సినిమా

హైదరాబాద్,క్రైమ్మిర్రర్: ఆర్ కె ఫిలిమ్స్, సిగ్ధ క్రియేషన్స్ బ్యానర్లపై డా. ప్రతాని రామకృష్ణ గౌడ్ దర్శకత్వం వహించి నిర్మించిన చిత్రం “ఆర్ కే దీక్ష”. డి.ఎస్ రెడ్డి సమర్పణలో రూపొందిన ఈ చిత్రంలో ఢీ, జోడి ఫేమ్ అక్స ఖాన్, అలేఖ్య రెడ్డి హీరోయిన్లుగా నటించగా, కిరణ్ హీరోగా కనిపించనున్నారు. తులసి, అనూష, కీర్తన, ప్రవల్లిక, రోహిత్ శర్మ తదితరులు కీలక పాత్రలు పోషించారు. తాజాగా ఈ సినిమా సెన్సార్ కార్యక్రమాలు పూర్తి చేసుకుని జూన్ 12న గ్రాండ్ థియేట్రికల్ రిలీజ్కు సిద్ధమవుతోంది. ఈ సందర్భంగా చిత్ర యూనిట్ ప్రెస్ మీట్ నిర్వహించింది. దర్శక నిర్మాత డా. ప్రతాని రామకృష్ణ గౌడ్ మాట్లాడుతూ “మా ‘ఆర్ కే దీక్ష’ సినిమా సెన్సార్ కార్యక్రమాలు పూర్తయ్యాయి. యాక్షన్ సన్నివేశాలు ఎక్కువగా ఉండటంతో సెన్సార్ వారు ‘ఏ’ సర్టిఫికెట్ జారీ చేశారు. పెద్దగా కట్స్ లేకుండా సర్టిఫికెట్ ఇచ్చిన అధికారులకు ధన్యవాదాలు. ఈ సినిమా చాలా బాగా వచ్చింది. దీక్ష, పట్టుదలతో ప్రయత్నిస్తే ఏదైనా సాధించగలమనే కాన్సెప్ట్తో హీరో పాత్రను తీర్చిదిద్దాం. హీరో కిరణ్ ఈ సినిమాతో మంచి గుర్తింపు తెచ్చుకుంటారు. ఆయన భీముని పాత్రలో చెప్పిన వన్ మినిట్ నాన్ స్టాప్ డైలాగ్ హైలైట్ అవుతుంది. అక్స ఖాన్ ఈ చిత్రంలో డ్యాన్సర్ పాత్రలో కనిపిస్తుంది. ఆమెపై తెరకెక్కించిన ‘నంది నంది’ పాట ప్రేక్షకులను ఆకట్టుకుంటుంది. రోహిత్ శర్మ నెగిటివ్ రోల్లో నటించారు. అలేఖ్య రెడ్డి, అక్స ఖాన్ కాంబినేషన్లో తులసి మంచి పాత్ర చేశారు. సంగీత దర్శకుడు రాజ్ కిరణ్ అద్భుతమైన పాటలు అందించారు. మన వీర జవాన్ల గొప్పతనాన్ని తెలియజేసే పాటను మధుప్రియ ఆలపించారు. త్వరలోనే ఆడియో విడుదల చేస్తాం. మంచి కథను నమ్మి ఎక్కడా రాజీ పడకుండా ఈ సినిమాను నిర్మించాం. జూన్ 12న ప్రేక్షకుల ముందుకు తీసుకొస్తున్నాం. ఈ సినిమా తర్వాత మహిళా కబడ్డీ నేపథ్యంలో మరో చిత్రాన్ని ప్రారంభిస్తాం” అన్నారు. హీరో కిరణ్ మాట్లాడుతూ “నేను ఇప్పటికే పలు చిత్రాల్లో నటించాను. ప్రస్తుతం మూడు పాన్ ఇండియా సినిమాలు చేస్తున్నాను. ‘ఆర్ కే దీక్ష’లో నటించడం ఆనందంగా ఉంది. ఇందులో పర్ఫార్మెన్స్కు మంచి స్కోప్ ఉన్న పాత్రలో కనిపిస్తాను. చిన్నప్పటి నుంచి దీక్షగా సినిమా ఇండస్ట్రీలో స్థిరపడాలని ప్రయత్నిస్తున్నాను. ఈ సినిమాలో కూడా అలాంటి పాత్రనే దర్శకుడు ఇచ్చారు. భీముని పాత్రలో చెప్పిన వన్ మినిట్ డైలాగ్ తర్వాత వచ్చే ఫైట్ సీన్ ప్రేక్షకులకు నచ్చుతుంది. యాక్షన్, రొమాన్స్, కామెడీ ఇలా అన్ని అంశాలు ఉన్న మా సినిమాను అందరూ ఆదరించాలి” అన్నారు. హీరోయిన్ అక్స ఖాన్ మాట్లాడుతూ – “ఈ చిత్రంలో నేను డ్యాన్సర్ పాత్రలో నటిస్తున్నాను. నిజ జీవితంలో కూడా డ్యాన్సర్ను కావడంతో ఈ పాత్రకు బాగా కనెక్ట్ అయ్యాను. ‘నంది నంది’ పాట చాలా ప్రత్యేకంగా ఉంటుంది. మంచి ఫైట్స్ కూడా సినిమాలో ఉన్నాయి. నాకు ఈ అవకాశం ఇచ్చిన రామకృష్ణ గౌడ్ గారికి ధన్యవాదాలు. నా కోస్టార్ కిరణ్ ఎంతో ప్యాషన్తో పనిచేశారు. ఆయనకు మంచి భవిష్యత్తు ఉండాలి. జూన్ 12న మా సినిమా విడుదలవుతోంది. అందరూ చూసి సపోర్ట్ చేయాలి” అన్నారు.

అజయ్ దేవ్‌గణ్‌కు బీఎంసీ షాక్.. బంగ్లాలో నిర్మాణ పనులు నిలిపివేత

అపోలో హాస్పిటల్స్‌లో ఉపాసనకు బిగ్ రెస్పాన్సిబిలిటీ.. ‘డైరెక్టర్-ప్రాజెక్ట్స్’గా నూతన బాధ్యతలు!

డ్యాన్సర్స్ అసోసియేషన్‌లో కీలక పరిణామం.. సుమలత కార్యవర్గం రద్దు

సిగ్మా ప్రీ రిలీజ్‌కు మెగాస్టార్.. సందీప్ కిషన్ సినిమాకు భారీ హైప్

హెల్మెట్‌ పెట్టుకోవడం వల్లే నా ప్రాణం నిలిచింది.. సాయి ధరమ్‌ తేజ్‌ ఎమోషనల్ పోస్ట్

Most Read

ఇండియా కూటమిలోకి జగన్…!

జార్ఖండ్‌ లో భారీ బ్యాంకు దోపిడీ.. రూ.36 కోట్ల బంగారం, రూ.43 లక్షల నగదు అపహరణ

మేయర్ గా వంగవీటి…! టీడీపీ అధిష్టానం గ్రీన్ సిగ్నల్…

ముగ్గురు మైనర్ కుమార్తెలపై తండ్రి లైంగిక వేధింపులు.. పోలీసుల అదుపులో నిందితుడు

EDITOR PICKS

ఇండియా కూటమిలోకి జగన్…!

జార్ఖండ్‌ లో భారీ బ్యాంకు దోపిడీ.. రూ.36 కోట్ల బంగారం, రూ.43 లక్షల నగదు అపహరణ

మేయర్ గా వంగవీటి…! టీడీపీ అధిష్టానం గ్రీన్ సిగ్నల్…

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags