kaleshwaram - Crime Mirror

కాళేశ్వరం త్రివేణి సంగమం మరోసారి ఆధ్యాత్మిక కాంతులతో కళకళలాడేందుకు సిద్ధమవుతోంది. మే 21 నుంచి జూన్ 01 వరకు నిర్వహించనున్న సరస్వతి నది అంత్య పుష్కరాల కోసం అధికారులు భారీ స్థాయిలో ఏర్పాట్లు చేస్తున్నారు. ఇప్పటికే పుష్కర ఘాట్ ప్రాంతం పూర్తిగా కొత్త అందాలను సంతరించుకుంటోంది. భక్తులకు ఆధ్యాత్మిక అనుభూతిని కలిగించేలా ప్రత్యేక అలంకరణలు, విద్యుత్ వెలుగులు, సౌండ్ అండ్ లైటింగ్ ఏర్పాట్లు చేస్తుండటంతో కాళేశ్వరం ప్రాంతం ప్రయాగరాజ్ను తలపించేలా మారుతోంది. గత ఏడాది జరిగిన సరస్వతి పుష్కరాలకు విశేష స్పందన లభించగా, ఇప్పుడు అంత్య పుష్కరాలను మరింత వైభవంగా నిర్వహించేందుకు అధికార యంత్రాంగం కసరత్తు వేగవంతం చేసింది. జ్ఞాన సరస్వతి పుష్కర ఘాట్తో పాటు వీఐపీ ఘాట్ వద్ద ప్రత్యేకంగా ఆకర్షణీయమైన సెట్టింగ్స్ ఏర్పాటు చేస్తున్నారు. పుష్కరాలకు వచ్చే భక్తులకు ఎలాంటి ఇబ్బందులు కలగకుండా అన్ని సదుపాయాలు కల్పించే పనులు కొనసాగుతున్నాయి. ముఖ్య అతిథులు, వీఐపీ భక్తుల కోసం 40 ఆధునిక గుడారాలతో ప్రత్యేక టెంట్ సిటీ నిర్మిస్తున్నారు. రాష్ట్ర ముఖ్యమంత్రి రేవంత్ రెడ్డి కూడా అంత్య పుష్కరాలకు హాజరయ్యే అవకాశం ఉండటంతో భద్రతా ఏర్పాట్లు మరింత కట్టుదిట్టం చేస్తున్నారు. వచ్చే ఏడాది గోదావరి పుష్కరాలు జరగనున్న నేపథ్యంలో, ఈసారి సరస్వతి అంత్య పుష్కరాలను దృష్టిలో పెట్టుకుని శాశ్వత నిర్మాణాలకు కూడా శ్రీకారం చుట్టారు. భక్తులను ఆకట్టుకునే విధంగా నవరత్న హారతుల కోసం ప్రత్యేక వేదికలను సిద్ధం చేస్తున్నారు. 12 రోజుల పాటు జరిగే ఈ మహా ఆధ్యాత్మిక వేడుకల్లో దేశంలోని వివిధ ప్రాంతాల నుంచి స్వామీజీలు, పీఠాధిపతులు, వేద పండితులు పాల్గొననున్నారు. ప్రతి రోజు ప్రత్యేక హోమాలు, పూజలు, ఆధ్యాత్మిక కార్యక్రమాలు నిర్వహించనున్నారు. మే 21 గురువారం మహా గణపతి హోమంతో కార్యక్రమాలు ప్రారంభమవుతాయి. మే 22న సుబ్రహ్మణ్య షడాక్షరీ హోమం, మే 23న హయగ్రీవ హోమం, మే 24న నవగ్రహ హోమం, మే 25న మహా మృత్యుంజయ హోమం నిర్వహించనున్నారు. మే 26న దుర్గా సూక్త హోమం, మే 27న మహా సుదర్శన హోమం, మే 28న వేద దక్షిణామూర్తి హోమం, మే 29న స్వయంవర పార్వతి హోమం, మే 30న ధన్వంతరి హోమం, మే 31న మహారుద్ర హోమం నిర్వహించనున్నారు. జూన్ 01న లఘు చండీ మహా పూర్ణాహుతితో అంత్య పుష్కరాలు ఘనంగా ముగియనున్నాయి. పుష్కరాల సందర్భంగా భక్తుల రాకపోకలను దృష్టిలో పెట్టుకుని రహదారులు, పార్కింగ్ ప్రదేశాలు, తాగునీటి సదుపాయాలు, వైద్య శిబిరాలు, భద్రతా ఏర్పాట్లను కూడా అధికారులు విస్తృతంగా చేపడుతున్నారు. భక్తులకు ఎలాంటి అసౌకర్యం కలగకుండా ప్రత్యేక నియంత్రణ కేంద్రాలను ఏర్పాటు చేస్తున్నారు. వచ్చే ఏడాది గోదావరి పుష్కరాలకు ముందస్తు సన్నాహకంగా ఈసారి చేపడుతున్న శాశ్వత నిర్మాణాలు భవిష్యత్తులో మరింత ఉపయోగపడనున్నాయి. మొత్తంగా సరస్వతి నది అంత్య పుష్కరాలతో కాళేశ్వరం ప్రాంతం ఆధ్యాత్మిక వైభవంతో ముస్తాబవుతోంది. ALSO READ: AI in Vijayawada: ఇంద్రకీలాద్రిపై సాంకేతిక విప్లవానికి శ్రీకారం

Tag: kaleshwaram

Most Read

లక్ష్మీతండాలో దారుణ హత్య.. గొంతు కోసి వ్యక్తిని హతమార్చిన దుండగులు

తక్కువ ధరకే బంగారం అంటూ మోసం – కడపలో నకిలీ గోల్డ్ ముఠా బట్టబయలు

8 నెలల గర్భిణి దారుణ హత్య.. కన్నబిడ్డల ముందే భార్యను చంపిన భర్త

కేరళలో ఘోర బస్సు ప్రమాదం – కుట్టిపురంలో అదుపుతప్పిన బస్సు బోల్తా, ఒకరి మృతి

EDITOR PICKS

ప్రయాగ్‌రాజ్‌లా మారిన కాళేశ్వరం.. పుష్కరాలకు భారీ ఏర్పాట్లు

కాళేశ్వరం ఇష్యూను సీబీఐకే ఎందుకిచ్చారు – దీని వెనకున్న పొలిటికల్‌ గేమ్‌ ఏంటి..?

ఘోష్‌ కమిషన్‌పై హైకోర్టు స్టే నిరాకరణ – కేసీఆర్, హరీష్‌రావుకు చుక్కెదురైంది.

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags