ్మాస్త్రాలు…!

EDITOR PICKS

ఆటో డ్రైవర్ ఇంట్లో రూ.3 కోట్ల నగదు.. తుపాకీ కోసం వెళ్లిన పోలీసులకు షాక్!

దాదర్ స్టార్ మాల్‌లో స్పా ముసుగులో వ్యభిచార దందా.. ఆరుగురు యువతులు అదుపులోకి

బంజారాహిల్స్‌లో సెక్స్ రాకెట్ బట్టబయలు.. స్పై కెమెరా కలకలం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags