Tag: Nana Patekar Latest News

ప్రముఖ బాలీవుడ్ నటుడు నానా పటేకర్ కన్నుమూశారన్న వార్త సినీ పరిశ్రమలో తీవ్ర విషాదాన్ని నింపింది. 75 ఏళ్ల నానా పటేకర్ గోవాలోని డోనా పౌలాలో ఉన్న తన నివాసంలో గురువారం తెల్లవారుజామున అస్వస్థతకు గురయ్యారు. గుండెపోటు రావడంతో కుటుంబ సభ్యులు వెంటనే ఆయనను ఆసుపత్రికి తరలించారు. అయితే వైద్యుల ప్రయత్నాలు ఫలించకపోవడంతో ఆయన తుదిశ్వాస విడిచినట్లు సమాచారం. నానా పటేకర్ మృతితో బాలీవుడ్తో పాటు భారతీయ సినీ రంగానికి చెందిన పలువురు ప్రముఖులు దిగ్భ్రాంతి వ్యక్తం చేస్తున్నారు. ఆయనతో ఉన్న అనుబంధాన్ని గుర్తు చేసుకుంటూ సోషల్ మీడియా వేదికగా సంతాపం తెలియజేస్తున్నారు. ‘నటనకు దేవుడు’ అంటూ భావోద్వేగం నానా పటేకర్ మరణంపై ప్రముఖ దర్శకుడు రామ్ గోపాల్ వర్మ తీవ్ర భావోద్వేగంతో స్పందించారు. ఎక్స్ వేదికగా తన ఆవేదనను వ్యక్తం చేసిన ఆయన.. నానా పటేకర్ను అసాధారణమైన నటుడిగా కొనియాడారు. ఇంతటి దృఢమైన వ్యక్తి ఇంత అకస్మాత్తుగా దూరం కావడాన్ని జీర్ణించుకోలేకపోతున్నానని వర్మ పేర్కొన్నారు. నానా పటేకర్ గుండె విఫలమవడంపై తన బాధను వ్యక్తం చేస్తూ.. ఆయనను ‘నటనకు దేవుడు’గా అభివర్ణించారు. నానా పటేకర్ నటించిన ‘అబ్ తక్ ఛప్పన్’, ‘భూత్’, ‘ది ఎటాక్స్ ఆఫ్ 26/11’ వంటి సినిమాల్లో ఆయన ప్రదర్శించిన నటన ఎప్పటికీ గుర్తుండిపోతుందని రామ్ గోపాల్ వర్మ పేర్కొన్నారు. ఆసుపత్రిలో వైద్యుల ప్రయత్నాలు గురువారం తెల్లవారుజామున నానా పటేకర్ తీవ్ర అస్వస్థతకు గురైనట్లు సమాచారం. దీంతో ఆయనను మణిపాల్ ఆసుపత్రికి తరలించారు. వైద్యులు సుమారు 45 నిమిషాల పాటు సీపీఆర్ నిర్వహించినప్పటికీ ఆయనను కాపాడలేకపోయారు. ఉదయం 5.20 గంటల సమయంలో నానా పటేకర్ మరణించినట్లు వైద్యులు ధ్రువీకరించినట్లు సమాచారం. విలక్షణ నటనతో ప్రత్యేక గుర్తింపు తెచ్చుకున్న నానా పటేకర్ మరణం భారతీయ సినీ పరిశ్రమకు తీరని లోటుగా అభిమానులు, సినీ ప్రముఖులు పేర్కొంటున్నారు. also read: 24 ఏళ్ల క్రితం చనిపోయిన వ్యక్తి పేరుతో భార్య ఓటు తొలగింపునకు దరఖాస్తు…

Tag: Nana Patekar Latest News

Most Read

డ్రగ్‌ టెస్ట్‌లో ఐదుగురికి పాజిటివ్… విజయవాడలో కలకలం

‘భారతీయుడు 3’పై కొనసాగుతున్న ఉత్కంఠ.. థియేటర్లలో విడుదల అవుతుందా? ఓటీటీకి వెళ్తుందా?

ఫోన్ దొంగతనం.. పాస్‌వర్డ్ కోసం దొంగే మెసేజ్! డెహ్రాడూన్‌లో షాకింగ్ ఘటన

జాన్వీ కపూర్ ‘చుట్టమల్లె’ వీడియోపై ఫేక్ న్యూస్.. స్పందించిన సీపీ సజ్జనార్

EDITOR PICKS

నానా పటేకర్ మృతి.. తీవ్ర భావోద్వేగంలో రామ్ గోపాల్ వర్మ

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags