Tag: #CBSA

క్రైమ్ మిర్రర్ : కెనడాలో దోపిడీ, ఎక్స్టార్షన్ (బలవంతంగా డబ్బులు వసూలు చేయడం), వ్యవస్థీకృత నేరాలకు సంబంధించిన కార్యకలాపాలతో సంబంధం ఉన్నట్లు గుర్తించిన నలుగురు పంజాబ్ మూలాలున్న యువకులను అధికారులు దేశం నుంచి బహిష్కరించారు. కెనడా బోర్డర్ సర్వీసెస్ ఏజెన్సీ (CBSA) ఈ వివరాలను వెల్లడించింది. తాజాగా బహిష్కరణకు గురైన వారిని పాల్విందర్ సింగ్, జస్మేర్ సింగ్, అమితోజ్ బజ్వా, సాహిబ్జోత్ సింగ్గా అధికారులు గుర్తించారు. వీరికి ఎక్స్టార్షన్ కార్యకలాపాలతో సంబంధాలు ఉన్నట్లు కెనడా అధికారులు పేర్కొన్నారు. కెనడాలో నివసిస్తూ ఎక్స్టార్షన్, వ్యవస్థీకృత నేరాలు వంటి కార్యకలాపాలకు పాల్పడుతున్నట్లు గుర్తించిన విదేశీయులపై CBSA చర్యలు తీసుకుంటోంది. ఇందుకోసం ఇతర ప్రభుత్వ సంస్థలు, పోలీసు విభాగాల నుంచి అందే సమాచారం, CBSA చేపట్టే దర్యాప్తులు, ప్రజల నుంచి వచ్చే సమాచారాన్ని కూడా అధికారులు పరిశీలిస్తున్నారు. CBSA తెలిపిన వివరాల ప్రకారం, ఈ ఏడాది ఇప్పటివరకు ఎక్స్టార్షన్ కార్యకలాపాలతో సంబంధం ఉన్న 111 మందిని కెనడా నుంచి బహిష్కరించారు. మరోవైపు, కెనడా ప్రస్తుతం దేశంలోని వలస నిబంధనలను పాటించని, అక్కడ కొనసాగేందుకు చట్టబద్ధమైన అనుమతి లేని వ్యక్తులపై కూడా విస్తృతంగా చర్యలు చేపడుతోంది. CBSA ప్రకారం, ప్రతి వారం సుమారు 400 మంది కెనడాలో ఉండేందుకు అర్హత లేని వ్యక్తులను దేశం నుంచి తొలగిస్తున్నారు. గత ఏడాది కెనడా మొత్తం 23,160 మంది అనుమతిలేని వ్యక్తులను దేశం నుంచి తొలగించింది. వారిలో సుమారు 1,010 మంది తీవ్రమైన నేరాలు, వ్యవస్థీకృత నేరాలు, జాతీయ భద్రతకు ముప్పు లేదా మానవ హక్కుల ఉల్లంఘనలకు సంబంధించిన కారణాలతో దేశంలో ఉండేందుకు అనర్హులుగా గుర్తించబడ్డారు. also read : అజాంగఢ్లో ఘోర రోడ్డు ప్రమాదం.. ముగ్గురు మృతి

Tag: #CBSA

Most Read

సికింద్రాబాద్ రైల్వే స్టేషన్‌లో రూ.60 లక్షల నకిలీ నోట్లు పట్టివేత

28 ఏళ్ల క్రితం హత్య చేసి పరారీ.. ఎట్టకేలకు పోలీసులకు చిక్కిన నిందితుడు

ఫోన్ ట్యాపింగ్ కేసులో హరీశ్ రావుకు మరో చిక్కు.. సిద్దిపేటలో కొత్తగా ఎఫ్‌ఐఆర్ నమోదు

రాప్తాడు విద్యార్థినిపై దాడి కేసులో కీలక పరిణామం.. నిందితుడిపై పోలీసుల కాల్పులు?

EDITOR PICKS

కెనడా నుంచి నలుగురు పంజాబీలు బహిష్కరణ.. కారణం ఇదే!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags