Visakhapatnam fire - Crime Mirror

విశాఖపట్నంలో తెల్లవారుజామున ఏపీఎస్ఆర్టీసీ బస్సు అగ్నికి ఆహుతైంది. వాల్తేరు డిపో సమీపంలో పార్క్ చేసి ఉంచిన బస్సులో ఒక్కసారిగా మంటలు చెలరేగి కొద్దిసేపటికే పూర్తిగా దగ్ధమైంది. ఘటన జరిగిన సమయంలో బస్సులో ప్రయాణికులు ఎవరూ లేకపోవడంతో పెద్ద ప్రమాదం తప్పింది. శుక్రవారం రాత్రి నెల్లూరు నుంచి ప్రయాణికులతో విశాఖకు చేరుకున్న ఆర్టీసీ బస్సును అనంతరం వాల్తేరు డిపో వద్ద నిలిపి ఉంచారు. శనివారం తెల్లవారుజామున బస్సు ఇంజిన్ వైపు నుంచి పొగలు రావడాన్ని సిబ్బంది గుర్తించారు. అప్రమత్తమయ్యేలోపే మంటలు వేగంగా వ్యాపించి బస్సు మొత్తం చుట్టుముట్టాయి. సమాచారం అందుకున్న వెంటనే అగ్నిమాపక సిబ్బంది ఘటనాస్థలికి చేరుకున్నారు. తీవ్రంగా ఎగసిపడుతున్న మంటలను శ్రమించి అదుపులోకి తీసుకువచ్చారు. అయితే అప్పటికే బస్సు పూర్తిగా కాలిపోయింది. ఈ అగ్నిప్రమాదానికి అసలు కారణం ఏమిటన్న దానిపై అధికారులు విచారణ చేపట్టారు. ఇంజిన్లో సాంకేతిక లోపం కారణమా, మరేదైనా కారణం ఉందా అనే కోణంలో పరిశీలిస్తున్నారు. ప్రయాణికులు బస్సులో లేని సమయంలో ప్రమాదం జరగడంతో ప్రాణనష్టం తప్పినట్లయింది. also read: యూట్యూబర్ నందనకు మరోసారి పోలీసుల నోటీసులు… లండన్ ఉద్యోగం పేరుతో రూ.10.50 లక్షలు మోసం చేశారంటూ ఫిర్యాదు

Tag: Visakhapatnam fire

Most Read

తెలుగులోకి ‘హనుమాన్ అన్ష్’… త్రివిక్రమ్ సమర్పణలో ఈ నెల 18న విడుదల

ఓటర్ల జాబితా వ్యవహారం.. మహేష్ బాబు నుంచి సైనా నెహ్వాల్ వరకు ప్రముఖులకు నోటీసులు

హైదరాబాద్‌లో విషాదం.. ఆర్టీసీ బస్సు ఢీకొని యువతి మృతి

‘రెట్రో ఫొటో ట్రెండ్‌’పై సైబర్‌ క్రైమ్‌ పోలీసుల హెచ్చరిక.. వ్యక్తిగత ఫొటోలు షేర్‌ చేయొద్దని సూచన

EDITOR PICKS

విశాఖలో ఆర్టీసీ బస్సుకు భారీ అగ్నిప్రమాదం.. ప్రయాణికులు లేకపోవడంతో తప్పిన పెను ముప్పు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags