MaharashtraNews - Crime Mirror

క్రైమ్ మిర్రర్ : మహారాష్ట్రలో శుక్రవారం ఉదయం జరిగిన ఘోర రోడ్డు ప్రమాదంలో ఏడుగురు ప్రాణాలు కోల్పోయారు. మరో 21 మంది గాయపడ్డారు. క్షతగాత్రుల్లో ఐదుగురి పరిస్థితి విషమంగా ఉన్నట్లు అధికారులు తెలిపారు. పికప్ వ్యాన్ను ట్రక్కు ఢీకొనడంతో ఈ ప్రమాదం చోటుచేసుకుంది. అమరావతి జిల్లా ధామన్గావ్ రైల్వే స్టేషన్ సమీపంలోని సమృద్ధి ఎక్స్ప్రెస్వేపై ఛానల్ 97 వద్ద ఈ ప్రమాదం జరిగింది. వివరాల ప్రకారం.. కొందరు భక్తులు నవరాత్రి వేడుకల్లో పాల్గొనేందుకు పికప్ వ్యాన్లో ఆలయానికి బయలుదేరారు. బుల్దానా జిల్లాలోని షెగావ్ నుంచి వార్ధా వైపు వెళ్తుండగా వారి వాహనాన్ని ఓ ట్రక్కు ఢీకొట్టింది. ట్రక్కు వేగంగా ఢీకొనడంతో పికప్ వ్యాన్ తీవ్రంగా దెబ్బతింది. ఈ ప్రమాదంలో ఐదుగురు అక్కడికక్కడే మృతి చెందారు. తీవ్రంగా గాయపడిన మరో ఇద్దరిని ఆసుపత్రికి తరలిస్తుండగా మృతి చెందినట్లు పోలీసులు తెలిపారు. ప్రమాదంలో మొత్తం 21 మంది గాయపడగా, వారిలో ఐదుగురి పరిస్థితి ఆందోళనకరంగా ఉన్నట్లు సమాచారం. ప్రమాదం గురించి సమాచారం అందుకున్న పోలీసులు, స్థానికులు వెంటనే ఘటనాస్థలికి చేరుకున్నారు. వాహనంలో చిక్కుకున్న క్షతగాత్రులను బయటకు తీసి, అత్యవసర చికిత్స కోసం సమీపంలోని ఆసుపత్రులకు తరలించారు. ప్రస్తుతం దామన్గావ్ రూరల్ ఆసుపత్రిలో పలువురు చికిత్స పొందుతున్నట్లు అధికారులు వెల్లడించారు. ప్రమాదంలో మృతి చెందిన వారి పూర్తి వివరాలు తెలియాల్సి ఉంది. ఘటనపై పోలీసులు కేసు నమోదు చేసి దర్యాప్తు ప్రారంభించారు. ట్రక్కు ఢీకొనడానికి దారితీసిన పరిస్థితులు, ప్రమాదానికి అసలు కారణాలపై పోలీసులు విచారణ చేస్తున్నారు. ఈ ఘోర ప్రమాదంపై మహారాష్ట్ర డిప్యూటీ సీఎం సునేత్ర పవార్ తీవ్ర దిగ్భ్రాంతి వ్యక్తం చేశారు. మృతులకు నివాళులర్పిస్తూ, వారి కుటుంబ సభ్యులకు సంతాపం తెలిపారు. also read : చెరువులో మునిగి నలుగురు బాలికలు మృతి.. బిహార్లో విషాదం

Tag: MaharashtraNews

Most Read

మ్యాట్రిమొనీ సైట్‌లో నకిలీ ప్రొఫైల్.. మహిళా కానిస్టేబుల్‌కు ప్రేమ వల వేసి రూ.1.10 లక్షలు స్వాహా!

ముంబైలో విషాదం.. ఆరో అంతస్తు నుంచి 18 నెలల చిన్నారిని తోసేసిన పదేళ్ల బాలిక!

బంగాళాదుంప కూర వడ్డించిందని భార్యపై భర్త దాడి.. రాయితో తలపై బాది హత్యాయత్నం!

ఘోర రోడ్డు ప్రమాదం.. వాకింగ్‌కు వెళ్లిన ఇద్దరు మృతి!

EDITOR PICKS

ఘోర రోడ్డు ప్రమాదం.. ఏడుగురు మృతి

నాలుగేళ్లుగా తండ్రి మృతదేహం ఇంట్లోనే.. చివరకు వెలుగులోకి షాకింగ్ ఘటన

10 రోజులు మద్యం బంద్‌ చేస్తే తాగుబోతుల పరిస్థితి ఏంటి..? పుణె అధికారులను ప్రశ్నించిన హైకోర్టు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags