Madhu Yashki Goud Telangana Cabinet

గవర్నర్ కోటా కింద ఎమ్మెల్సీగా ఎంపిక అటు తరువాత విస్తరణలో చోటు సీఎం రేవంత్ సానుకూలం హై కమాండ్ గ్రీన్ సిగ్నల్ క్రైమ్ మిర్రర్, తెలంగాణ బ్యూరో: కాంగ్రెస్ సీనియర్ నేత మధుయాష్కీ గౌడ్ ఎమ్మెల్సీగా ఎన్నిక కానున్నారా? గవర్నర్ కోటా కింద ఆయనను ఎమ్మెల్సీగా పదవి ఇవ్వనున్నారా? అంటే అవుననే సమాధానం వినిపిస్తోంది. జరుగుతున్న పరిణామాలు కూడా అలానే ఉన్నాయి. నవంబర్లో గవర్నర్ కోటా కింద మూడు ఎమ్మెల్సీ పదవులు ఖాళీ కానున్నాయి. దీంతో కాంగ్రెస్ హై కమాండ్ అభ్యర్థులను ఎంపిక చేసే పనిలో పడింది. సీఎం రేవంత్ ఇప్పుడు అదే పనిలో ఉన్నారు. అందులో భాగంగా మధుయాష్కీ గౌడ్ ఎంపిక ఖాయమన్న ప్రచారం నడుస్తోంది. కొద్ది రోజుల కిందట ఆయన ఏఐసీసీ స్థాయిలో కాంగ్రెస్ ప్రొఫెషనల్ చైర్మన్ గా నియమితులయ్యారు. ఇప్పుడు ఎమ్మెల్సీగా చేసి ఆయనను మంత్రివర్గంలోకి తీసుకుంటారన్న ప్రచారం జోరుగా సాగుతోంది. సీనియర్ మోస్ట్ లీడర్.. కాంగ్రెస్ పార్టీలో సీనియర్ మోస్ట్ లీడర్ గా ఉన్నారు మధు యాష్కీ గౌడ్. విదేశాల్లో న్యాయవాద వృత్తిని చేపట్టిన మధు గౌడ్ 2004లో కాంగ్రెస్ పార్టీ ద్వారా పొలిటికల్ ఎంట్రీ ఇచ్చారు. ఆ ఎన్నికల్లో నిజామాబాద్ పార్లమెంట్ స్థానం నుంచి కాంగ్రెస్ అభ్యర్థిగా పోటీ చేసి గెలిచారు. పార్లమెంట్లో అడుగుపెట్టారు. మంచి వాగ్దాటితోపాటు సామాజిక స్పృహ ఉన్న మధు యాష్కి గౌడ్ కాంగ్రెస్ అగ్రనేత రాహుల్ కు దగ్గరయ్యారు. 2009లో సైతం రెండోసారి నిజామాబాద్ నుంచి పోటీ చేసి గెలిచారు. 2014లో మాత్రం టిఆర్ఎస్ అభ్యర్థి కల్వకుంట్ల కవిత చేతిలో ఓడిపోయారు. 2019లో సైతం పోటీ చేసి మూడో స్థానంలో నిలిచిపోయారు. 2024 ఎన్నికల్లో ఆయన పోటీ చేయలేదు. అధిష్టానం వద్ద పట్టు.. ఏఐసీసీ స్థాయిలో మధుయాష్కి గౌడ్ కు మంచి పట్టు ఉంది. కాంగ్రెస్ అగ్ర నేతలతో ఆయనకు మంచి పరిచయాలు ఉన్నాయి. సీఎం రేవంత్ రెడ్డికి కూడా అత్యంత సన్నిహితంగా ఉంటారు. ఇటీవల జరిగిన ఓ సభలో మధుయాష్కీ గౌడ్ గురించి గొప్పగా చెప్పారు.. ప్రశంసలతో ముంచేత్తారు సీఎం రేవంత్. బీసీల కోటా కింద ఎమ్మెల్సీగా ఆయనను ఎంపిక చేయనున్నట్లు తెలుస్తోంది. గవర్నర్ కోటాలో ఎమ్మెల్సీ పదవి ఆరు సంవత్సరాల పాటు ఉంటుంది. ఆ కోటాలో ఎంపిక చేసి.. ఆయనను రాష్ట్ర మంత్రివర్గంలోకి తీసుకుంటారన్న ప్రచారం ఉంది. మరి అందులో ఎంత వాస్తవం ఉందో చూడాలి.

Tag: Madhu Yashki Goud Telangana Cabinet

Most Read

కాన్పూర్ ఫార్మా వ్యాపారి హత్య కేసులో కొత్త ట్విస్ట్

కుటుంబ పోషణ కష్టంగా ఉంది.. ఆర్థిక ఇబ్బందుల్లో ఇమ్మంది రవి

కోరుట్లలో దారుణం.. అంగన్వాడీ టీచర్ హత్య

5 పదవులు.. 50 మంది ఆశావహులు…!

EDITOR PICKS

మంత్రివర్గంలోకి మధుయాష్కి గౌడ్…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags