లైఫ్ స్టైల్

ఎల్ఆర్ఎస్ కోసం ఎదురుచూపులు.. పాటింపులేని అధికారులు..! లక్షలు లక్షలు చెల్లించి ఏళ్లు గడుస్తున్నా అందని ఎల్ఆర్ఎస్.. అన్నీ ఉన్నా అల్లుని నోట్లో శని అన్నట్లుగా ప్రజల పరిస్థితి..! అధికారుల చుట్టూ తిరిగి తిరిగి అనారోగ్యం పాలవుతున్న జనం బడంగ్పేట్ మున్సిపల్ కార్పొరేషన్ అధికారుల తీరుపై తీవ్ర అసంతృప్తి క్రైమ్ మిర్రర్,తెలంగాణ స్టేట్ బ్యూరో: ప్రభుత్వం తీసుకొచ్చిన లేఅవుట్ రెగ్యులరైజేషన్ స్కీమ్ (LRS) ద్వారా తమ భూములు క్రమబద్ధీకరించబడతాయని ఆశించిన పలువురు ప్రజలకు ఏళ్లు గడుస్తున్నా ఎదురుచూపులు తప్పడం లేదనే ఆవేదన వ్యక్తమవుతోంది. ఎల్ఆర్ఎస్ కోసం దరఖాస్తు చేసుకున్న ప్రజలు, ప్రభుత్వం సూచించిన విధంగా అవసరమైన ఫీజులు, ఇతర చెల్లింపులు చేసినప్పటికీ తమకు ఇప్పటివరకు ప్రొసీడింగ్స్ అందలేదని కొందరు వాపోతున్నారు. లక్షల రూపాయలు చెల్లించి, ఏళ్ల తరబడి అధికారుల కార్యాలయాల చుట్టూ తిరగాల్సిన పరిస్థితి ఎందుకు వచ్చిందని వారు ప్రశ్నిస్తున్నారు. డబ్బులు కట్టాం.. ఇంకా ఎందుకు ఎదురుచూడాలి? ఎల్ఆర్ఎస్ ప్రక్రియలో భాగంగా తమకు సంబంధించిన చెల్లింపులు పూర్తయినప్పటికీ, తదుపరి ప్రక్రియ ఏమిటో, తమ దరఖాస్తు ఏ దశలో ఉందో స్పష్టమైన సమాచారం అందడం లేదని కొందరు దరఖాస్తుదారులు చెబుతున్నారు. ఒకవైపు చెల్లింపులు పూర్తయ్యాయి.. మరోవైపు రికార్డులు, పత్రాలు అందుబాటులో ఉన్నాయి.. అయినప్పటికీ ఎల్ఆర్ఎస్ ప్రక్రియ ముందుకు సాగకపోవడంతో ప్రజలు తీవ్ర ఇబ్బందులు పడుతున్నారని ఆవేదన వ్యక్తం చేస్తున్నారు. అధికారుల చుట్టూ తిరగడమే పనిగా మారిందా? ఎల్ఆర్ఎస్ స్థితిగతులు తెలుసుకునేందుకు మున్సిపల్ కార్యాలయానికి వెళ్లడం, సంబంధిత అధికారులను కలవడం, మళ్లీ రావాలని చెప్పడంతో తిరిగి వెళ్లడం వంటి పరిస్థితులు ఎదురవుతున్నాయని బాధితులు చెబుతున్నారు. “మా డబ్బులు చెల్లించాం.. మా పత్రాలు ఇచ్చాం.. మరి మా ఫైల్ ఏ దశలో ఉంది?” అని వారు ప్రశ్నిస్తున్నారు. సమాచారం కోసం కార్యాలయాల చుట్టూ తిరుగుతూ సమయం, డబ్బు వృథా కావడంతో పాటు, వయసు పైబడిన వారు మరియు అనారోగ్యంతో ఉన్నవారు మరింత ఇబ్బందులు పడుతున్నారని బాధితులు ఆవేదన వ్యక్తం చేస్తున్నారు. అన్ని ఉన్నా.. ఎల్ఆర్ఎస్ మాత్రం ఎందుకు రావడం లేదు? అవసరమైన పత్రాలు సమర్పించి, అధికారికంగా చెల్లింపులు చేసిన దరఖాస్తుదారులకు తమ దరఖాస్తుల ప్రస్తుత స్థితిని స్పష్టంగా తెలియజేయాల్సిన బాధ్యత సంబంధిత అధికారులపై ఉందని ప్రజలు అంటున్నారు. తమ ఫైళ్లు పెండింగ్లో ఉంటే ఎందుకు పెండింగ్లో ఉన్నాయి? ఏ అధికారి వద్ద ఉన్నాయి? ఇంకా ఏ పత్రాలు కావాలి? తదుపరి చర్య ఏమిటి? అనే విషయాలను లిఖితపూర్వకంగా తెలియజేయాలని వారు కోరుతున్నారు. బడంగ్పేట్ అధికారుల తీరుపై ప్రశ్నలు బడంగ్పేట్ మున్సిపల్ కార్పొరేషన్ పరిధిలో ఎల్ఆర్ఎస్ దరఖాస్తులపై పెండింగ్ సమస్యలు ఉంటే వాటిని అధికారులు గుర్తించి పరిష్కరించాల్సిన అవసరం ఉందని ప్రజలు కోరుతున్నారు. ఏళ్ల తరబడి పెండింగ్లో ఉన్న దరఖాస్తులను ఎప్పుడు పరిష్కరిస్తారు? చెల్లింపులు పూర్తయిన దరఖాస్తుదారులకు ఎల్ఆర్ఎస్ ప్రొసీడింగ్స్ ఎప్పుడు ఇస్తారు? దరఖాస్తుల స్థితిగతులను ప్రజలకు పారదర్శకంగా ఎందుకు తెలియజేయడం లేదు? పెండింగ్కు అసలు కారణం ఏమిటి? అనే ప్రశ్నలకు అధికారులు సమాధానం ఇవ్వాల్సి ఉంది. ప్రజల ఆవేదనకు పరిష్కారం ఎప్పుడు? ప్రజలు సంవత్సరాల తరబడి ఎదురుచూడకుండా, పెండింగ్లో ఉన్న ఎల్ఆర్ఎస్ దరఖాస్తులను అధికారులు ప్రత్యేకంగా పరిశీలించి, అర్హత ఉన్న దరఖాస్తులకు నిబంధనల ప్రకారం త్వరితగతిన ప్రొసీడింగ్స్ జారీ చేయాలని బాధితులు కోరుతున్నారు. అధికారుల చుట్టూ తిరిగే పరిస్థితికి ముగింపు పలికి, ఎల్ఆర్ఎస్ దరఖాస్తుల ప్రస్తుత స్థితి, పెండింగ్కు కారణాలు, పరిష్కారానికి తీసుకుంటున్న చర్యలను ప్రజలకు స్పష్టంగా తెలియజేయాలని వారు విజ్ఞప్తి చేస్తున్నారు. ప్రజల సమస్యను అధికారులు ఎంత త్వరగా పరిష్కరిస్తారో చూడాలి. — పూర్తి వివరాలు, బాధితుల వద్ద ఉన్న పత్రాలు మరియు అధికారిక రికార్డులతో తదుపరి కథనంలో..

లైఫ్ స్టైల్

చిత్రపురి కాలనీలో ఆరు అంతస్తుల అక్రమ నిర్మాణం..!?

81 మందితో మోడీ టీం…!

దక్షిణాదిన నీరుగారిన ‘కాక్రోచ్’…!

ఆ ఇద్దరికీ అగ్నిపరీక్ష…!

గ్రేటర్ ఎవరిది…?

Most Read

బతుకమ్మ ఆడబిడ్డల ఆత్మగౌరవానికి ప్రతీక: మాజీ డీసీసీ అధ్యక్షురాలు సురేఖ

‘రామాయణం’పై రాజమౌళి ప్రశంసలు.. నవంబర్ 5 కోసం ఎదురుచూస్తున్నా అంటూ పోస్ట్!

ఏఐ ఫేక్ వీడియోలపై నేహా శర్మ ఫైర్.. నా ఫొటోలు వాడితే ఊరుకోను!

భర్త హత్యకు భార్య కుట్ర.. ప్రియుడితో కలిసి నిద్రలో ఉన్న భర్తపై కత్తితో దాడి!

EDITOR PICKS

బతుకమ్మ ఆడబిడ్డల ఆత్మగౌరవానికి ప్రతీక: మాజీ డీసీసీ అధ్యక్షురాలు సురేఖ

‘రామాయణం’పై రాజమౌళి ప్రశంసలు.. నవంబర్ 5 కోసం ఎదురుచూస్తున్నా అంటూ పోస్ట్!

ఏఐ ఫేక్ వీడియోలపై నేహా శర్మ ఫైర్.. నా ఫొటోలు వాడితే ఊరుకోను!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags