మిర్యాలగూడ మున్సిపల్ చైర్మన్ బీసీ మహిళ కి కేటాయించాలి

• మిర్యాలగూడ మున్సిపల్ చైర్మన్ బీసీ మహిళ కి కేటాయించాలి

• మిర్యాలగూడ ఎమ్మెల్యే కు వినతి పత్రం అందజేత

• బీసీ యువజన సంఘం రాష్ట్ర అధ్యక్షులు తిరుమలగిరి అశోక్

క్రైమ్ మిర్రర్, మిర్యాలగూడ: నల్గొండ జిల్లా, మిర్యాలగూడ మున్సిపల్ చైర్మన్ జనరల్ మహిళకు రిజర్వు అయినా సందర్భంగా బీసీ మహిళలకు కేటాయించాలని బీసీ యువజన సంఘం రాష్ట్ర అధ్యక్షులు తిరుమలగిరి అశోక్ మిర్యాలగూడ శాసనసభ్యులు బత్తుల లక్ష్మారెడ్డి కి శనివారం మిర్యాలగూడ లోని ఎమ్మెల్యే కార్యాలయంలో వినతి పత్రం అందచేశారు.

ఈ సందర్భంగా తిరుమలగిరి అశోక్ మాట్లాడుతూ.. మిర్యాలగూడ మున్సిపల్ చైర్మన్ పీఠం నేటి వరకు బీసీలకు దక్కకపోవడం బాధాకరం మిర్యాలగూడ నియోజకవర్గంలో అత్యధిక జనాభా కలిగిన బీసీలకు సముచిత స్థానం దక్కడం లేదని ఆయన ఆవేదన వ్యక్తం చేశారు.

కాబట్టి ఈసారి మిర్యాలగూడ మున్సిపల్ చైర్మన్ పీఠం బీసీలకు కేటాయించాలని ఎమ్మెల్యే గారిని కోరడం జరిగిందని ఆయన అన్నారు ఈ కార్యక్రమంలో పోలగాని వెంకటేష్ గౌడ్, బోయపల్లి రవీందర్ గౌడ్, ఎర్రబెల్లి గంగాధర్, రాంబాబు తదితరులు పాల్గొన్నారు.