సినిమా

పాన్ ఇండియా స్థాయిలో గుర్తింపు పొందిన స్టార్ హీరోయిన్ అనుష్క శెట్టి ప్రస్తుతం సినిమాల ఎంపికలో ఎంతో జాగ్రత్తగా ముందుకు సాగుతోంది. వరుసగా సినిమాలు చేయకుండా, కథలో కొత్తదనం ఉన్న ప్రాజెక్టులను మాత్రమే ఎంచుకుంటూ ప్రేక్షకులను ఆకట్టుకునే ప్రయత్నం చేస్తోంది. ముఖ్యంగా బాహుబలి సినిమాతో దేశవ్యాప్తంగా అపారమైన క్రేజ్ సంపాదించిన అనుష్క, ఆ తర్వాత మాత్రం తన సినిమాల వేగాన్ని తగ్గించింది. ఇటీవల ఆమె నటించిన “ఘాటీ” చిత్రం మంచి అంచనాల మధ్య విడుదలైనప్పటికీ, ఆశించిన స్థాయిలో ప్రేక్షకులను మెప్పించలేకపోయింది. ప్రస్తుతం ఆమె ఒక మలయాళ చిత్రంలో నటిస్తూ మళ్లీ ప్రేక్షకుల ముందుకు రావడానికి సిద్ధమవుతోంది. ఈ క్రమంలో అనుష్కకు సంబంధించిన ఒక ఆసక్తికరమైన విషయం తాజాగా వెలుగులోకి వచ్చింది. ప్రముఖ యువ హీరో అడవి శేష్ ఇచ్చిన వ్యాఖ్యలు ఇప్పుడు చర్చనీయాంశంగా మారాయి. ఆయన మాట్లాడుతూ.. తాను ఒకసారి అనుష్కను కాలితో తన్నానని చెప్పడం అందరినీ ఆశ్చర్యానికి గురి చేసింది. ప్రస్తుతం వరుస విజయాలతో దూసుకుపోతున్న అడవి శేష్, విభిన్న కథలను ఎంచుకుంటూ తనకంటూ ప్రత్యేక గుర్తింపు తెచ్చుకుంటున్నాడు. ఇక ఆయన నటిస్తున్న తాజా చిత్రం డెకాయిట్ త్వరలో ప్రేక్షకుల ముందుకు రానుంది. ఈ సినిమా ప్రమోషన్స్లో భాగంగా ఇచ్చిన ఒక ఇంటర్వ్యూలో అడవి శేష్, బాహుబలి షూటింగ్ రోజులను గుర్తు చేసుకున్నారు. ఆ సినిమాలో ఆయన చిన్న పాత్రలో, భల్లాలదేవుడి కుమారుడిగా కనిపించాడు. ఒక సన్నివేశంలో ఖైదీగా ఉన్న అనుష్కను కట్టెతో తట్టి నిద్రలేపే సీన్ ఉందని తెలిపారు. ఆ సన్నివేశం గురించి మాట్లాడుతూ, మొదట తాను జాగ్రత్తగా చేయాలని ప్రయత్నించినప్పటికీ, దర్శకుడు ఎస్.ఎస్. రాజమౌళి గట్టిగా చేయాలని సూచించడంతో కొంత బలంగా చేయాల్సి వచ్చిందని చెప్పారు. ఈ సందర్భంగా శేష్ మాట్లాడుతూ.. ఆ సీన్లో తన చర్య వల్ల అనుష్కకు స్వల్పంగా గాయమై, మెడ నొప్పి వచ్చినట్లు తెలిపారు. వెంటనే ఆమెను అడిగి క్షమాపణ చెప్పినట్లు కూడా చెప్పారు. అయితే అనుష్క చాలా సహనంతో స్పందించి, ఎలాంటి ఇబ్బంది లేదని చెప్పిందని గుర్తుచేశారు. ఈ ఘటన ఇప్పుడు సోషల్ మీడియాలో వైరల్ అవుతూ, అభిమానుల్లో ఆసక్తి రేకెత్తిస్తోంది. ALSO READ: అడవి కోడితో అంత ఈజీ కాదు గురూ..

తల్లి మరణం తర్వాత అజిత్ తీసుకున్న నిర్ణయం తెలిస్తే షాక్!

దూత 2 ప్రారంభం.. నాగార్జున క్లాప్‌తో రెండో సీజన్‌కు శ్రీకారం

ఆ ఇద్దరు హీరోలతో నటించాలని ఉంది.. రంభ మనసులోని మాటలు..