101 arrested - Crime Mirror

దేశవ్యాప్తంగా విస్తరిస్తున్న సైబర్ మోసాలపై తెలంగాణ సైబర్ సెక్యూరిటీ బ్యూరో కీలక చర్యలు చేపట్టింది. పలు రాష్ట్రాల్లో ఏకకాలంలో నిర్వహించిన ప్రత్యేక ఆపరేషన్లో మొత్తం 101 మందిని పోలీసులు అరెస్ట్ చేశారు. వీరిలో 18 మంది మహిళలు కూడా ఉన్నారు. నిందితుల ద్వారా సుమారు రూ.17 కోట్ల విలువైన మోసపూరిత లావాదేవీలు జరిగినట్లు దర్యాప్తులో గుర్తించినట్లు అధికారులు వెల్లడించారు. సెప్టెంబర్ 23 నుంచి రెండు వారాల పాటు ఈ మల్టీ-స్టేట్ ఆపరేషన్ కొనసాగింది. తెలంగాణతో పాటు కేరళ, ఆంధ్రప్రదేశ్, కర్ణాటక, తమిళనాడు, పుదుచ్చేరి ప్రాంతాల్లో ప్రత్యేక బృందాలు దాడులు నిర్వహించినట్లు సమాచారం. ఇతరుల బ్యాంక్ ఖాతాలే టార్గెట్ సైబర్ నేరగాళ్లు తమ పేర్లతో బ్యాంక్ ఖాతాలను ఉపయోగించకుండా, ఇతర వ్యక్తుల ఖాతాలను మోసపూరిత లావాదేవీలకు వినియోగించినట్లు పోలీసులు గుర్తించారు. ఇలాంటి ఖాతాలను సాధారణంగా ‘మ్యూల్ బ్యాంక్ అకౌంట్స్’గా పిలుస్తారు. మోసాల ద్వారా వచ్చిన డబ్బును ఈ ఖాతాల్లోకి జమ చేయడం, అనంతరం మరో ఖాతాకు బదిలీ చేయడం వంటి కార్యకలాపాలకు వీటిని ఉపయోగించినట్లు దర్యాప్తులో తేలింది. కమీషన్ కోసం బ్యాంక్ ఖాతాల ఏర్పాటు ఈ వ్యవహారంలో కొందరు ఏజెంట్లు కీలకంగా వ్యవహరించినట్లు అధికారులు గుర్తించారు. కమీషన్ తీసుకుని ఇతరుల బ్యాంక్ ఖాతాలను సైబర్ నేరగాళ్లకు అందించినట్లు దర్యాప్తులో బయటపడింది. ఇలా ఏర్పాటు చేసిన ఖాతాల ద్వారా నగదు ప్రవాహాన్ని గుర్తించడం కష్టమయ్యేలా నిందితులు వ్యవహరించినట్లు పోలీసులు అనుమానిస్తున్నారు. పలు రాష్ట్రాల్లో విస్తరించిన ఈ నెట్వర్క్పై తెలంగాణ సైబర్ సెక్యూరిటీ బ్యూరో ప్రత్యేక దృష్టి పెట్టింది. మోసపూరిత లావాదేవీలకు ఉపయోగించిన బ్యాంక్ ఖాతాలు, వాటి వెనుక ఉన్న వ్యక్తులు, ఏజెంట్ల పాత్రపై దర్యాప్తు కొనసాగుతోంది. సైబర్ నేరాల్లో తెలియకుండానే తమ బ్యాంక్ ఖాతాలను ఇతరులకు ఇచ్చే వ్యక్తులు కూడా చట్టపరమైన ఇబ్బందులు ఎదుర్కొనే అవకాశం ఉన్నందున ప్రజలు అప్రమత్తంగా ఉండాలని అధికారులు సూచిస్తున్నారు. also read: విజయవాడలో దారుణ హత్య.. యువతిని కత్తితో పొడిచి చంపిన వ్యక్తి

Tag: 101 arrested

Most Read

హైదరాబాద్‌లో బైక్ స్టంట్లతో రెచ్చిపోయిన యువకులు.. ముగ్గురి అరెస్ట్

నానా పటేకర్ మృతి.. తీవ్ర భావోద్వేగంలో రామ్ గోపాల్ వర్మ

24 ఏళ్ల క్రితం చనిపోయిన వ్యక్తి పేరుతో భార్య ఓటు తొలగింపునకు దరఖాస్తు…

రామాయణ నిర్మాత నమిత్ మల్హోత్రాపై ఐటీ దాడులు.. ప్రైమ్ ఫోకస్ షేర్లకు భారీ దెబ్బ

EDITOR PICKS

మల్టీ-స్టేట్ సైబర్ ఆపరేషన్.. 18 మంది మహిళలు సహా 101 మంది అరెస్ట్

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags