BreakingNews - Crime Mirror

క్రైమ్ మిర్రర్ : మహారాష్ట్రలోని ముంబై సమీప ప్రాంతమైన భీవండిలో గురువారం అర్ధరాత్రి చోటుచేసుకున్న భవన ప్రమాదం తీవ్ర విషాదాన్ని మిగిల్చింది. శిథిలావస్థలో ఉన్న నాలుగు అంతస్తుల నివాస భవనం ఒక్కసారిగా కుప్పకూలడంతో పలువురు శిథిలాల కింద చిక్కుకోగా, ఇప్పటివరకు 9 మంది మృతి చెందినట్లు అధికారులు వెల్లడించారు. పలువురు గాయపడగా, మరికొందరు శిథిలాల కింద చిక్కుకున్న అవకాశముండటంతో సహాయక చర్యలు కొనసాగుతున్నాయి. అధికారుల సమాచారం ప్రకారం.. ప్రమాదానికి గురైన భవనంలో మొత్తం నాలుగు అంతస్తులు ఉండగా, ప్రతి అంతస్తులో 12 గదుల చొప్పున మొత్తం 48 గదులు ఉన్నాయి. భవనం బలహీనంగా మారి ఎప్పుడైనా కూలిపోయే ప్రమాదం ఉందని మున్సిపల్ అధికారులు ముందుగానే గుర్తించారు. ఈ నేపథ్యంలో భవనానికి మరమ్మతులు చేపట్టేందుకు చర్యలు ప్రారంభించారు. గురువారం రాత్రి సుమారు 9 గంటల సమయంలో భవనం నుంచి పగుళ్లు ఏర్పడుతున్నట్లు, నిర్మాణ భాగాలు కూలిపోతున్నట్లు శబ్దాలు రావడంతో స్థానికులు వెంటనే అధికారులకు సమాచారం అందించారు. అప్రమత్తమైన అధికారులు ఘటనా స్థలానికి చేరుకుని భవనంలో నివసిస్తున్న కుటుంబాలను దశలవారీగా ఖాళీ చేయించడం ప్రారంభించారు. కొందరిని సురక్షిత ప్రాంతాలకు తరలించగా, ఇంకా మిగిలిన వారిని బయటకు తీసుకొస్తున్న సమయంలో రాత్రి సుమారు 11:30 గంటలకు భవనం ఒక్కసారిగా కుప్పకూలింది. సమాచారం అందుకున్న అగ్నిమాపక సిబ్బంది, విపత్తు నిర్వహణ బృందాలు, పోలీసులు భారీ యంత్రాలతో సహాయక చర్యలు చేపట్టారు. శిథిలాలను తొలగిస్తూ మృతదేహాలను వెలికితీసి, గాయపడిన వారిని సమీప ఆస్పత్రులకు తరలించారు. ఇంకా శిథిలాల కింద ఎవరైనా చిక్కుకుని ఉండే అవకాశం ఉన్నందున సహాయక చర్యలు కొనసాగుతున్నాయి. ఈ ఘటనపై అధికారులు దర్యాప్తు ప్రారంభించారు. భవనం కూలడానికి గల ఖచ్చితమైన కారణాలపై విచారణ కొనసాగుతుండగా, మృతుల సంఖ్య పెరిగే అవకాశం ఉందని అధికారులు తెలిపారు. ఈ విషాద ఘటన భీవండి ప్రాంతంలో తీవ్ర ఆందోళనకు దారితీసింది. also read : పెద్ది సుదర్శన్ రెడ్డి మృతి తీరని లోటు: హరీశ్రావు

Tag: BreakingNews

Most Read

లంచం తీసుకుంటూ ఏసీబీకి చిక్కిన ఇద్దరు ఉద్యోగులు

సచిన్ టెండూల్కర్ చారిత్రాత్మక రికార్డులకు జో రూట్ చెక్ పెట్టగలడా?

పెళ్లయిన నాలుగు నెలలకే భార్య హత్య

బాటసింగారంలో ఆర్టీసీ బస్సు బీభత్సం.. కారు, ఆటో ధ్వంసం..

EDITOR PICKS

బాధిత కుటుంబాన్ని బెదిరిస్తే ఊరుకోం : సుప్రీంకోర్టు కీలక వ్యాఖ్యలు

అమ్రాబాద్‌లో దారుణం.. తండ్రిని చంపి గోనెసంచిలో కట్టేసిన తల్లి, కుమారుడు

వంతెనపై అందరూ చూస్తుండగానే.. చీనాబ్ నదిలోకి దూకిన యువతి

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags