IRCTC - Crime Mirror

Crime Mirror, Updates: దక్షిణ భారతదేశంలోని ప్రముఖ పుణ్యక్షేత్రాలను ఒకేసారి దర్శించాలనుకునే భక్తుల కోసం IRCTC ప్రత్యేక టూర్ ప్యాకేజీని ప్రకటించింది. సౌత్ ఇండియా పిల్గ్రిమేజ్ టూర్ 2026 పేరుతో నిర్వహిస్తున్న ఈ యాత్ర జూలై 31, 2026 నుంచి ఆగస్టు 11, 2026 వరకు మొత్తం 11 రాత్రులు, 12 రోజుల పాటు సాగనుంది. భారత్ గౌరవ్ టూరిస్ట్ రైలులో ఈ యాత్ర నిర్వహించనున్నారు. ఈ ప్యాకేజీలో భాగంగా భక్తులు తిరుపతి బాలాజీ, శ్రీకాళహస్తి, రామేశ్వరం రామనాథస్వామి ఆలయం, మదురై మీనాక్షి అమ్మవారి ఆలయం, కన్యాకుమారి, శ్రీశైలం మల్లికార్జున జ్యోతిర్లింగం వంటి ప్రముఖ పుణ్యక్షేత్రాలను సందర్శించే అవకాశం ఉంటుంది. తిరుపతిలో రెండు రోజుల వసతి కూడా కల్పించనున్నారు. అయితే తిరుమల ప్రత్యేక దర్శనానికి అవసరమైన ఏర్పాట్లు ప్రయాణికులే చేసుకోవాల్సి ఉంటుంది. ఈ ప్రత్యేక రైలు గోరఖ్పూర్ నుంచి బయలుదేరి, మంకాపూర్, అయోధ్య, ప్రయాగ్రాజ్, లక్నో, కాన్పూర్, ఝాన్సీ తదితర స్టేషన్ల మీదుగా రేణిగుంట చేరుకుంటుంది. అక్కడి నుంచి బస్సుల ద్వారా తిరుపతి తీసుకెళ్తారు. అనంతరం రామేశ్వరం, మదురై, కన్యాకుమారి, శ్రీశైలం ప్రాంతాలకు కూడా రోడ్డు మార్గంలో యాత్ర కొనసాగుతుంది. ప్యాకేజీ ధరలు క్లాస్ను బట్టి మారుతాయి. స్లీపర్ ఎకానమీ క్లాస్కు ఒక్కొక్కరికి రూ.23,560 నుంచి, 3AC స్టాండర్డ్కు రూ.39,100, 2AC కంఫర్ట్ క్లాస్కు రూ.51,760 వరకు ఛార్జీలు ఉన్నాయి. పిల్లలకు ప్రత్యేక రాయితీ ఛార్జీలు వర్తిస్తాయి. ఈ టూర్ ప్యాకేజీలో రైలు ప్రయాణం, హోటల్ వసతి, శాకాహార భోజనం, టీ, అల్పాహారం, స్థానిక రవాణా, ట్రావెల్ ఇన్సూరెన్స్, టూర్ ఎస్కార్ట్, IRCTC టూర్ మేనేజర్ సేవలు అన్నీ చేర్చారు. ఈ ప్యాకేజీని బుక్ చేసుకోవాలనుకునే వారు IRCTC అధికారిక వెబ్సైట్లో పూర్తి వివరాలు చూసి రిజిస్ట్రేషన్ చేసుకోవచ్చు.

Tag: IRCTC

Most Read

ఆపరేషన్ కోసం ఆసుపత్రికి వెళ్తే ఇల్లు గుల్ల చేశారు.. ఖమ్మం జిల్లాలో దొంగల బీభత్సం!

అంగన్‌వాడీల నుంచి నెలమామూళ్లు.. ఏసీబీకి రెడ్‌హ్యాండెడ్‌గా దొరికిన సీడీపీవో!

చికెన్ వండే విషయంలో తీవ్ర గొడవ.. తల్లిదండ్రుల ఘర్షణ చూసి ఆరేళ్ల చిన్నారి షాక్‌తో మృతి!

రేణు దేశాయ్ క్లారిటీ.. ‘నేను వ్యతిరేకించింది దానినే… గణపతి బప్పాపై నాకు ఎంతో భక్తి’

EDITOR PICKS

Tirupati to Rameswaram: IRCTC అదిరిపోయే టూర్ ప్యాకేజీ…!

ఐఆర్‌సీటీసీ కొత్త వెబ్‌సైట్ ప్రారంభం.. ముహుర్తం ఫిక్స్

సికింద్రాబాద్ నుంచి అయోధ్య-కాశీ వరకు…!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags