Murder case - Crime Mirror

CRIME: విజయవాడ సూర్యారావుపేట ప్రాంతంలో గురువారం మధ్యాహ్నం చోటుచేసుకున్న ఘటన స్థానికులను కుదిపేసింది. జనసంచారం ఎక్కువగా ఉండే సమయానికి, అందరూ చూస్తుండగానే భర్త తన భార్యపై దారుణంగా దాడి చేసి హత్య చేయడం అక్కడి ప్రజలను షాక్కు గురి చేసింది. భార్యను ఆసుపత్రి విధులు ముగిసిన వెంటనే బయటికి రాగానే భర్త కత్తితో దాడి చేసాడని ప్రత్యక్ష సాక్షులు చెబుతున్నారు. కత్తితో మెడ వద్ద, గొంతు వద్ద పొడవడంతో మహిళ అక్కడికక్కడే కుప్పకూలిపోయింది. ఆమె రక్తపు మడుగులో పడిపోతుండగా ఒరిగిపోతూ ఉన్న ప్రాణాలను కాపాడేందుకు ఎవరైనా ముందుకు రావాలని భావించినా, దాడి చేస్తున్న వ్యక్తిని ఎవరైనా అడ్డుకుంటే వారికి కూడా ప్రాణహాని చేస్తానని హెచ్చరించడంతో ప్రజలు భయంతో వెనక్కి తగ్గిపోయారు. ఈ ఘటన వల్ల ఆ ప్రాంతం మొత్తం గందరగోళంగా మారింది. మరణం దగ్గరపడుతున్నా భర్త మాత్రం కత్తితో నిలబడి, భార్య చివరి శ్వాస విడిచేవరకు అక్కడి నుంచి కదలకుండా ఉండిపోయాడని పోలీసులు తెలిపారు. సమాచారంతో వెంటనే అక్కడికి చేరుకున్న సీఐ అహ్మద్ అలీ, పోలీసు సిబ్బంది నిందితుడిని మాటల్లో పెట్టి దారి మళ్లించి, స్థానికుల సాయంతో కత్తిని లాక్కొని అదుపులోకి తీసుకున్నారు. అనంతరం నిందితుడిని స్టేషన్కు తరలించి కేసు నమోదు చేశారు. మృతదేహాన్ని పోస్ట్మార్టం కోసం ప్రభుత్వ ఆసుపత్రికి పంపించారు. మృతురాలు సరస్వతి నూజివీడుకు చెందినది. సూర్యారావుపేటలోని ఒక ఆసుపత్రిలో నర్సుగా పనిచేస్తోంది. నిందితుడు విజయ్ భవానీపురంలోని ఒక ప్రైవేట్ ఆసుపత్రిలో టెక్నీషియన్గా పనిచేస్తుంటాడు. ఇద్దరూ 2022లో ప్రేమించి పెళ్లి చేసుకున్నారు. వివాహానంతరం ఇద్దరికీ ఒక కుమారుడు కలిగాడు. అయితే పెళ్లయిన కొంతకాలానికే అనుమానాలు, గొడవలు తీవ్రంగా పెరగడంతో దంపతుల మధ్య విభేదాలు వచ్చి ఏడాదిన్నరగా విడిగా ఉంటున్నారు. సరస్వతి తన కుమారుడితో కలిసి నూజివీడులో ఉండేది. ఉద్యోగానికి ప్రతిరోజూ అక్కడి నుంచి విజయవాడకు వచ్చేది. భర్త విజయ్ తరచూ ఆమెపై అనుమానాలు వ్యక్తం చేసి గొడవలు పెట్టేవాడని తెలిసింది. దీనితో సరస్వతి నూజివీడు పోలీసులకు ఫిర్యాదు కూడా చేసినట్లు సమాచారం. ఈ నేపథ్యంలో గురువారం రోజు ఆమెను లక్ష్యంగా చేసుకుని విజయ్ ఆసుపత్రి వద్దే మాటు వేసి హత్య చేశాడని పోలీసులు చెబుతున్నారు. ఈ ఘటన కుటుంబ కలహాలు, అనుమానాలు ఎంత దారుణ స్థాయికి తీసుకెళ్లగలవో మరోసారి చూపింది. ALSO READ: దుల్కర్ సల్మాన్, భాగ్యశ్రీ బోర్సే సినిమా హిట్టా?.. ఫ్లాపా?.. పబ్లిక్ రివ్యూ!

Tag: Murder case

Most Read

అబ్బాయి కావాలంటూ దారుణం.. అక్రమ లింగ నిర్ధారణ, బలవంతపు అబార్షన్‌తో 24 ఏళ్ల యువతి మృతి!

మద్యం కోసం డబ్బులు ఇవ్వలేదని తండ్రిని గొడ్డలితో నరికి చంపిన కొడుకు.. నల్గొండలో దారుణం!

వికారాబాద్ జిల్లాలో విషాదం.. ఇద్దరు పిల్లలతో కలిసి తల్లి ఆత్మహత్య

ఏపీకి మరో తుపాను ముప్పు.. ఆదివారం సాయంత్రం అవకాశం.. రెండు రోజుల పాటు భారీ వర్షాలు!

EDITOR PICKS

అక్రమ సంబంధానికి అడ్డుగా ఉన్నాడని దారుణం.. ప్రియుడితో కలిసి భర్తను హత్య చేసిన భార్య

మ‌హిళ దారుణ హ‌త్యా…! ఆ ప్రాంతంలో క‌ల‌క‌లం…

డబ్బుల కోసం అమ్మమ్మను హత్య చేసి పరారైన యువకుడు…

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags