Family Tragedy - Crime Mirror

శబరిమల యాత్రకు వెళ్లిన భర్త చేసిన ఒక చర్య చివరకు భార్య ప్రాణాలు తీసిన విషాదంగా మారింది. దేవుడి సన్నిధిలో పూజల సమయంలో తన స్థానంలో మరో మహిళను ఎందుకు కూర్చోబెట్టావని భార్య ప్రశ్నించడమే ఈ ఘోర ఘటనకు కారణమైంది. ఈ ఘటన కర్ణాటక రాష్ట్రం ఆలూరు తాలూకా పరిధిలోని యడూరు గ్రామం సమీపంలో చోటు చేసుకుని స్థానికంగా కలకలం రేపింది. కుమార్ (42), రాధ (40) దంపతులకు 22 ఏళ్ల క్రితం వివాహమైంది. అయితే గత ఎనిమిదేళ్లుగా కుటుంబ విభేదాల కారణంగా ఇద్దరూ వేర్వేరు ఇళ్లలో నివసిస్తున్నారు. కుమార్ మరో మహిళతో వివాహేతర సంబంధం కొనసాగిస్తున్నాడన్న అనుమానం రాధలో ఆగ్రహాన్ని పెంచింది. జనవరి మొదటి వారంలో శబరిమల యాత్రకు వెళ్లిన కుమార్.. పూజల సమయంలో భార్య స్థానంలో ఆ మహిళను కూర్చోబెట్టాడని రాధకు తెలిసింది. ఈ నెల 10న శబరిమల నుంచి ఇంటికి వచ్చిన కుమార్ను రాధ నిలదీసింది. దేవుడి సన్నిధిలో కూడా తనకు అవమానం చేశావని ప్రశ్నించింది. అదే సమయంలో మాటల వాగ్వాదం చోటు చేసుకుని, అది తీవ్ర కోపంగా మారింది. ఆగ్రహంతో కుమార్ రాధపై దాడి చేసి ఆమెను హత్య చేశాడు. హత్య అనంతరం ఆధారాలు మాయం చేయాలనే ఉద్దేశంతో రాధ మృతదేహాన్ని యగచి నదిలో పడేశాడు. అనంతరం తనలో కలిగిన భయం, పశ్చాత్తాపంతో కుమార్ స్వయంగా పోలీస్ స్టేషన్కు వెళ్లి లొంగిపోయాడు. సమాచారం అందుకున్న ఆలూరు పోలీసులు కేసు నమోదు చేసి, నదిలో మృతదేహం కోసం గాలింపు చర్యలు చేపట్టారు. కుటుంబ కలహాలు, అనుమానాలు ఎంతటి ప్రాణాంతక పరిణామాలకు దారి తీస్తాయో ఈ ఘటన మరోసారి స్పష్టం చేస్తోంది. ALSO READ: సెలవుల్లో ఈ తప్పులు చేయకండి, ప్రాణాలకే ముప్పు!

Tag: Family Tragedy

Most Read

కుమార్తె జ్ఞాపకార్థం తండ్రి అపురూప కానుక.. రూ.2 లక్షలతో గుడి నిర్మాణం

జగిత్యాలలో ఏసీబీ వలలో సీడీపీవో.. 21 మంది సూపర్‌వైజర్ల నుంచి రూ.63 వేల లంచం!

సూరారంలో షాకింగ్ ఘటన.. టీచర్‌ను వేధించిన ప్రిన్సిపాల్‌.. నిలదీసినందుకు కత్తితో దాడి

చిట్టీల పేరుతో రూ.10 కోట్లకు పైగా వసూలు చేసిన ప్రభుత్వ ఉపాధ్యాయుడు.. ఆపై కుటుంబంతో కలిసి పరారీ

EDITOR PICKS

భార్య, ఇద్దరు పిల్లల మరణం.. తట్టుకోలేక భర్త ఆత్మహత్య

ఐఫోన్ ఈఎంఐ వివాదం.. కొడుకును కాపాడబోయి తండ్రి మృతి, మనోవేదనతో తల్లి ఆత్మహత్య

Suicide: యువతి నిండు ప్రాణం తీసిన టీ

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags