Telangana politics: తెలంగాణ రాజకీయాల్లో బీఆర్ఎస్ పరిస్థితి గత కొంతకాలంగా గణనీయంగా మారిపోయిందనే అభిప్రాయం వ్యక్తమవుతోంది. ఒకప్పుడు రాష్ట్రంలో శక్తివంతమైన పార్టీగా బలమైన ఆర్థిక వనరులు సమకూర్చుకున్న బీఆర్ఎస్.. ఇప్పుడు నిధుల కొరతతో సతమతమవుతోందని రాజకీయ వర్గాల్లో చర్చ సాగుతోంది. ముఖ్యంగా గత ఆర్థిక సంవత్సరం వరకు రూ.580 కోట్లకు పైగా డొనేషన్లు అందుకున్న ఈ పార్టీకి, ప్రస్తుత సంవత్సరంలో మాత్రం కేవలం రూ.15 కోట్ల వరకే విరాళాలు చేరినట్టు సమాచారం. ఈ భారీ తగ్గుదల పార్టీ ఆర్థిక వ్యవస్థపై గణనీయమైన ప్రభావం చూపుతోందని పలువురు చెబుతున్నారు.
అసెంబ్లీ ఎన్నికల్లో పరాజయం, జూబ్లీహిల్స్ ఉపఎన్నికలో తక్కువ మెజార్టీతో ఓటమి, పార్టీ అధినేత కేసీఆర్ ప్రజల్లో పెద్దగా కనిపించకపోవడం వంటి అంశాలు బీఆర్ఎస్‌పై ప్రజల్లో ప్రతికూల వాతావరణం సృష్టించాయని అనేక విశ్లేషకుల అభిప్రాయం. అదనంగా కవితపై వచ్చిన ఆరోపణలు, పార్టీ భవిష్యత్ దిశపై వచ్చిన రూమర్లు, బీజేపీలో విలీనం అవుతుందన్న ఊహాగానాలు కూడా బీఆర్ఎస్ ఇమేజ్‌ను దెబ్బతీశాయని అంటున్నారు. ఈ పరిణామాలన్నీ కలిసి విరాళాల ప్రవాహంపై నేరుగా ప్రభావం చూపినట్టు తెలుస్తోంది.
ఒకప్పుడు దేశవ్యాప్తంగా పెద్ద మొత్తంలో ఫండ్లు సేకరించిన బీఆర్ఎస్ ఇప్పుడు ఆర్థిక వనరులు తగ్గిపోవడంతో కార్యకలాపాలను కొనసాగించడం కష్టంగా మారిందనే చర్చ రాజకీయ వర్గాల్లో నెలకొంది. పార్టీ మళ్లీ తన శక్తిని చాటుకోవాలంటే, నాయకత్వం ప్రజల్లో చురుకుగా తిరిగి, తమపై వచ్చిన అనుమానాలను నివృత్తి చేసి, కార్యకర్తల్లో నమ్మకాన్ని పెంపొందించాల్సిన అవసరం ఉందని పలువురు అభిప్రాయపడుతున్నారు.
ALSO READ: కవిత vs నిరంజన్ రెడ్డి.. హట్ టాపిక్ గా మారిన వీరిద్దరి మధ్య గొడవ!
