హైదరాబాద్, క్రైమ్మిర్రర్: ప్రేమగా మొదలైన పరిచయం చివరికి ప్రాణాంతక ఘటనగా మారింది. ఈ విషాద సంఘటన పంజాబ్ లోని మొహాలీలో వెలుగు చూసింది. ప్రేమ సంబంధాన్ని ముగించాలనే యువతి నిర్ణయాన్ని అంగీకరించలేని యువకుడు, కోపోద్రిక్తుడై ఆమెపై కత్తితో దాడి చేసి హత్య చేయడం స్థానికంగా కలకలం రేపింది. ఈ ఘటన మరోసారి ప్రేమ పేరుతో పెరుగుతున్న హింసపై ఆందోళనలు రేకెత్తిస్తోంది.
యువతి, యువకుడు కొంతకాలంగా పరిచయం పెంచుకుని సన్నిహితంగా ఉన్నారు. అయితే కాలక్రమంలో వారి మధ్య విభేదాలు పెరిగాయి. వ్యక్తిగత కారణాలతో ఈ సంబంధాన్ని కొనసాగించడం ఇష్టంలేదని యువతి స్పష్టంగా తెలిపింది. తన నిర్ణయాన్ని గౌరవించాలని చెప్పి అతనితో దూరంగా ఉండాలని ప్రయత్నించింది.
కానీ యువకుడు మాత్రం ఈ నిర్ణయాన్ని అంగీకరించలేదు. పలుమార్లు ఆమెను సంప్రదించి తిరిగి కలవాలని ఒత్తిడి తీసుకొచ్చినట్లు సమాచారం. తనతో మళ్లీ సంబంధం కొనసాగించాలనే పట్టుదలతో ఉన్న అతను, యువతి నిరాకరణను తట్టుకోలేక ఆవేశానికి లోనయ్యాడు. ఈ క్రమంలోనే ఘోర నిర్ణయం తీసుకున్నట్లు తెలుస్తోంది. ఘటన జరిగిన రోజున, మాట్లాడుకోవాలనే పేరుతో యువతి డింపుల్ ని ప్రియుడు హార్జిందర్ సింగ్ మాన్… ఆమె పని చేస్తున్న చోటికి వెళ్లి కలిశాడు. అక్కడ ఇద్దరి మధ్య మళ్లీ వాగ్వాదం జరిగింది. మాటల యుద్ధం కాస్తా తీవ్రంగా మారడంతో, ముందే సిద్ధంగా తెచ్చుకున్న కత్తితో యువతిపై దాడి చేశాడు. వరుసగా కత్తిపోట్లకు గురైన ఆమె అక్కడికక్కడే కుప్పకూలింది. తీవ్ర గాయాలతో ఆమె ప్రాణాలు కోల్పోయింది.
దాడి అనంతరం నిందితుడు పారిపోవడానికి చూస్తే, ఆఫీస్ స్టాప్ పట్టుకున్నారు. దీంతో హర్జిందర్ సైతం ఆత్మహత్య చేసుకోడానికి ప్రయత్నించాడు. సమాచారం అందుకున్న పోలీసులు వెంటనే సంఘటన స్థలానికి చేరుకుని కేసు నమోదు చేసి దర్యాప్తు ప్రారంభించారు. మృతదేహాన్ని పోస్టుమార్టం కోసం తరలించి, కుటుంబ సభ్యులకు సమాచారం అందించారు.
ఈ ఘటనతో బాధితురాలి కుటుంబం తీవ్ర విషాదంలో మునిగిపోయింది. సమాజంలో ఇలాంటి సంఘటనలు పెరుగుతున్న నేపథ్యంలో, యువతలో భావోద్వేగ నియంత్రణ, పరస్పర గౌరవం ఎంత ముఖ్యమో మరోసారి గుర్తుచేస్తోంది. తిరస్కారాన్ని అంగీకరించలేక హింసకు దిగడం ఎంత ప్రమాదకరమో స్పష్టమవుతోంది. ప్రేమ అనేది బలవంతం కాదని, ఒకరి నిర్ణయాన్ని మరొకరు గౌరవించడం అవసరమని నిపుణులు చెబుతున్నారు. కుటుంబాలు, విద్యాసంస్థలు కలిసి యువతకు సరైన దిశానిర్దేశం చేయాల్సిన అవసరం మరింతగా పెరిగిం
