elderly safety - Crime Mirror

BIG NEWS: చంద్రగిరి మండల పరిధిలోని కందులవారిపల్లిలో చోటుచేసుకున్న ఓ విషాద ఘటన గ్రామాన్ని తీవ్రంగా కలిచివేసింది. వ్యసనమే ఒక వృద్ధుడి ప్రాణాన్ని తీసిన ఈ దుర్ఘటన గురువారం రాత్రి జరిగింది. గ్రామానికి చెందిన కేశవులురెడ్డి అనే 75 ఏళ్ల వృద్ధుడు కొంతకాలంగా అనారోగ్యంతో బాధపడుతూ మంచానికే పరిమితమయ్యాడు. వయసు పైబడడం, ఆరోగ్య సమస్యలు వెంటాడటంతో రోజువారీ అవసరాలకూ కుటుంబ సభ్యులపై ఆధారపడుతున్న పరిస్థితిలో ఆయన జీవితం సాగుతోంది. ఈ నేపథ్యంలో గురువారం రాత్రి చలికాలం కారణంగా చలి నుంచి ఉపశమనం పొందేందుకు ఆయన 2 నుంచి 3 దుప్పట్లు కప్పుకొని మంచంపై విశ్రాంతి తీసుకుంటున్నాడు. అదే సమయంలో బీడీ వ్యసనానికి లోనైన కేశవులురెడ్డి బీడీ అంటించుకున్నాడు. బీడీ తాగిన అనంతరం నిర్లక్ష్యంగా విసిరేసిన అగ్గిపుల్ల దుప్పటిపై పడటంతో ప్రమాదం చోటుచేసుకుంది. మంచం ప్లాస్టిక్ దారాలతో అల్లినదిగా ఉండటంతో అగ్గి క్షణాల్లోనే వ్యాపించింది. దుప్పట్లు, మంచం పూర్తిగా అంటుకోవడంతో మంటలు వేగంగా వ్యాపించి వృద్ధుడి శరీరంలోని కొన్ని భాగాలు తీవ్రంగా కాలిపోయాయి. అకస్మాత్తుగా మంటలు అంటుకోవడంతో తీవ్ర నొప్పితో కేకలు వేయడంతో కుటుంబ సభ్యులు అప్రమత్తమయ్యారు. వెంటనే మంటలను అదుపు చేసే ప్రయత్నం చేసి, పరిస్థితి విషమంగా ఉండటంతో ఆయన్ను చికిత్స కోసం రుయా ఆస్పత్రికి తరలించారు. ఆస్పత్రిలో వైద్యులు ప్రాథమిక చికిత్స అందించినప్పటికీ, వృద్ధుడి ఆరోగ్య పరిస్థితి అప్పటికే అత్యంత విషమంగా మారింది. తీవ్రంగా కాలిన గాయాలు, వయస్సు, ముందస్తు అనారోగ్య సమస్యలు కలిసి ఆయన ప్రాణాలను కాపాడలేని స్థితికి తీసుకెళ్లాయి. చికిత్స పొందుతూ శుక్రవారం ఉదయం కేశవులురెడ్డి మృతి చెందినట్లు వైద్యులు నిర్ధారించారు. ఈ ఘటనతో గ్రామంలో విషాద ఛాయలు అలుముకున్నాయి. ALSO READ: Actress Samira Sherif: ఆ అంకుల్ కామ కోరికలను నాపై తీర్చుకున్నాడు

Tag: elderly safety

Most Read

హజ్ యాత్రికులకు అండగా రాష్ట్ర ప్రభుత్వం.. భారాన్ని భరించాలని సీఎం రేవంత్ నిర్ణయం

దేశ వ్యాప్తంగా కమల వికాసం.. ఇది కదా అసలైన బీజేపీ జోరు, బండి సంజయ్ కీలక వ్యాఖ్యలు

ధాన్యం కొనుగోళ్లు వేగవంతం చేయండి.. అధికారులకు మంత్రి ఉత్తమ్ ఆదేశం

మమత ఘోర ఓటమి.. సువేందు ఘన విజయం

EDITOR PICKS

BIG NEWS: నిండు ప్రాణం తీసిన అగ్గిపుల్ల

SHOCKING: రూ.10 కోసం చంపేశాడు!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags

WhatsApp Channel