New Twist in Viral Mouse-in-Dosa Case

దోశలో ఎలుక కేసులో ఊహించని ట్విస్ట్.. రూ.25 లక్షలు అడిగి అడ్డంగా బుక్కైన మహిళ దోశలో ఎలుక కలకలం.. రూ.25 లక్షలు డిమాండ్.. చివరికి ఫిర్యాదుదారే అరెస్ట్ ముంబై బోరివలీలోని రాధాకృష్ణ హోటల్లో ఘటన సెప్టెంబర్ 24న మైసూర్ మసాలా దోశలో చనిపోయిన ఎలుక కనిపించిందని ఆరోపణ వీడియో వైరల్ కావడంతో హోటల్ లైసెన్స్ సస్పెన్షన్ రూ.25 లక్షలు డిమాండ్ చేసిన కేసులో మహిళను పట్టుకున్న పోలీసులు ముంబై, అక్టోబర్ 8: ఒక దోశతో మొదలైన వ్యవహారం.. ఏకంగా రూ.25 లక్షల డిమాండ్ వరకు వెళ్లింది. ఆహారంలో చనిపోయిన ఎలుక కనిపించిందంటూ ఫిర్యాదు చేసిన మహిళ.. కొద్ది రోజులకే అదే హోటల్ యజమాని నుంచి డబ్బులు డిమాండ్ చేసిన కేసులో పోలీసులకు చిక్కింది. చివరకు నగదు తీసుకునే సమయంలో ఆమెను పోలీసులు అదుపులోకి తీసుకోవడంతో ఈ వ్యవహారం కొత్త మలుపు తిరిగింది. దోశలో కనిపించిన ఎలుక ముంబైలోని బోరివలీ ప్రాంతంలో ఉన్న రాధాకృష్ణ హోటల్కు సెప్టెంబర్ 24న మాన్సీ ఆచార్య (36) మరో ఇద్దరు వ్యక్తులు, ఓ చిన్నారితో కలిసి వెళ్లారు. అక్కడ వారు మైసూర్ మసాలా దోశను ఆర్డర్ చేశారు. అయితే దోశలో చనిపోయిన ఎలుక కనిపించిందని మాన్సీ ఆరోపించారు. Mouse-in-Dosa Case Takes a Shocking Turn తనతో వచ్చిన సోదరుడు అప్పటికే దోశలో కొంత భాగం తిన్నాడని.. ఆ తర్వాత ఎలుక కనిపించడంతో తీవ్ర భయానికి గురై వాంతి చేసుకున్నాడని ఆమె పోలీసులకు ఇచ్చిన ఫిర్యాదులో పేర్కొన్నారు. సోషల్ మీడియాలో వీడియో ఈ ఘటనను ఆమె బోరివలీ పోలీసుల దృష్టికి తీసుకెళ్లారు. అనంతరం దోశలో ఎలుక కనిపించిన దృశ్యాలకు సంబంధించిన వీడియో సామాజిక మాధ్యమాల్లో విస్తృతంగా ప్రచారంలోకి వచ్చింది. ఈ పరిణామంతో హోటల్ యాజమాన్యంపై ఒత్తిడి పెరిగింది. Mouse-in-Dosa Case Takes a Shocking Turn సెప్టెంబర్ 28న ఫుడ్ అండ్ డ్రగ్ అడ్మినిస్ట్రేషన్ అధికారులు రాధాకృష్ణ హోటల్ లైసెన్సును సస్పెండ్ చేశారు. దీంతో వ్యాపారం మూసివేయాల్సిన పరిస్థితి ఏర్పడిందని హోటల్ యజమాని ఆవేదన వ్యక్తం చేశారు. అక్కడి నుంచే మరో కథ హోటల్ లైసెన్స్ సస్పెండ్ అయిన తర్వాత యజమాని, ఆయన బంధువులకు వరుసగా గుర్తుతెలియని నంబర్ల నుంచి ఫోన్ కాల్స్ రావడం మొదలైంది. వైరల్ అయిన వీడియోను మరింతగా ప్రచారంలోకి రాకుండా ఆపాలంటే రూ.25 లక్షలు చెల్లించాలని ఫోన్ చేసిన వ్యక్తులు డిమాండ్ చేసినట్లు పోలీసులకు ఫిర్యాదు అందింది. వరుస కాల్స్తో తీవ్ర ఒత్తిడికి గురైన హోటల్ యజమాని చివరకు రూ.6 లక్షలు ఇచ్చేందుకు అంగీకరించారు. అప్పటికే రూ.1 లక్ష నగదును వారికి అందించినట్లు తెలిపారు. పోలీసుల వలలో చిక్కిన మహిళ దీంతో సెప్టెంబర్ 29న హోటల్ యజమాని బోరివలీ పోలీసులను ఆశ్రయించారు. డబ్బులు తీసుకునే సమయంలో నిందితులను పట్టుకునేందుకు పోలీసులు పక్కా ప్రణాళిక రూపొందించారు. అందులో భాగంగా నగదు అందజేసే సమయంలో నిఘా ఏర్పాటు చేశారు. డబ్బు తీసుకునేందుకు వచ్చిన మహిళను పోలీసులు రెడ్హ్యాండెడ్గా పట్టుకున్నారు. Mouse-in-Dosa Case Takes a Shocking Turn ఈ వ్యవహారంలో ఆమె బ్లాక్మెయిల్కు పాల్పడినట్లు ఆరోపణలు రావడంతో అరెస్ట్ చేశారు. దోశలో ఎలుక కనిపించిందన్న ఆరోపణతో మొదలైన ఘటన.. హోటల్ లైసెన్స్ సస్పెన్షన్, భారీ మొత్తంలో డబ్బు డిమాండ్, చివరకు అరెస్టు వరకు వెళ్లడం ముంబైలో చర్చనీయాంశంగా మారింది.

Tag: New Twist in Viral Mouse-in-Dosa Case

Most Read

జనసేనకు ఆ నాలుగు…!

మున్సిపల్ ఎన్నికలు షురూ…!

కేటీఆర్ కు అస్వస్థత…!

ఒగ్గు బీర్ల కళాకారుల కమిటీ ఏర్పాటు..!

EDITOR PICKS

దోశలో ఎలుక కేసులో ఊహించని ట్విస్ట్‌…!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags