#PatientSafety - Crime Mirror

మర్రిగూడ ప్రభుత్వ ఆసుపత్రిలో కుక్కల హడావిడి.. రోగుల గదుల్లోకే కుక్కల ప్రవేశం భయాందోళనలో చిన్నారులు, గర్భిణీలు, బాలింతలు. రోగులను పట్టించుకునే నాధుడే కరువు.. ఎవరికి వారే యమునాతీరే మర్రిగూడ (క్రైమ్ మిర్రర్): మర్రిగూడ ప్రభుత్వ ఆసుపత్రిలో కుక్కల హడావిడి రోజురోజుకూ పెరుగుతుండటం రోగులు, వారి బంధువులను తీవ్ర ఆందోళనకు గురిచేస్తోంది. సాధారణంగా ఆసుపత్రి పరిసరాల్లోకి కుక్కలు రావడం కనిపించినా, ఇక్కడ పరిస్థితి మరింత ఆందోళనకరంగా మారింది. ఏకంగా రోగులు వైద్యులను సంప్రదించే గదుల్లోకి సైతం, కుక్కలు నేరుగా ప్రవేశిస్తున్న పరిస్థితి నెలకొంది. దీనితో చికిత్స కోసం ఆసుపత్రికి వచ్చే వారు భయంతో బిక్కుబిక్కుమంటున్నారు. ముఖ్యంగా చిన్నారులు, గర్భిణీలు, బాలింతలు, వృద్ధులు కుక్కలను చూసి తీవ్ర భయాందోళనకు గురవుతున్నారని రోగులు చెబుతున్నారు. ఇప్పటికే గ్రామాలు, పట్టణాల్లో వీధి కుక్కల బెడద తీవ్రంగా ఉంది. రోడ్లపై ప్రజలను వెంబడించడం, కరవడం వంటి ఘటనలు తరచూ వెలుగులోకి వస్తున్న నేపథ్యంలో.. అనారోగ్యంతో చికిత్స కోసం వచ్చే ప్రజలు ఉండే ప్రభుత్వ ఆసుపత్రిలోనే, కుక్కలు స్వేచ్ఛగా సంచరించడం మరింత ఆందోళన కలిగించే అంశంగా మారింది. ఆసుపత్రి అనేది ప్రజలకు భద్రత, వైద్యం అందాల్సిన ప్రదేశం. అలాంటి చోట కుక్కలు రోగుల గదుల్లోకి ప్రవేశించే స్థాయికి పరిస్థితి చేరుకోవడం ఆసుపత్రి నిర్వహణ, పరిసరాల పర్యవేక్షణపై పలు ప్రశ్నలను లేవనెత్తుతోంది. కుక్కలు అకస్మాత్తుగా రోగులపైకి దూసుకెళ్లినా, చిన్నారులను వెంబడించినా, ఎవరినైనా కరిచినా పరిస్థితి ఏమిటని రోగులు ప్రశ్నిస్తున్నారు. ఆసుపత్రి నిర్వహణపై రోగుల ఆగ్రహం.. ప్రభుత్వం పేద, మధ్యతరగతి ప్రజలకు అందుబాటులో వైద్య సేవలు అందించేందుకు ప్రభుత్వ ఆసుపత్రులను ఏర్పాటు చేస్తోంది. అయితే ఆసుపత్రి ప్రాంగణంలో, ఆసుపత్రి లోపల ఇలాంటి పరిస్థితులు నెలకొంటే పేద ప్రజలకు ప్రభుత్వ వైద్యంపై నమ్మకం ఎలా కలుగుతుందని స్థానికులు ప్రశ్నిస్తున్నారు. ఆసుపత్రిలోకి కుక్కలు ప్రవేశించకుండా అవసరమైన చర్యలు తీసుకోవడం, పరిసరాలను పరిశుభ్రంగా ఉంచడం, గేట్లు, ప్రహరీ తదితర ప్రాంతాలను పర్యవేక్షించడం వంటి కనీస చర్యలు చేపట్టాల్సిన అవసరం ఉందని పబ్లిక్ అంటున్నారు. రోగులు వైద్యులను కలిసే గదుల్లోకి సైతం కుక్కలు వెళ్లే పరిస్థితి ఏర్పడటం చిన్న విషయం కాదని, దీనిపై సంబంధిత అధికారులు తక్షణమే దృష్టి సారించాలని స్థానికులు కోరుతున్నారు. కుక్కలను తరిమేయడం ఒక్కటే కాకుండా, అవి ఆసుపత్రి లోపలికి ఎందుకు వస్తున్నాయో గుర్తించి శాశ్వత పరిష్కారం చూపాలని డిమాండ్ చేస్తున్నారు. ఆసుపత్రి సిబ్బంది, సంబంధిత అధికారులు నిరంతర పర్యవేక్షణ చేపట్టి రోగులకు సురక్షితమైన వాతావరణం కల్పించాలని కోరుతున్నారు. ఘటన జరిగే వరకు వేచి చూడొద్దు.. ముందస్తు చర్యలు చేపట్టాలని డిమాండ్ “ఎవరినైనా కుక్కలు కరిచిన తర్వాత చర్యలు తీసుకోవడం కంటే ముందే అధికారులు మేల్కొనాలి” అని రోగులు, వారి బంధువులు అంటున్నారు. ముఖ్యంగా చిన్నారులు, గర్భిణీలు, బాలింతలు, వృద్ధులు ఎక్కువగా వచ్చే ప్రభుత్వ ఆసుపత్రిలో భద్రత విషయంలో ఏమాత్రం నిర్లక్ష్యం ఉండకూడదని వారు స్పష్టం చేస్తున్నారు. కుక్కల సంచారంతో ఏదైనా ప్రమాదం జరిగితే దానికి ఎవరు బాధ్యత వహిస్తారని ప్రశ్నిస్తున్నారు. మర్రిగూడ ప్రభుత్వ ఆసుపత్రిలో నెలకొన్న ఈ సమస్యపై వైద్య ఆరోగ్యశాఖ అధికారులు, స్థానిక అధికారులు వెంటనే స్పందించి కుక్కల బెడదను నివారించడంతో పాటు ఆసుపత్రి పరిసరాల పరిశుభ్రత, భద్రతపై ప్రత్యేక దృష్టి పెట్టాలని ప్రజలు కోరుతున్నారు. సమస్యను నిర్లక్ష్యం చేస్తే రోగుల ప్రాణాలకు ముప్పు ఏర్పడే అవకాశం ఉందని, ఏదైనా అవాంఛనీయ ఘటన చోటుచేసుకునేలోపే చర్యలు తీసుకోవాలని స్థానికులు విజ్ఞప్తి చేస్తున్నారు. ప్రభుత్వ ఆసుపత్రికి వచ్చే ప్రతి రోగికి భయరహితంగా, సురక్షితంగా వైద్యం పొందే హక్కు ఉందని, ఆ హక్కును కాపాడాల్సిన బాధ్యత సంబంధిత అధికారులదేనని స్థానికులు స్పష్టం చేస్తున్నారు. నడవలేని పరిస్థితిలో ఉన్న రోగులను కనీసం, వీల్ చైర్ పై కూర్చోబెట్టే పరిస్థితి కూడా ఆసుపత్రిలో కనపడటం లేదు. ఇదంతా అధికారుల పర్యవేక్షణ లోపమేనని, ప్రజలు మండిపడుతున్నారు.

Tag: #PatientSafety

Most Read

తెలంగాణ‌లో బీజేపీకి ఇదే మంచి తరుణం…!

ఢిల్లీలో భార్య బంధువుల దాడి.. 31 ఏళ్ల టెకీ మృతి

ప్రేమ పేరుతో వేధింపులు.. విద్యార్థినిపై బ్లేడ్‌తో దాడి

ప్రమాదం తర్వాత అక్కడి నుంచి వెళ్లిపోలేదు: సంజూష్

EDITOR PICKS

మర్రిగూడ ప్రభుత్వ ఆసుపత్రిలో కుక్కల హడావిడి….!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags