Data protection - Crime Mirror

విద్యార్థుల వ్యక్తిగత సమాచార భద్రత విషయంలో తెలంగాణ ప్రభుత్వం కీలక నిర్ణయం తీసుకుంది. ప్రైవేట్ పాఠశాలలు, కాలేజీల యాజమాన్యాలకు రాష్ట్ర పాఠశాల విద్యాశాఖ కఠిన హెచ్చరికలు జారీ చేసింది. అడ్మిషన్ల సమయంలో సేకరించే విద్యార్థులు, వారి తల్లిదండ్రుల వ్యక్తిగత వివరాలు కొందరి ద్వారా అనధికారికంగా బయటకు వెళ్తున్నాయనే ఫిర్యాదులు పెరుగుతున్న నేపథ్యంలో ప్రభుత్వం ఈ అంశాన్ని అత్యంత సీరియస్గా తీసుకుంది. విద్యార్థుల డేటా దుర్వినియోగం, వాణిజ్య ప్రయోజనాల కోసం విక్రయం వంటి చర్యలు ఎట్టి పరిస్థితుల్లోనూ సహించబోమని స్పష్టం చేసింది. ఈ మేరకు పాఠశాల విద్యాశాఖ డైరెక్టర్ నవీన్ నికోలస్ కీలక ప్రకటన విడుదల చేశారు. విద్యార్థుల పేర్లు, మొబైల్ నంబర్లు, తల్లిదండ్రులు లేదా గార్డియన్ల ఫోన్ నంబర్లు, ఇంటి చిరునామాలు, అడ్మిషన్కు సంబంధించిన ఇతర సున్నితమైన వివరాలు అత్యంత గోప్యమైన సమాచారంగా పరిగణించాలని పేర్కొన్నారు. ఈ సమాచారాన్ని ఎలాంటి పరిస్థితుల్లోనూ ప్రైవేట్ వ్యక్తులు, అనధికారిక సంస్థలు, బాహ్య ఏజెన్సీలు లేదా మూడో పక్ష సంస్థలకు అందించరాదని స్పష్టమైన ఆదేశాలు జారీ చేశారు. విద్యా అవసరాలకు సంబంధించిన అధికారిక ప్రక్రియల్లో మాత్రమే ఈ సమాచారాన్ని ఉపయోగించాలని సూచించారు. రాష్ట్రంలోని అన్ని ప్రాంతీయ సంయుక్త విద్యాశాఖాధికారులు, జిల్లా విద్యాశాఖాధికారులు, ప్రభుత్వ, ప్రైవేట్, ఎయిడెడ్ పాఠశాలల ప్రధానోపాధ్యాయులు, కళాశాలల ప్రిన్సిపాల్స్ ఈ మార్గదర్శకాలను కచ్చితంగా అమలు చేయాలని విద్యాశాఖ ఆదేశించింది. డేటా రక్షణ విషయంలో నిర్లక్ష్యం ప్రదర్శించినా, విద్యార్థుల సమాచారాన్ని బయటకు చేరవేసినా, దాన్ని వాణిజ్య ప్రయోజనాలకు ఉపయోగించినా సంబంధిత సంస్థలు, బాధ్యులపై తక్షణమే క్రమశిక్షణా చర్యలు తీసుకోవడంతో పాటు క్రిమినల్ విచారణ కూడా ప్రారంభిస్తామని హెచ్చరించింది. ఇటీవల కాలంలో రాష్ట్రవ్యాప్తంగా అనేక మంది తల్లిదండ్రులు తమ మొబైల్ నంబర్లకు తరచూ ప్రమోషనల్ కాల్స్, నకిలీ రుణాల ఆఫర్లు, గుర్తు తెలియని సందేశాలు వస్తున్నాయని ఫిర్యాదులు వ్యక్తం చేస్తున్నారు. ముఖ్యంగా పిల్లల అడ్మిషన్ల తర్వాత ఈ తరహా సంప్రదింపులు పెరగడంతో విద్యాసంస్థల నుంచే వ్యక్తిగత సమాచారం బయటకు వెళ్తోందనే అనుమానాలు వ్యక్తమయ్యాయి. ఈ పరిస్థితుల్లో విద్యాశాఖ తీసుకున్న తాజా నిర్ణయం విద్యార్థుల గోప్యత రక్షణకు కీలక అడుగుగా భావిస్తున్నారు. విద్యార్థుల వ్యక్తిగత సమాచార భద్రత విషయంలో విద్యాసంస్థలు మరింత బాధ్యతతో వ్యవహరించాల్సిన అవసరం ఉందనే అభిప్రాయం కూడా వ్యక్తమవుతోంది. ALSO READ: ఎండల మధ్య వర్షాలపై తాజా అప్డేట్

Tag: Data protection

Most Read

రూ.271 కోట్ల పెంట్‌హౌస్‌.. దేశ రియల్ ఎస్టేట్‌లో సంచలనం!

లష్కరే ఉగ్రవాదులతో వేదిక పంచుకున్న పాక్ మాజీ మంత్రి.. భారత్‌పై సంచలన వ్యాఖ్యలు

బిల్ గేట్స్ కుమార్తెకు ఊహించని షాక్… ఫియా షాపింగ్ స్టార్టప్‌పై ‘కుకీ స్టఫింగ్’ ఆరోపణలు..

రామాయణలో చేతన్ హన్స్‌రాజ్ సంచలనం.. ఒకటి కాదు రెండు కాదు.. ఏకంగా 7 పాత్రలు!

EDITOR PICKS

తెలంగాణలో ప్రైవేట్ విద్యాసంస్థలకు సీరియస్ వార్నింగ్!

iPhone ఎందుకు సేఫ్ అంటారో తెలుసా?

ఆధార్ సేవలను మరింత సులభం చేసే UIDAI కొత్త అప్లికేషన్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags