M-FAST - Crime Mirror

హైదరాబాద్లో ఆహార కల్తీపై అధికారులు దాడులు ముమ్మరం చేశారు. తాజాగా హయత్నగర్ పరిధిలో కల్తీ అల్లం-వెల్లుల్లి పేస్ట్ తయారు చేస్తున్న కేంద్రంపై అధికారులు దాడి చేసి భారీగా నిల్వలను స్వాధీనం చేసుకున్నారు. మల్కాజిగిరి ఫుడ్ అడల్టరేషన్ సర్వైలెన్స్ టీమ్ (M-FAST), SOT ఎల్బీనగర్ బృందం, హయత్నగర్ పోలీసులు సంయుక్తంగా ఈ ఆపరేషన్ నిర్వహించారు. హయత్నగర్లోని ఓ అల్లం-వెల్లుల్లి పేస్ట్ తయారీ యూనిట్పై అధికారులు ఆకస్మికంగా తనిఖీలు చేపట్టారు. ఈ సందర్భంగా అక్కడి పరిస్థితులను చూసి అధికారులు విస్తుపోయినట్లు తెలుస్తోంది. అత్యంత అపరిశుభ్రమైన వాతావరణంలో పేస్ట్ తయారు చేస్తున్నట్లు గుర్తించారు. నాణ్యత లేని పదార్థాలను ఉపయోగిస్తూ పేస్ట్ను తయారు చేస్తున్నట్లు అధికారులు గుర్తించారు. దాడుల్లో మొత్తం 730 కిలోల కల్తీ అల్లం-వెల్లుల్లి పేస్ట్ను స్వాధీనం చేసుకున్నారు. పేస్ట్కు రంగు, రుచి తీసుకురావడానికి ఉపయోగిస్తున్నట్లు అనుమానిస్తున్న గుర్తుతెలియని రసాయన ద్రావణంతో పాటు ఫుడ్ కలర్స్ను కూడా అధికారులు సీజ్ చేశారు. ఈ వ్యవహారానికి సంబంధించి ఓ వ్యక్తిని పోలీసులు అదుపులోకి తీసుకున్నారు. కల్తీ పేస్ట్ తయారీ, విక్రయాలకు సంబంధించి హయత్నగర్ పోలీస్ స్టేషన్లో సంబంధిత చట్టాల కింద కేసు నమోదు చేశారు. ఈ ఘటనపై తదుపరి దర్యాప్తు, చట్టపరమైన చర్యలు కొనసాగుతున్నాయి. హైదరాబాద్లో ఆహార పదార్థాల కల్తీపై అధికారులు వరుసగా తనిఖీలు నిర్వహిస్తున్నప్పటికీ.. కొందరు అక్రమంగా నాణ్యత లేని పదార్థాలను తయారు చేసి విక్రయిస్తున్న ఘటనలు వెలుగులోకి వస్తుండటం ఆందోళన కలిగిస్తోంది. also read: కాజీపేటలో దారుణం.. తల్లిని గొంతు కోసి చంపిన కుమారుడు.. అసలు కారణమిదే!

Tag: M-FAST

Most Read

డ్యాన్సర్స్ అసోసియేషన్‌లో కీలక పరిణామం.. సుమలత కార్యవర్గం రద్దు

మాజీ డీఎస్పీ భీమ్‌రెడ్డి కేసులో ఏసీబీ సోదాలు.. బినామీ ఇంట్లో భారీగా నగదు, విదేశీ కరెన్సీ

కుక్క కాటును నిర్లక్ష్యం చేయడంతో విషాదం.. రెండేళ్ల చిన్నారి మృతి

ఖమ్మంలో విషాదం.. విద్యుత్ షాక్‌తో 9 నెలల పసికందు మృతి

EDITOR PICKS

హైదరాబాద్‌లో కల్తీ అల్లం-వెల్లుల్లి పేస్ట్ కలకలం.. 730 కిలోలు స్వాధీనం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags