Bail cinema - Crime Mirror

ప్రముఖ కన్నడ నటుడు శివరాజ్ కుమార్కు తృటిలో ప్రమాదం తప్పింది. తన తాజా చిత్రం ‘బెయిల్’ ప్రమోషన్లో భాగంగా కర్ణాటకలోని చిత్రదుర్గలో పర్యటిస్తున్న సమయంలో ఈ ఘటన జరిగింది. అభిమానుల సందడి మధ్య థియేటర్లోకి వెళ్తున్న ఆయనకు అత్యంత సమీపంలో ఒక్కసారిగా బాణసంచా పేలడంతో కాసేపు అక్కడ ఉద్రిక్త పరిస్థితి నెలకొంది. చిత్రదుర్గలోని బసవేశ్వర థియేటర్కు శివరాజ్ కుమార్ చేరుకోగానే అభిమానులు పెద్ద సంఖ్యలో ఆయనకు స్వాగతం పలికేందుకు తరలివచ్చారు. ఈ క్రమంలో ఆయన థియేటర్లోకి ప్రవేశిస్తున్న సమయంలో అభిమానుల కోసం ఏర్పాటు చేసిన బాణసంచాలో ఓ టపాసు ఊహించని విధంగా ఆయన పక్కనే పేలింది. అకస్మాత్తుగా నిప్పురవ్వలు ఎగిసిపడటంతో శివరాజ్ కుమార్ అప్రమత్తమయ్యారు. వెంటనే తన ముఖం, తలను చేతులతో కప్పుకుని వాటి నుంచి తప్పించుకున్నారు. అదే సమయంలో భద్రతా సిబ్బంది ఆయన చుట్టూ చేరి రక్షణ కల్పించారు. ఈ ఘటనతో అక్కడున్న అభిమానులు ఒక్కసారిగా ఆందోళనకు గురయ్యారు. అయితే అదృష్టవశాత్తూ శివరాజ్ కుమార్కు ఎలాంటి గాయాలు కాలేదు. ప్రమాదం నుంచి బయటపడిన అనంతరం ఆయన కొద్దిసేపటికి సాధారణ స్థితికి వచ్చి ప్రమోషన్ కార్యక్రమంలో పాల్గొన్నారు. ఈ ఘటనకు సంబంధించిన దృశ్యాలు సోషల్ మీడియాలో వైరల్గా మారాయి. తమ అభిమాన నటుడికి ఇంత సమీపంలో బాణసంచా పేలడంపై పలువురు అభిమానులు ఆందోళన వ్యక్తం చేస్తున్నారు. సెలబ్రిటీల కార్యక్రమాల సమయంలో భద్రతా ఏర్పాట్లను మరింత కట్టుదిట్టం చేయాల్సిన అవసరం ఉందని కామెంట్లు చేస్తున్నారు. ఇటీవలే అనారోగ్య సమస్య నుంచి కోలుకున్న శివరాజ్ కుమార్ ప్రస్తుతం వరుస ప్రాజెక్టులతో బిజీగా ఉన్నారు. ముఖ్యంగా ‘జైలర్ 2’ సహా పలు క్రేజీ చిత్రాల్లో ఆయన నటిస్తున్నారు. ఈ నేపథ్యంలో చిత్రదుర్గ ఘటనకు సంబంధించిన వీడియోలు వైరల్ కావడంతో అభిమానుల్లో ఈ ఘటన చర్చనీయాంశంగా మారింది. also read: జైలర్ 2 సెన్సార్ పూర్తి.. రజినీకాంత్ మూవీ రన్టైమ్ ఎంతంటే?

Tag: Bail cinema

Most Read

అనంతబాబుకు సుప్రీంకోర్టులో షాక్.. బెయిల్ పిటిషన్ తిరస్కరణ

బెంగళూరులో భారీ పేలుడు.. ఫుట్‌పాత్‌పై వెళ్తున్న వ్యక్తికి గాయాలు

తిరుమల శ్రీవారి సన్నిధిలో తమన్నా.. ‘ఈరోజు దర్శనం ఎంతో ప్రత్యేకం’ అంటూ ఆసక్తికర వ్యాఖ్యలు

డ్రగ్స్‌ నుంచి యువతను రక్షించడమే లక్ష్యం- నారా లోకేశ్

EDITOR PICKS

శివరాజ్ కుమార్‌కు తృటిలో తప్పిన ప్రమాదం.. కళ్లముందే పేలిన బాణసంచా

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags