Mamitha Baiju - Crime Mirror

‘ప్రేమలు’ సినిమాతో దక్షిణాది ప్రేక్షకులకు దగ్గరైన మలయాళ నటి మమితా బైజు తాజాగా ఒక కీలక నిర్ణయం తీసుకున్నారు. సోషల్ మీడియాలో ఎక్కువగా యాక్టివ్గా ఉండటానికి బదులుగా, తన మానసిక ప్రశాంతతను కాపాడుకోవడమే ముఖ్యమని ఆమె భావిస్తున్నారు. ఈ కారణంతో ఇకపై తన వ్యక్తిగత సోషల్ మీడియా అకౌంట్ల ద్వారా సినిమా అప్డేట్స్ను పంచుకోనని స్పష్టంగా ప్రకటించారు. ఇకపై తన సినిమాలకు సంబంధించిన అన్ని అధికారిక వివరాలు పీఆర్ టీమ్ ద్వారా మాత్రమే వెల్లడవుతాయని తెలిపారు. ఒక ఇంటర్వ్యూలో మమితా తన వ్యక్తిగత జీవితానికి సంబంధించిన ఆసక్తికర విషయాలను కూడా పంచుకున్నారు. తాను ఐకాన్ స్టార్ అల్లు అర్జున్కు పెద్ద అభిమాని అని చెప్పారు. ఆయన సినిమాలను పదిసార్లకు పైగా చూసానని, ముఖ్యంగా ‘ఇద్దరమ్మాయిలు’ సినిమాలో ఆయన స్టైల్ తనపై ఎంతో ప్రభావం చూపిందని చెప్పారు. ఆ సినిమాలో కనిపించిన క్యాసియో వాచ్, ఫుల్ స్లీవ్ టీషర్ట్ స్టైల్ను తాను కూడా అనుకరించేదాన్నని నవ్వుతూ గుర్తుచేసుకున్నారు. కేరళలోని కొట్టాయం జిల్లాలో జన్మించిన మమితా బైజు కుటుంబ నేపథ్యం కూడా ఆసక్తికరంగానే ఉంది. ఆమె తండ్రి వైద్య వృత్తిలో ఉండగా, మమితా సైకాలజీలో డిగ్రీ పూర్తి చేశారు. తన అన్నయ్య మిథున్ రాష్ట్రస్థాయి క్రికెటర్ అని తెలిపారు. జీవితంలో ముఖ్యమైన నిర్ణయాలు తీసుకోవడంలో తన అన్నయ్యకు పెద్ద పాత్ర ఉందని చెప్పారు. పెళ్లి విషయమై కూడా ఆయన అభిప్రాయమే ముఖ్యమని, తనకు వచ్చే లవ్ ప్రపోజల్స్ను కూడా అన్నయ్యే చూసుకుంటాడని చెప్పి అభిమానులను ఆశ్చర్యపరిచారు. ప్రస్తుతం మమితా బైజు పలు ప్రాజెక్టులతో బిజీగా ఉన్నారు. ఒక ప్రముఖ హీరోతో కలిసి ‘విశ్వనాథ్ అండ్ సన్స్’ చిత్రంలో నటిస్తుండగా, తెలుగు, తమిళం, మలయాళ భాషల్లో మరికొన్ని సినిమాలు కూడా చేస్తున్నట్లు సమాచారం. తన నటనతో పాటు తన వ్యక్తిత్వంతో కూడా అభిమానులను ఆకట్టుకుంటున్న ఈ యంగ్ హీరోయిన్ తీసుకున్న తాజా నిర్ణయం ఇప్పుడు ఇండస్ట్రీలో చర్చనీయాంశంగా మారింది. also read: “మాట్లాడేందుకు అనుమతి అవసరం లేదు” – విమర్శలకు సిద్ధార్థ్ ఘాటు సమాధానం

Tag: Mamitha Baiju

Most Read

కృష్ణా నదిలో ఈతకు వెళ్లిన ముగ్గురు యువకులు గల్లంతు

పవన్ కళ్యాణ్ కు తీవ్ర అస్వస్థత…!

స్వాతంత్ర వేడుకలకు దూరంగా జగన్…!

వరుసగా రెండోసారి గైర్హాజరు.. ఎర్రకోట స్వాతంత్య్ర వేడుకలకు రాహుల్, ఖర్గే దూరం

EDITOR PICKS

సోషల్ మీడియాకు గుడ్‌బై చెప్పిన మమితా బైజు.. మానసిక ప్రశాంతతే ముఖ్యం అంటున్న స్టార్ హీరోయిన్

Mamitha Baiju: ‘ప్రేమలు’ బ్యూటీకి ఏమైంది? ఎందుకు షాకింగ్ డెసిషన్ తీసుకుంది?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags