Mlc election - Crime Mirror

కర్ణాటక రాజకీయాల్లో కీలక పరిణామం చోటుచేసుకుంది. భారతీయ జనతా పార్టీ (బీజేపీ)కు చెందిన ఎమ్మెల్సీ, విధాన పరిషత్ వైస్-ఛైర్మన్ ఎం.కె. ప్రాణేష్ తన పదవులకు రాజీనామా చేశారు. కోర్టుల్లో వరుసగా ఎదురుదెబ్బలు తగలడంతో ఆయన ఈ నిర్ణయం తీసుకున్నారు. 2021లో జరిగిన చిక్కమగళూరు స్థానిక సంస్థల నియోజకవర్గ ఎమ్మెల్సీ ఎన్నికల్లో ప్రాణేష్ స్వల్ప మెజారిటీతో విజయం సాధించినట్లు ప్రకటించారు. అయితే ఆ ఎన్నికల ఫలితంపై కాంగ్రెస్ అభ్యర్థి గాయత్రి శాంతేగౌడ అభ్యంతరం వ్యక్తం చేశారు. స్థానిక సంస్థల్లో నామినేట్ అయిన సభ్యులకు ఓటు హక్కు లేదని, వారి ఓట్లను లెక్కించడం చట్ట విరుద్ధమని ఆమె కోర్టును ఆశ్రయించారు. ఈ కేసును విచారించిన కర్ణాటక హైకోర్టు గాయత్రి వాదనను సమర్థించింది. నామినేటెడ్ సభ్యుల ఓట్లను పక్కనపెట్టి మిగతా ఓట్లను తిరిగి లెక్కించాలని ఆదేశించింది. రీకౌంటింగ్ అనంతరం ఫలితం పూర్తిగా మారింది. గాయత్రి శాంతేగౌడకు ఎక్కువ ఓట్లు లభించగా, ప్రాణేష్ ఓటమి పాలయ్యారు. దీంతో గాయత్రినే విజేతగా కోర్టు ప్రకటించింది. హైకోర్టు తీర్పును సవాలు చేస్తూ ప్రాణేష్ సుప్రీంకోర్టును ఆశ్రయించినప్పటికీ, అక్కడ కూడా ఆయనకు ఊరట దక్కలేదు. అత్యున్నత న్యాయస్థానం కూడా అప్పీల్ను తిరస్కరించడంతో, న్యాయపరంగా అవకాశాలు ముగిశాయి. ఈ పరిణామాల నేపథ్యంలో ప్రాణేష్ తన ఎమ్మెల్సీ పదవితో పాటు వైస్-ఛైర్మన్ బాధ్యతల నుంచి తప్పుకున్నారు. విధాన పరిషత్ ఛైర్మన్కు రాజీనామా లేఖ సమర్పించారు. వ్యక్తిగత కారణాలు, పార్టీ పనులపై దృష్టి సారించాలనే ఉద్దేశంతో ఈ నిర్ణయం తీసుకున్నట్లు ఆయన వెల్లడించారు. ఇక మిగిలిన కాలానికి గాయత్రి శాంతేగౌడ ఎమ్మెల్సీగా బాధ్యతలు స్వీకరించనున్నారు. ఈ ఘటన కర్ణాటక రాజకీయాల్లో చర్చనీయాంశంగా మారింది. also read: కేవలం 45 నిమిషాల్లో 5 ప్లేట్ల బిర్యానీ..! జీవితాంతం ఫ్రీ బిర్యానీ గెలిచిన యువకుడు

Tag: Mlc election

Most Read

జాన్వీ డీప్‌ఫేక్‌పై ఆర్జీవీ సంచలన వ్యాఖ్యలు.. సెలబ్రిటీల తీరుపై తీవ్ర విమర్శలు

పుణే హత్య కేసులో సంచలన విషయాలు.. మర్డర్ ప్లాన్ కోసం ChatGPT సాయం తీసుకున్న సియా గోయల్

సీఈసీ జ్ఞానేశ్ కుమార్‌పై విజిలెన్స్ విచారణ.. 2006 నాటి కేసులో కీలక పరిణామం

టీవీకే కీలక నిర్ణయం.. ఇండియా కూటమిలో విజయ్ పార్టీ చేరిక

EDITOR PICKS

కోర్టు షాక్‌తో బీజేపీ నేత ప్రాణేష్ రాజీనామా.. ఎమ్మెల్సీగా గాయత్రి శాంతేగౌడకు అవకాశం

కౌంట్ డౌన్ షురూ.. అజారుద్దీన్ ఎమ్మెల్సీగా ఎన్నిక కాకపోతే..? మంత్రి పదవి గోవిందా?

కిషన్‌రెడ్డి – బండి సంజయ్‌ మధ్య క్రెడిట్‌ వార్‌ – ఎమ్మెల్సీల విజయం వెనుక ఎవరి పాత్ర ఎంత?

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags