నోయిడా ఆందోళ‌న‌లు హింసాత్మ‌కం...!

ఉత్తరప్రదేశ్, క్రైమ్ మిర్రర్: వేతనాలు పెంపు, 8గంటల పని కోసం నిన్న(సోమవారం) కార్మికులు చేపట్టిన నిరసనలు హింసాత్మకంగా మారాయి. ఈ సందర్భంగా నోయిడాలోని పలు ప్రాంతాల్లో హింసాత్మక ఘటనలకు పాల్పడిన 300 మంది కార్మికులను అరెస్టు చేశారు. మరో వంద మందిని విచారణ నిమిత్తం అదుపులోకి తీసుకున్నారు.. నోయిడాలోని ఫేజ్-2, సెక్టార్ 60, సెక్టార్ 62, సెక్టార్ 84 సహా పలు ప్రాంతాల్లో కార్మికులు ఆందోళనకు దిగారు. పలు వాహనాలను తగులపెట్టి.. భద్రతా సిబ్బందిపై రాళ్లు రువ్వారు. జాతీయ రహదారి -9 సహా పలు రోడ్లను దిగ్బంధించారు. దీంతో నోయిడా- ఢిల్లీ సరిహద్దుల్లో తీవ్ర ట్రాఫిక్ సమస్య తలెత్తెంది. నిరసనకారులను చెదరగొట్టేందుకు పోలీసులు బాష్పవాయువులు సైతం ప్రయోగించారు. దీంతో రాష్ట్రంలో అల్లకల్లోలంగా మారింది. పాకిస్తాన్ ఉగ్రవాదులతో సంబంధాలు ఉన్నాయేమో... హింసాత్మక సంఘటనల సందర్భంగా ఉత్తర ప్రదేశ్ కార్మికశాఖ మంత్రి అనిల్ రాజ్భర్ స్పందించారు. ఈ దాడికి ముందస్తు ప్రణాళిక ప్రకారమే చేశారని ఆరోపించారు. పాకిస్థాన్ ఉగ్రవాదులతో సంబంధాలున్నాయనే ఆరోపణలపై ఇటీవల నోయిడా, మీరట్లలో నలుగురు అనుమానితులు అరెస్టయిన విషయాన్ని ఈ సందర్భంగా మంత్రి గుర్తు చేశారు.నిన్నటి దాడికి పాకిస్థాన్తో సంబంధం ఉందేమోనని ఆయన అనుమానం వ్యక్తం చేశారు. ఆ కోణంలో అధికారులు దర్యాప్తు చేస్తున్నారని పేర్కొన్నారు.రాష్ట్రంలో అస్థిరతను సృష్టించేందుకు దేశ వ్యతిరేక శక్తులు ప్రయత్నిస్తున్నాయని మంత్రి ఆరోపించారు. ముజఫర్నగర్లో ముఖ్యమంత్రి యోగి ఆదిత్యనాథ్ కార్యక్రమానికి అంతరాయం కలిగించే కుట్రలో భాగంగానే ఈ అల్లర్లు జరిగి ఉండొచ్చని అనుమానం వ్యక్తం చేశారు.

Tag: నోయిడా ఆందోళ‌న‌లు హింసాత్మ‌కం...!

Most Read

ఇదేంట్రా బాబు.. థియేటర్లలో అట్టర్ ప్లాప్.. ఓటీటీలో రచ్చ రచ్చ

చీమకు ఎన్ని పళ్లు ఉంటాయో మీకు తెలుసా..?

అప్పు తీసుకొని ఎగ్గొట్టారని బాధపడకండి.. ఇలా చేస్తే

ఏపీ ప్రభుత్వం సూపర్ న్యూస్.. పెన్షన్ల విధానంలో మార్పులు

EDITOR PICKS

నోయిడా ఆందోళ‌న‌లు హింసాత్మ‌కం…!

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending