HYDRAA Ranganath Politics

జనసేనలో చేరే అవకాశం ఎంపీగా ఏపీ నుంచి పోటీ క్రైమ్ మిర్రర్, తెలంగాణ బ్యూరో: హైడ్రా రంగనాథ్ రాజకీయాల్లోకి వెళ్తారా? వెళితే ఏ పార్టీలో చేరుతారు? తెలంగాణ రాజకీయాల్లోకి వెళ్తారా? లేకుంటే ఏపీ పాలిటిక్స్ లో ప్రవేశిస్తారా? పొలిటికల్ వర్గాల్లో దీనిపైనే చర్చ నడుస్తోంది. తెలంగాణలో హైడ్రా కమిషనర్ గా రంగనాథ్ కు గొప్ప గుర్తింపు ఉంది. ముక్కు సూటిగా పనిచేస్తారు అని మంచి పేరు ఉంది. గతంలో తెలంగాణ వ్యాప్తంగా వివిధ ప్రాంతాల్లో పోలీస్ అధికారిగా పనిచేశారు. ప్రధానంగా భూ ఆక్రమణలపై గట్టిగానే ఫోకస్ పెట్టారు. అందుకే కెసిఆర్ సైతం వరంగల్ లాంటి నగరానికి పోలీస్ కమిషనర్ గా రంగనాథ్ ని నియమించారు. సీఎం రేవంత్ మద్దతు.. సీఎం రేవంత్ రెడ్డి మానస పుత్రిక హైడ్రాకు కమిషనర్ గా వ్యవహరిస్తున్నారు రంగనాథ్. హైదరాబాద్ నగరంలో చెరువులను రక్షించారు. కుంటలను బాగు చేశారు. నాలాలను పరిరక్షించారు. ఒక్క మాటలో చెప్పాలంటే విప్లవాత్మక విధానాలకు శ్రీకారం చుట్టారు. కోర్టుల ద్వారా కొంతమంది వ్యక్తులు ఆయనకు వ్యతిరేకంగా వ్యవహరిస్తున్నప్పటికీ.. రంగనాథ్ కు సీఎం రేవంత్ రెడ్డి బలమైన మద్దతు ఉంది. అందుకే కోర్టులకు వెళ్లి మరి ఆయనను కొనసాగించగలుగుతున్నారు. మున్నూరు కాపు ఆత్మీయ సమావేశానికి.. హైడ్రా రంగనాథ్ రాజకీయాల్లోకి వస్తారన్న ప్రచారం జోరుగా సాగుతోంది. దానికి కారణం హైదరాబాద్ నగరంలో మున్నూరు కాపు ఆత్మీయ సమ్మేళనానికి రంగనాథ్ హాజరయ్యారు. ఆయన మున్నూరు కాపు సామాజిక వర్గానికి చెందినవారు. ఏపీకి చెందిన కూటమి కీలక నాయకులు సైతం ఈ సమావేశానికి హాజరయ్యారు. వారితో వేదిక పంచుకున్నారు. వాస్తవానికి హైడ్రా రంగనాథ్ పై ఒక విమర్శ ఉంది. కుల సంఘాల సమావేశాలకు ఆయన హాజరవుతుంటారు. వీటిపై విమర్శలు వచ్చినా ఆయన పెద్దగా పట్టించుకోరు. అయితే ఇప్పుడు ఏకంగా రాజకీయ నేతలతో ఆయన వేదిక పంచుకోవడంతో పాలిటిక్స్ లోకి వస్తారని ప్రచారం నడుస్తోంది. ప్రధానంగా ఆయన ఎంపీగా పోటీ చేస్తారన్న టాక్ ఉంది. వచ్చే ఎన్నికల్లో ఏపీ నుంచి పోటీ చేస్తారన్న ప్రచారం కూడా ఉంది. మెగా ఫ్యామిలీతో సంబంధాలు.. మెగాస్టార్ ఫ్యామిలీతో రంగనాథ్కు మంచి సంబంధాలు ఉన్నాయి. ఆ కుటుంబానికి అత్యంత ఆప్తుడిగా ముద్రపడ్డారు. గతంలో ఆయన పవన్ కళ్యాణ్ ను కలిసారు కూడా. రాజకీయాల్లోకి వస్తే జనసేనలో చేరే అవకాశం ఉంది. ఆయనకు రాజకీయ ఆసక్తి సైతం ఉందని సన్నిహితులు చెబుతుంటారు. అయితే రాజకీయాలకు సంబంధించి ఎటువంటి ప్రకటనలు చేయలేదు. అయితే గతంలో చాలామంది పోలీస్ ఉన్నతాధికారులు.. వాలంటరీ రిటైర్మెంట్ తీసుకుని మరి రాజకీయాల్లోకి వచ్చారు. మరి హైడ్రా రంగనాథ్ విషయంలో ఏం జరుగుతుందో చూడాలి.

Tag: HYDRAA Ranganath Politics

Most Read

కాన్పూర్ ఫార్మా వ్యాపారి హత్య కేసులో కొత్త ట్విస్ట్

కుటుంబ పోషణ కష్టంగా ఉంది.. ఆర్థిక ఇబ్బందుల్లో ఇమ్మంది రవి

కోరుట్లలో దారుణం.. అంగన్వాడీ టీచర్ హత్య

5 పదవులు.. 50 మంది ఆశావహులు…!

EDITOR PICKS

రాజకీయాల్లోకి హైడ్రా రంగనాథ్…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags