Tag: #VashuBhagnani

క్రైమ్ మిర్రర్ : బాలీవుడ్ నటి రకుల్ ప్రీత్ సింగ్కు సంబంధించిన కార్యాలయాలతో పాటు ఆమె మామ, ప్రముఖ సినీ నిర్మాత వషు భగ్నానీకి చెందిన ముంబైలోని పలు కార్యాలయాల్లో ఆదాయ పన్ను శాఖ అధికారులు సోమవారం సోదాలు నిర్వహించారు. ముంబైలోని పనోరమా స్టూడియోలోనూ అధికారులు తనిఖీలు చేపట్టినట్లు సమాచారం. అనుమానాస్పద ఆర్థిక లావాదేవీలు, నిధుల కదలికలకు సంబంధించి వివరాలను సేకరించేందుకు ఈ తనిఖీలు చేపట్టినట్లు అధికార వర్గాలు వెల్లడించాయి. మొత్తం 12 ప్రాంతాల్లో ఏకకాలంలో సోదాలు నిర్వహించినట్లు తెలుస్తోంది. ఈ సందర్భంగా కార్యాలయాల్లో ఉన్న ఆర్థిక పత్రాలు, లెక్కలకు సంబంధించిన రికార్డులు, పెట్టుబడుల వివరాలను అధికారులు పరిశీలించినట్లు సమాచారం. సినిమా ప్రాజెక్టుల్లో పెట్టుబడులు పెట్టే పేరుతో కొంతమొత్తం నిధులను విదేశాలకు తరలించి ఉండొచ్చన్న అనుమానాల నేపథ్యంలో ఆదాయ పన్ను శాఖ ఈ తనిఖీలు చేపట్టినట్లు తెలుస్తోంది. ముఖ్యంగా విదేశాల్లో జరిగినట్లు భావిస్తున్న కొన్ని ఆర్థిక లావాదేవీలపై అధికారులు దృష్టి సారించినట్లు సమాచారం. సోదాల్లో భాగంగా బ్యాంకు లావాదేవీలు, పెట్టుబడులకు సంబంధించిన పత్రాలు, సంస్థల ఆర్థిక రికార్డులు, విదేశీ లావాదేవీలకు సంబంధించిన వివరాలను అధికారులు సేకరిస్తున్నట్లు తెలుస్తోంది. ఆయా లావాదేవీలకు సంబంధించిన పత్రాలు, ఖాతాల మధ్య ఉన్న సంబంధాలను కూడా అధికారులు పరిశీలిస్తున్నట్లు సమాచారం. అయితే ఈ సోదాలకు సంబంధించి రకుల్ ప్రీత్ సింగ్, వషు భగ్నానీ లేదా వారి ప్రతినిధుల నుంచి అధికారికంగా ఎలాంటి పూర్తి వివరణ వెలువడాల్సి ఉంది. ఆదాయ పన్ను శాఖ తనిఖీలు పూర్తయిన అనంతరం అధికారులు సేకరించిన వివరాల ఆధారంగా తదుపరి చర్యలపై నిర్ణయం తీసుకునే అవకాశం ఉంది. also read : సోషల్ మీడియా వినియోగంపై సుప్రీంకోర్టు కీలక ఆదేశాలు

Tag: #VashuBhagnani

Most Read

రంగారెడ్డి జిల్లాలో దారుణ ఘ‌ట‌న‌…! క్షుద్ర పూజ‌ల నెపంతో వృద్దురాలిని చెట్టుకు కట్టేసి దాడి….

తిరుపతిలో ఘోర ప్రమాదం.. క్రేన్‌ కూలి ముగ్గురు కార్మికులు మృతి

వేములపల్లిలో ఉత్తమ ఉపాధ్యాయులకు ఘన సన్మానం…!

బుల్డోజ‌ర్ల‌తో పేద‌ల ఇళ్ల‌ను కూల్చివేయ‌డం దారుణం…! రేవంత్ స‌ర్కార్‌పై హ‌రీశ్‌రావు ఫైర్‌

EDITOR PICKS

రకుల్‌ ప్రీత్‌ సింగ్‌, వషు భగ్నానీ కార్యాలయాల్లో ఐటీ సోదాలు

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags