Tag: Nana Patekar Death News

ముంబై, క్రైమ్మిర్రర్: ప్రముఖ నటుడు, దర్శకుడు నానాపటేక్(75) గుండె పోటుతో మృతి చెందారు. దీంతో సిని పరిశ్రమలో తీవ్ర విషాదం నెలకొంది. నాలుగు దశాబ్దాలుగా సిని జీవితంలో వైవిద్యమైన పాత్రలో నటించిన నటుడు హఠాన్మరణం చెందడంతో పలువురు సిని ప్రముఖులు, అభిమానులు సంతాపం వ్యక్తం చేశారు. కాగా గోవాలోని . గోవాలోని దోనా పౌలా ప్రాంతంలోని తన నివాసంలో ఆయన స్పృహ తప్పి పడిపోయినట్లు సమాచారం. వెంటనే కుటుంబ సభ్యులు, సన్నిహితులు ఆయనను ఆసుపత్రికి తరలించగా.. వైద్యులు సుమారు 45 నిమిషాల పాటు సీపీఆర్ చేసి ప్రాణాలు కాపాడేందుకు ప్రయత్నించారు. అయితే చికిత్సకు స్పందించకపోవడంతో ఉదయం 5:20 గంటలకు ఆయన మరణించినట్లు వైద్యులు ప్రకటించారు. గుండెపోటు కారణంగా ఆయన మృతి చెందినట్లు వైద్యులు తెలిపారు. 1978లో బాలీవుడ్ అరంగేట్రం... సుమారు నాలుగు దశాబ్దాలకు పైగా సాగిన సినీ ప్రయాణంలో నానా పటేకర్ తనదైన నటనతో ప్రత్యేక గుర్తింపు తెచ్చుకున్నారు. 1978లో వచ్చిన ‘గమన్’ చిత్రంతో బాలీవుడ్లోకి అడుగుపెట్టిన ఆయన.. అనంతరం హిందీ, మరాఠీ భాషల్లో అనేక విభిన్న పాత్రల్లో నటించారు. ‘పరిందా’, ‘అగ్ని సాక్షి’, ‘అబ్ తక్ చప్పన్’, ‘వెల్కమ్’, ‘రాజ్నీతి’, ‘ది వ్యాక్సిన్ వార్’ వంటి చిత్రాలు ఆయన కెరీర్లో ప్రత్యేకంగా నిలిచాయి. రజినీకాంత్ నటించిన ‘కాలా’ చిత్రంలోనూ కీలక పాత్రలో కనిపించారు. అయితే.. నానా పటేకర్ ‘క్రాంతివీర్’, ‘నటసామ్రాట్’ చిత్రాలతో నటుడిగా విశేష గుర్తింపు పొందారు. ‘క్రాంతివీర్’ చిత్రంలోని అద్భుత నటనకు ఆయన ఉత్తమ నటుడిగా జాతీయ చలనచిత్ర అవార్డు అందుకున్నారు. సుమారు 70కి పైగా సినిమాల్లో నటించిన నానా పటేకర్ హిందీ, మరాఠీ చిత్రాలతో పాటు ఇతర భాషల ప్రేక్షకులకు కూడా సుపరిచితులు. పలు చిత్రాలకు దర్శకత్వం... నటుడిగానే కాకుండా దర్శకుడు, రచయితగానూ తన ప్రతిభను చాటుకున్న నానా పటేకర్కు జాతీయ చలనచిత్ర అవార్డులు సహా పలు ప్రతిష్ఠాత్మక పురస్కారాలు లభించాయి. 2013లో భారత ప్రభుత్వం ఆయనను పద్మశ్రీతో సత్కరించింది. సినిమాలతో పాటు దేశ సేవలోనూ నానా పటేకర్ ప్రత్యేక గుర్తింపు పొందారు. ఆయన టెరిటోరియల్ ఆర్మీలో గౌరవ లెఫ్టినెంట్ కల్నల్ హోదాను పొందారు. అలాగే రైతుల సంక్షేమం కోసం సామాజిక సేవా సంస్థ ‘నామ్ ఫౌండేషన్’ను స్థాపించి.. రైతు కుటుంబాలకు అండగా నిలిచారు. నటుడిగా మాత్రమే కాకుండా సామాజిక సేవకుడిగానూ తనదైన ముద్ర వేశారు. ఇవి కూడ చదవండి: శుద్ధీకరణ పేరుతో అమానుషం.. మహిళపై ఏడుగురి లైంగిక దాడి బాలీవుడ్లో విషాదం.. ప్రముఖ నటుడు నానా పటేకర్ కన్నుమూత అనంతబాబుకు సుప్రీంకోర్టులో షాక్.. బెయిల్ పిటిషన్ తిరస్కరణ బెంగళూరులో భారీ పేలుడు.. ఫుట్పాత్పై వెళ్తున్న వ్యక్తికి గాయాలు

Tag: Nana Patekar Death News

Most Read

తండ్రిని రాయితో కొట్టి చంపిన కుమారుడు…! ఆ ప్రాంతంలో క‌ల‌క‌లం..

ఓ ద‌ర్శ‌కుడిపై పూన‌మ్ కౌర్ సంచ‌ల‌న వ్యాఖ్య‌లు…! సోష‌ల్ మీడియా పోస్టుల‌తో వైర‌ల్‌…

17వేల అడుగుల ఎత్తులో విమానానికి పిడుగుపాటు…! అత్య‌వ‌స‌ర ల్యాండింగ్‌…

రూ.24 వేల కోట్ల లెక్క ఇదేనా? రాయలసీమ నీళ్లపై రోజా ప్రశ్నల వర్షం!

EDITOR PICKS

బాలీవుడ్‌లో విషాదం…! ప్ర‌ముఖ న‌టుడు నానా ప‌టేక‌ర్ మృతి…

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags