JANASENA NEWS - Crime Mirror

క్రైమ్ మిర్రర్ : జనసేన నాయకుడు బోనబోయిన శ్రీనివాస యాదవ్ను హత్య చేసేందుకు కుట్ర పన్నిన కేసును నల్లపాడు పోలీసులు ఛేదించారు. ఈ కేసులో వైసీపీ నేత కంకర నరేంద్ర రెడ్డిని పోలీసులు మంగళవారం అదుపులోకి తీసుకుని జిల్లా కోర్టులో హాజరుపరిచారు. పోలీసుల దర్యాప్తు ప్రకారం.. శ్రీనివాస యాదవ్ను హత్య చేయించేందుకు నరేంద్ర రెడ్డి కొందరు రౌడీషీటర్లతో సంప్రదింపులు జరిపినట్లు గుర్తించినట్లు సమాచారం. ఇందుకోసం రూ.1.5 కోట్లు సుపారీ ఇచ్చినట్లు గతంలో వార్తలు వెలువడ్డాయి. ఈ విషయం ముందుగానే తెలియడంతో శ్రీనివాస యాదవ్ పోలీసులను ఆశ్రయించి ఫిర్యాదు చేశారు. ఈ కేసులో సుపారీ తీసుకున్న రౌడీషీటర్ ఇప్పటికే పోలీసుల ఎదుట లొంగిపోయినట్లు తెలుస్తోంది. అతడిని విచారించిన అనంతరం పోలీసులు సేకరించిన వివరాల ఆధారంగా నరేంద్ర రెడ్డిపై దృష్టి సారించారు. కేసుకు సంబంధించిన ఆధారాలను పరిశీలించిన తర్వాత ఆయనను అరెస్ట్ చేసినట్లు సమాచారం. కాగా, గతంలో వైసీపీ ప్రభుత్వ హయాంలో నరేంద్ర రెడ్డిపై పలు వివాదాలు, అరాచకాలకు సంబంధించిన ఆరోపణలు ఉన్నట్లు తెలుస్తోంది. వాటిని జనసేన నేత శ్రీనివాస యాదవ్ అడ్డుకున్న నేపథ్యంలోనే తనపై కక్ష పెంచుకున్నారనే ఆరోపణలు వినిపిస్తున్నాయి. ఈ క్రమంలోనే ఆయన హత్యకు కుట్ర జరిగినట్లు ప్రచారం సాగుతోంది. ప్రస్తుతం నరేంద్ర రెడ్డిని కోర్టులో హాజరుపరిచిన పోలీసులు.. కేసుకు సంబంధించిన మరిన్ని వివరాలను దర్యాప్తులో భాగంగా సేకరిస్తున్నారు. ఈ వ్యవహారంలో మరెవరైనా ప్రమేయం ఉందా అనే కోణంలోనూ పోలీసులు విచారణ కొనసాగిస్తున్నట్లు సమాచారం. also read : పాకిస్థాన్లో 125 ఏళ్ల హిందూ ఆలయం నేలమట్టం.. మదర్సాలో విలీనం చేశారంటూ ఆరోపణలు

Tag: JANASENA NEWS

Most Read

దొంగబాబా గుట్టురట్టు.. వంద మందికిపైగా మహిళలపై లైంగిక వేధింపులు!

క్రికెట్ ఆడుతుండగా గుండెపోటు.. మైదానంలోనే కుప్పకూలిన యువకుడు

దారుణం.. సమాధుల్లోని మృతదేహాలను తీసి లైంగిక వాంఛలు తీర్చుకున్నాడు

టెక్కలి సమీపంలో ఘోర రైలు ప్రమాదం.. నలుగురు యువకులు మృతి

EDITOR PICKS

జనసేన నేత హత్యకు కుట్ర కేసులో వైసీపీ నేత అరెస్ట్

మొన్న గోవిందప్ప.. నిన్న ధనుంజయ్‌రెడ్డి, కృష్ణమోహన్‌రెడ్డి – నెక్ట్స్‌ జగనా..? భారతినా..?

టీడీపీని తొక్కుకుంటూ పైకొస్తున్న జనసేన – తిరుపతి చంద్రబాబు పర్యటనే సాక్ష్యం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags