Cricket - Crime Mirror

Cute Video: ఆఫ్ఘనిస్థాన్తో శనివారం జరిగిన వన్డే మ్యాచ్లో టీమిండియా విజయం సాధించగా, మ్యాచ్ అనంతరం జరిగిన ఘటన ఒకటి అభిమానుల మనసులను గెలుచుకుంది. భారత జట్టులో యంగ్ ఆల్రౌండర్గా ఎదుగుతున్న తెలుగు కుర్రాడు నితీష్ కుమార్ రెడ్డి పోస్ట్ మ్యాచ్ ప్రెస్ మీట్లో పాల్గొన్న సమయంలో చోటుచేసుకున్న ఓ సన్నివేశం ఇప్పుడు సోషల్ మీడియాలో విపరీతంగా వైరల్ అవుతోంది. మ్యాచ్లో అద్భుతంగా రాణించిన నితీష్ 4 ఓవర్లలో 31 పరుగులు ఇచ్చి 2 కీలక వికెట్లు తీసి జట్టు విజయంలో తన వంతు పాత్ర పోషించాడు. మ్యాచ్ తర్వాత మీడియా సమావేశంలో రిపోర్టర్ల ప్రశ్నలకు సమాధానాలు ఇస్తున్న సమయంలో అనూహ్యంగా నితీష్కు ఫోన్ కాల్ వచ్చింది. సాధారణంగా ఇలాంటి అంతర్జాతీయ మ్యాచ్ల తర్వాత ప్రెస్ మీట్లో ఆటగాళ్లు ఫోన్లు అటెండ్ చేయకుండా మీడియా ప్రశ్నలకే ప్రాధాన్యం ఇస్తారు. కానీ ఆ సందర్భంలో ఫోన్ చేసింది తన తల్లి కావడంతో నితీష్ స్పందించిన తీరు అందరినీ ఆకట్టుకుంది. తల్లి కాల్ రావడంతో క్షణం ఆలస్యం చేయకుండా అతడు ఫోన్ లిఫ్ట్ చేశాడు. https://twitter.com/i/status/2065855944538694013 ప్రెస్ మీట్ మధ్యలోనే “ఒక్క నిమిషం” అంటూ ఫోన్ ఎత్తిన నితీష్, తన తల్లితో మాట్లాడి “అమ్మా నేను మళ్లీ చేస్తాను, ఐదు నిమిషాల్లోనే కాల్ చేస్తాను” అని చెప్పి ఫోన్ పెట్టేశాడు. అంతేకాకుండా ప్రెస్ మీట్లో ఉన్న మీడియా ప్రతినిధులకు కూడా సారీ చెప్పాడు. అదే సమయంలో తల్లి ఆందోళన పడకూడదని, ముందుగా ఆమె కాల్నే తీసుకున్నానని చాలా సహజంగా, వినమ్రంగా చెప్పిన తీరు అక్కడ ఉన్నవారిని కూడా ఆకట్టుకుంది. ఈ ఘటనకు సంబంధించిన వీడియో ప్రస్తుతం సోషల్ మీడియాలో విపరీతంగా షేర్ అవుతోంది. అభిమానులు నితీష్ ప్రవర్తనను ప్రశంసిస్తూ “అమ్మంటే అంతే ప్రేమ”, “హృదయాలను గెలుచుకున్నావు”, “ఇంత వినయంగా ఉండటం గొప్ప విషయం” అంటూ కామెంట్లు చేస్తున్నారు. యువ క్రికెటర్గా మైదానంలోనే కాకుండా మైదానం బయట కూడా నితీష్ చూపించిన ఈ ప్రవర్తన అతనిపై అభిమానాన్ని మరింత పెంచింది. ALSO READ: తెలంగాణలో భూకంపం..

Tag: Cricket

Most Read

ఫోన్ ఎక్కువగా చూడ‌డం వ‌ల్ల‌ ముసలితనం వస్తుందా…? నిపుణులు ఏమి చెబుతున్నారంటే…

నల్లమల శాసనాల్లో అమరావతి చారిత్రక ఆనవాళ్లు: ఉప ముఖ్యమంత్రి పవన్ కళ్యాణ్

MG University Water Crisis: మహాత్మా గాంధీ యూనివర్సిటీలో నీటి సమస్య.. అర్ధరాత్రి వీసీ ఇంటి ముందు విద్యార్థినుల నిరసన!

Mamitha Baiju: ‘ప్రేమలు’ బ్యూటీకి ఏమైంది? ఎందుకు షాకింగ్ డెసిషన్ తీసుకుంది?

EDITOR PICKS

Cute Video: ప్రెస్ మీట్ మధ్యలో అమ్మ నుంచి ఫోన్..

పవర్ ప్లేలో ఎన్ని రికార్డులు బద్దలు కొట్టాడో తెలుసా..?

IPL 2027: మీ సేవలు ఇక చాలు.. తట్టాబుట్టా సర్దేయండి..

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel