Vangaveti Asha Kiran's political entry

వంగవీటి ఆశాకిరణ్ పొలిటికల్ ఎంట్రీ...! విజయవాడ నుంచి బరిలో రంగా వారసురాలు సెంట్రల్ నియోజకవర్గం నుంచి పోటీ చేసేందుకు యత్నాలు త్వరలో కార్యాలయం ప్రారంభం క్రైమ్ మిర్రర్, విజయవాడ: వంగవీటి మోహన్ రంగా వారసురాలు ఆశా కిరణ్ పొలిటికల్ అడుగులు వేస్తున్నారా? వచ్చే ఎన్నికల్లో పోటీ చేయడం ఖాయమా? ఇప్పటినుంచి ఆమె సన్నాహాలు ప్రారంభించారా? అయితే ఏ నియోజకవర్గంలో నుంచి పోటీ చేస్తారు? ఎక్కడి నుంచి బరిలో దిగుతారు? పొలిటికల్ వర్గాల్లో ఇదే ఆసక్తికర చర్చ. గత కొంతకాలంగా ఆమె క్రియాశీలకంగా వ్యవహరిస్తున్నారు. రంగా- రాధ మిత్రమండలి బలోపేతానికి కృషి చేస్తున్నారు. ఇప్పటికిప్పుడు రాజకీయాల్లోకి రానని స్పష్టం చేశారు ఆమె. కానీ తెర వెనుక పొలిటికల్ ఎంట్రీ కి గ్రౌండ్ వర్క్ ప్రిపేర్ చేసుకుంటున్నట్లు ప్రచారం నడుస్తోంది. కుటుంబమంతా తూర్పు నియోజకవర్గం నుంచి.. వంగవీటి మోహన్ రంగా 1989లో తొలిసారిగా విజయవాడ తూర్పు నియోజకవర్గం నుంచి ఎమ్మెల్యేగా గెలిచారు. ఆయన అకాల మరణంతో భార్య రత్నకుమారి అదే నియోజకవర్గంలో నుంచి పోటీ చేసి గెలిచారు. రెండోసారి కూడా విజయం సాధించారు. ఆమె అనంతరం కుమారుడు వంగవీటి రాధాకృష్ణ 2004లో అదే తూర్పు నియోజకవర్గం నుంచి గెలిచారు కాంగ్రెస్ పార్టీ తరఫున. 2009లో ప్రజారాజ్యం పార్టీ తరపున పోటీ చేసి ఓడిపోయారు. 2014లో మాత్రం సెంట్రల్ నియోజకవర్గం నుంచి పోటీ చేసిన ఆయనకు ఓటమి తప్పలేదు. 2019 ఎన్నికల కు ముందు తెలుగుదేశం పార్టీలో చేరారు. కానీ ఇప్పటివరకు ఎన్నికల్లో పోటీ చేయలేదు ఆ పార్టీ తరఫున. అయితే ఇప్పుడు వంగవీటి ఆశాకిరణ్ పొలిటికల్ ఎంట్రీ తో .. ఆమె విజయవాడ తూర్పు నియోజకవర్గం నుంచి పోటీ చేస్తారా అన్న టాక్ నడుస్తోంది. తెర వెనుక సన్నాహాలు అయితే తన కుటుంబానికి కలిసి వచ్చిన విజయవాడ తూర్పు నియోజకవర్గం నుంచి కాకుండా.. సెంట్రల్ నియోజకవర్గం నుంచి పోటీ చేస్తారన్న ప్రచారం మొదలైంది. ఆమె గ్రౌండ్ వర్క్ ప్రిపేర్ చేసుకుంటున్నట్లు టాక్ నడుస్తోంది. సెంట్రల్ నియోజకవర్గం పరిధిలోని గాంధీ నగర్ లో త్వరలో కార్యాలయం కూడా ప్రారంభిస్తారని తెలుస్తోంది. ఆమె ఇప్పటికే జనసేనతో పాటు వైయస్సార్ కాంగ్రెస్ పార్టీకి టచ్ లో ఉన్నట్లు పొలిటికల్ వర్గాల్లో ఒక టాక్ ఉంది. ప్రస్తుతం ఆమె సోదరుడు వంగవీటి రాధాకృష్ణ తెలుగుదేశం పార్టీలో కొనసాగుతున్నారు. త్వరలో ఆయనకు ఎమ్మెల్సీ పదవి ఖాయమన్న టాక్ నడుస్తోంది. మరి ఆ ప్రభావం ఆమెపై ఉండబోతుందా? లేకుంటే ఆమె స్వతంత్రంగా వ్యవహరించి నచ్చిన పార్టీలో చేరుతారా? అన్నది తెలియాల్సి ఉంది.

Tag: Vangaveti Asha Kiran's political entry

Most Read

మానసిక ప్రశాంతతకు ఏకైక మార్గం ఏంటో తెలుసా..?

తెలంగాణ మీ అయ్య జాగీరా అని అనడం తప్పా?.. పవన్‌ కల్యాణ్‌

ఆ ఒక్క బైక్ షాట్‌తో సోషల్ మీడియాను షేక్ చేసిన బాలయ్య..

దేశంలో అతి పెద్ద సమస్యగా మైనర్ల డ్రైవింగ్.. డీజీపీ సీవీ ఆనంద్

EDITOR PICKS

వంగవీటి ఆశాకిరణ్ పొలిటికల్ ఎంట్రీ…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel