Khairatabad Constituency Politics

చింతల రామచంద్రారెడ్డిని పక్కన పెట్టనున్న బిజెపి ఫైర్ బ్రాండ్ మాధవి లత వైపు మొగ్గు ఇంకోవైపు పీజేఆర్ కుమార్తె విజయా రెడ్డి పేరు అనూహ్యంగా తెరపై నటి జీవిత క్రైమ్ మిర్రర్, హైదరాబాద్: ఖైరతాబాద్ లో బలమైన అభ్యర్థి కోసం బిజెపి అన్వేషిస్తోందా? ఈసారి చింతల రామచంద్రారెడ్డికి సీటు డౌటేనా? పరిశీలనలో ఫైర్ బ్రాండ్ మాధవి లత పేరు ఉందా? లేకుంటే దివంగత పిజిఆర్ కూతురు విజయా రెడ్డికి పార్టీలోకి పిలిచి టిక్కెట్ ఇస్తారా? లేకుంటే నటి జీవితకు అవకాశం దక్కుతుందా? తెలంగాణ పొలిటికల్ సర్కిల్స్ లో దీని పైనే ప్రచారం నడుస్తోంది. అధికార కాంగ్రెస్ పార్టీ నుంచి దానం నాగేందర్ మరోసారి పోటీ చేయడం ఖాయమని తేలిపోయింది. అటు గులాబీ పార్టీ సైతం బలమైన అభ్యర్థిని రంగంలోకి దించనుంది. దీంతో బిజెపి సైతం సరైన అభ్యర్థిని పోటీలో పెట్టాలని భావిస్తోంది. ప్రతిష్టాత్మకంగా.. వచ్చే ఎన్నికల్లో తెలంగాణలో అధికారంలోకి రావాలని బిజెపి భావిస్తోంది. కానీ ఇటీవల జరిగిన ఎన్నికలు ఆ పార్టీని కలవరపరుస్తున్నాయి. స్థానిక ఎన్నికల్లో మూడో ప్లేస్ కు పరిమితం అయిన ఆ పార్టీ.. జూబ్లీహిల్స్ ఉప ఎన్నికల్లో డిపాజిట్ కూడా కోల్పోయింది. అందుకే ఖైరతాబాద్ ఉప ఎన్నికను ప్రతిష్టాత్మకంగా తీసుకుంది. ఎలాగైనా గెలవాలన్న లక్ష్యంతో వ్యూహాలు రచిస్తోంది. ఈ నేపథ్యంలో పోటీకి సిద్ధమవుతున్న చింతల రామచంద్రారెడ్డికి ఈసారి షాక్ తప్పేలా లేదు. గత రెండు ఎన్నికల్లో ఓడిపోవడం.. వయోభారం తో బాధపడుతుండడంతో పక్కన పెట్టాలని దాదాపు ఒక నిర్ణయానికి వచ్చినట్లు తెలుస్తోంది. మాస్ లీడర్ గా పేరు ఉన్న దానం నాగేందర్ ను ఓడించడానికి అలాంటి మాస్ ఇమేజ్ ఉన్న అభ్యర్థి కోసం కాషాయ పార్టీ గట్టిగానే ప్రయత్నాలు చేస్తోంది. ఫైర్ బ్రాండ్ మాధవి లత.. ఖైరతాబాద్ నుంచి మహిళ అభ్యర్థులు అయితే బాగుంటుంది అనేది హై కమాండ్ అభిప్రాయంగా తెలుస్తోంది. ప్రధానంగా ఫైర్ బ్రాండ్ మాధవి లత పేరు ప్రముఖంగా వినిపిస్తోంది. గత ఎన్నికల్లో ఆమె ఎంపీగా పోటీ చేశారు. గౌరవప్రదమైన ఓట్లు తెచ్చుకున్నారు. సామాజిక సేవా కార్యక్రమాల్లో ఆమె చురుగ్గా పాల్గొంటూ వచ్చారు. ఆపై పార్టీ విధానాలతో పాటు సమకాలిన అంశాలపై దూకుడుగా వ్యవహరిస్తుంటారు. జూబ్లీహిల్స్ నియోజకవర్గం లో హిందూ ఓట్లను సమీకృతం చేస్తే ఆమె విజయం సునాయాసం అయ్యే అవకాశం ఉంది. అందుకే ఆమె వైపు బిజెపి హై కమాండ్ మొగ్గు చూపుతున్నట్లు తెలుస్తోంది. విజయా రెడ్డి పై ఆశలు.. మరోవైపు దివంగత జనార్దన్ రెడ్డి కుమార్తె విజయ రెడ్డి పేరు కూడా వినిపిస్తోంది. పిజేఆర్ కుమార్తె గత ఎన్నికల్లో కాంగ్రెస్ పార్టీ తరఫున పోటీ చేసి రెండో స్థానంలో నిలిచారు. ఎట్టి పరిస్థితుల్లో ఈ ఎన్నికల్లో తనకు టిక్కెట్ ఇవ్వాలని ఆమె కోరుతున్నారు. పైగా దానం నాగేందర్ పై వ్యక్తిగత విమర్శలు చేస్తున్నారు. ఒకవేళ ఆమెకు టిక్కెట్ దక్కకపోతే.. బిజెపిలోకి రప్పించి టికెట్ ఇవ్వాలని భావిస్తున్నారు. ఖైరతాబాద్ నియోజకవర్గంలో నుంచి పలుమార్లు పి.జనార్దన్ రెడ్డి ప్రాతినిధ్యం వహించారు. ఆయన కుటుంబానికి ఇక్కడ మంచి పేరు ఉంది. దానిని వాడుకోవాలని చూస్తోంది బిజెపి. ఇంకోవైపు నటి జీవిత పేరు కూడా తెరపైకి వచ్చింది. గత కొంతకాలంగా జీవిత దంపతులు బిజెపిలోనే కొనసాగుతూ వస్తున్నారు. ఆమెకు టిక్కెట్ ఇస్తే సినీ గ్లామర్ సైతం పనిచేసి విజయం సాధించే అవకాశం ఉందని హై కమాండ్ అంచనా వేస్తోంది. ఈ ముగ్గురు మహిళ నేతల్లో ఒకరికి బిజెపి టికెట్ ఖాయమని సమాచారం. చూడాలి చివరకు ఏం జరుగుతుందో.

Tag: Khairatabad Constituency Politics

Most Read

అద్భుతం….ఇక క‌ళ్ల‌ద్దాల‌తో యూపీఐ పేమెంట్‌…! స్కానర్‌వైపు చూసి హ‌లో జీయో అంటే చాలు….

హైదరాబాదు నుంచి మూడు బుల్లెట్ ట్రైన్లు…!

ఖైరతాబాద్ లో మహిళల కే ఛాన్స్…!

విద్యుత్ సంక్షోభం…!

EDITOR PICKS

ఖైరతాబాద్ లో మహిళల కే ఛాన్స్…!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags