తూర్పుగోదావరి జిల్లాలోని గోపాలపురం మండలం కుమ్మరికుంట కాలనీలో తీవ్ర విషాదకర ఘటన చోటుచేసుకుంది. ఇంటి వద్ద దుస్తులు ఆరేస్తుండగా విద్యుత్‌ షాక్‌కు గురై భార్యాభర్తలు ప్రాణాలు కోల్పోయారు. ఈ ప్రమాదంతో స్థానికంగా విషాదఛాయలు అలుముకున్నాయి.
వివరాల్లోకి వెళ్తే.. కుమ్మరికుంట కాలనీకి చెందిన పెంటబోయిన పెద్ద బంగారయ్య (57), ఆయన భార్య అప్పల నరసమ్మ (53) దుస్తులు ఆరేస్తున్న సమయంలో ప్రమాదవశాత్తూ విద్యుత్‌ తీగలు తగిలినట్లు సమాచారం. ఈ క్రమంలో నరసమ్మ విద్యుదాఘాతానికి గురయ్యారు. ఆమెను ప్రమాదం నుంచి కాపాడేందుకు ప్రయత్నించిన భర్త బంగారయ్య కూడా విద్యుత్‌ షాక్‌కు గురయ్యారు.
ఈ ఘటనలో ఇద్దరూ మృతి చెందినట్లు సమాచారం. ఒకరిని కాపాడే ప్రయత్నంలో మరొకరు కూడా ప్రాణాలు కోల్పోవడంతో కుటుంబ సభ్యులు, స్థానికులు తీవ్ర దిగ్భ్రాంతికి గురయ్యారు. ఒకే కుటుంబంలో ఇద్దరు మృతి చెందడంతో కాలనీలో విషాద వాతావరణం నెలకొంది.
also read: ఢిల్లీలో దారుణం.. వివాహేతర సంబంధాన్ని ప్రశ్నించిన భర్తపై కత్తితో దాడి!