Tag: Irumudi Movie Updates

Crime Mirror,Latest Updates: రవితేజ హీరోగా శివ నిర్వాణ దర్శకత్వంలో తెరకెక్కుతున్న చిత్రం ఇరుముడి. ఇప్పటికే విడుదలైన గ్లింప్స్, ప్రచార చిత్రాలతో సినిమాపై ఆసక్తి పెరిగింది. అయ్యప్ప మాల ధరించి 41 రోజుల పాటు మద్యానికి దూరంగా ఉండే వ్యక్తి చుట్టూ ఈ కథ సాగనున్నట్లు ప్రచార కంటెంట్ ద్వారా తెలుస్తోంది. అయితే ఈ కథను రవితేజను దృష్టిలో పెట్టుకుని రాయలేదని దర్శకుడు శివ నిర్వాణ వెల్లడించారు. ఇరుముడి కథ రాసే సమయంలో ముందుగా హీరోను ఫిక్స్ చేసుకోలేదని శివ నిర్వాణ తెలిపారు. కథ పూర్తయిన తర్వాత ఈ పాత్రకు ఎవరైతే బాగుంటారనే ఆలోచన వచ్చినప్పుడు రవితేజ గుర్తొచ్చారని చెప్పారు. ముఖ్యంగా గ్రామీణ నేపథ్యం, మిడిల్ క్లాస్ కుటుంబాల జీవనశైలి, తండ్రి పాత్రకు రవితేజ లుక్, బాడీ లాంగ్వేజ్ బాగా సరిపోతాయని భావించినట్లు వివరించారు. ఇక ఇరుముడి కథ తన చిన్ననాటి జ్ఞాపకాల నుంచి పుట్టిందని శివ నిర్వాణ తెలిపారు. చిన్నప్పుడు తమ ఇంటి సమీపంలో ఉన్న అయ్యప్ప ఆలయంలో జరిగే భజనలు తనపై ప్రభావం చూపాయని చెప్పారు. ఆ జ్ఞాపకాల ఆధారంగా 41 రోజుల అయ్యప్ప దీక్ష తీసుకునే ఓ మద్యానికి బానిసైన వ్యక్తి కథను ఆలోచించినట్లు వివరించారు. దీక్ష తీసుకున్న తర్వాత 41 రోజుల పాటు మద్యం మానేయాల్సి రావడం కథలో ప్రధాన సంఘర్షణగా మారిందని చెప్పారు. కథను మరింత ఎమోషనల్గా మార్చేందుకు తండ్రి, కూతురు బంధాన్ని జోడించినట్లు దర్శకుడు తెలిపారు. 41 రోజుల టైమ్లైన్ చుట్టూ కథను అభివృద్ధి చేసి, అందులో ఫ్యామిలీ ఎమోషన్తో పాటు యాక్షన్, క్రైమ్, మిస్టరీ అంశాలను కలిపినట్లు వివరించారు. తన గత చిత్రాలతో పోలిస్తే ఇరుముడి మరింత రా, రస్టిక్, నేటివ్ ఫీల్తో ఉంటుందని చెప్పారు. తన గత చిత్రం ఖుషి ఆశించిన స్థాయిలో విజయం సాధించకపోవడానికి గల కారణాలను కూడా శివ నిర్వాణ విశ్లేషించారు. మొదట లైట్హార్టెడ్ ఎంటర్టైనర్గా రూపొందించాలని భావించినప్పటికీ, స్క్రిప్ట్ దశలో ఎమోషనల్ అంశాలను ఎక్కువగా జోడించడంతో కామెడీ, పాటలు, డ్యాన్స్, ఎమోషన్స్ మధ్య సరైన బ్యాలెన్స్ లేకపోయిందని తెలిపారు. ఒక సినిమా ప్రధానంగా ఏ ఫ్లేవర్లో ఉండాలనేది స్క్రిప్ట్ దశలోనే నిర్ణయించుకోవాలని అభిప్రాయపడ్డారు. ఇరుముడిలో ఎమోషన్నే ప్రధానంగా తీసుకున్నామని శివ నిర్వాణ తెలిపారు. ఫ్యామిలీ డ్రామాతో మొదలై తర్వాత మిస్టరీ, థ్రిల్లర్ అంశాల్లోకి కథ వెళ్తుందని తెలుస్తోంది. అయితే శబరిమల ఆలయంతో సినిమాకు నేరుగా ఎలాంటి సంబంధం ఉండదని స్పష్టం చేశారు. మైత్రి మూవీ మేకర్స్ నిర్మిస్తున్న ఈ సినిమా ఆగస్టు 21న ప్రపంచవ్యాప్తంగా థియేటర్లలోకి రానుంది. రవితేజకు జోడీగా ప్రియా భవానీ శంకర్ నటిస్తుండగా, ఆయన కూతురి పాత్రలో బేబీ నక్షత్ర కనిపించనుంది. ఈ సినిమాతో రవితేజ మరోసారి సక్సెస్ ట్రాక్లోకి వస్తారని అభిమానులు ఆశిస్తున్నారు.

Tag: Irumudi Movie Updates

Most Read

ఆపరేషన్ కోసం ఆసుపత్రికి వెళ్తే ఇల్లు గుల్ల చేశారు.. ఖమ్మం జిల్లాలో దొంగల బీభత్సం!

అంగన్‌వాడీల నుంచి నెలమామూళ్లు.. ఏసీబీకి రెడ్‌హ్యాండెడ్‌గా దొరికిన సీడీపీవో!

చికెన్ వండే విషయంలో తీవ్ర గొడవ.. తల్లిదండ్రుల ఘర్షణ చూసి ఆరేళ్ల చిన్నారి షాక్‌తో మృతి!

రేణు దేశాయ్ క్లారిటీ.. ‘నేను వ్యతిరేకించింది దానినే… గణపతి బప్పాపై నాకు ఎంతో భక్తి’

EDITOR PICKS

Irumudi: రవితేజను హీరో అనుకోలేదట… వెనుక అసలు కథ ఇదే…!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags