UPI Without Bank Balance

హైదరాబాద్, క్రైమ్మిర్రర్: మీ అకౌంట్లో డబ్బులు లేవా...మీరు చింతించాల్సిన అవసరం లేదు... యుపీఐ చెల్లింపులు చేసుకునేందుకు అనేక మార్గాలు ఉన్నాయి. సేవింగ్స్ అకౌంట్, రూపే క్రెడిట్ కార్డులు ఉపయోగించి చెల్లింపులు చేయడం గురించి మనందరికీ తెలిసిందే. అయితే మరో విధానం ద్వారా కూడా క్యూఆర్ కోడ్ స్కాన్ చేసి యూపీఐ పేమెంట్స్ చేయవచ్చు. ఇందుకు మీ అకౌంట్లో డబ్బులు కూడా ఉండాల్సిన అవసరం లేదు.యూపీఐ ద్వారా పేమెంట్స్ చేయాలంటే బ్యాంక్ సేవింగ్స్ అకౌంట్ లేదా రూపే క్రెడిట్ కార్డు వల్ల మాత్రమే సాధ్యమవుతుందని చాలామంది భావిస్తుంటారు. కానీ అది చాలా తప్పు. ఆ రెండూ లేకపోయినా వివిధ మార్గాల ద్వారా యూపీఐ చెల్లింపులు సులువగా చేయవచ్చు. వాటిల్లో ఒకటి యూపీఐ క్రెడిట్ లైన్. కొన్ని బ్యాంకులు యూపీఐ క్రెడిట్ లైన్లను జారీ చేస్తున్నాయి. వీటి ద్వారా మీ బ్యాంక్ అకౌంట్లో డబ్బులు లేకపోయినా యూపీఐ ట్రాన్సాక్షన్లు చేయవచ్చు. బ్యాంకులు మంజూరు చేసే క్రెడిట్ లైన్లను యూపీఐతో లింక్ చేసుకోవాలి. అనంతరం క్యూఆర్ కోడ్ స్కాన్ చేసి క్రెడిట్ లైన్ ద్వారా సులువుగా చెల్లింపులు చేయవచ్చు. దీనికి సేవింగ్స్ అకౌంట్, రూపే క్రెడిట్ కార్డు అక్కర్లేదు. ప్రత్యేకంగా రూపొందించిన క్రెడిట్ లైన్ వ్యవస్థ ద్వారా చెల్లింపులు చేయవచ్చు. ఈ వ్యవస్థను ఆర్బీఐ అందుబాటులోకి తీసుకొచ్చింది.సెప్టెంబర్ 2023లో బ్యాంక్ క్రెడిట్ లైన్లు ఉపయోగించి యూపీఐ ద్వారా లావాదేవీలు చేసుకునే సదుపాయాన్ని ఆర్బీఐ అందుబాటులోకి తెచ్చింది. బ్యాంక్ ఇప్పటికే మీకు క్రెడిట్ లైన్ జారీ చేసి ఉంటే యూపీఐకు అనుసంధానించుకుని చెల్లింపులు చేసుకోవచ్చు. తొలుత ప్రధాన బ్యాంకులకు క్రెడిట్ లైన్ జారీ చేసే అధికారం ఇవ్వగా.. ఆ తర్వాత స్మాల్ ఫైనాన్స్ బ్యాంకులకు కూడా ఆర్బీఐ విస్తరించింది. అయితే క్రెడిట్ లైన్కు వడ్డీ, బిల్లింగ్ సైకిల్, లేట్ ఫీజులు, క్రెడిట్ పరిమితి వంటివి వర్తిస్తాయి. క్రెడిట్ లైన్ వ్యవస్ధ ఎలా పనిచేస్తుందంటే.. ఉదాహరణకు బ్యాంక్ మీకు రూ.50 వేల పరిమితితో క్రెడిట్ లైన్ మంజూరు చేసిందనుకుందాం. మీరు యూపీఐ ద్వారా రూ.8 వేలు చెల్లింపులు చేస్తే.. బ్యాంక్ వీటిని వ్యాపారికి చెల్లిస్తుంది. మీ క్రెడిట్ పరిమితి రూ.42 వేలకు తగ్గుతుంది. మీరు చేసిన రూ.8 వేల చెల్లింపు బకాయి క్రెడిట్గా మారుతుంది.యూపీఐ క్రెడిట్ లైన్ అనేది దానిని ఒక వ్యక్తిగత రుణంగా పరిగణించకూడదు. ప్రతీ వినియోగదారుడికి ఖచ్చితంగా యూపీఐ క్రెడిట్ లైన్ మంజూరు కాదు. కేవలం అర్హులైన కస్టమర్లకు మాత్రమే బ్యాంకులు మంజూరు చేస్తాయి. నియమ, నిబంధనల ప్రకారం మీరు ఖర్చు చేసిన సొమ్మును గడువులోగా చెల్లించాల్సి ఉంటుంది. ఇవి కూడ చదవండి: దర్శకుడు త్రినాథరావుపై నటి సంచలన ఆరోపణలు…! అసలు ఏం జరిగిందంటే… నాణ్యమైన కరెంటు ఇవ్వాలి…! బెల్లంపల్లి సబ్స్టేషన్ ఎదుట రైతుల నిరసన… భారీ దోపిడి…! కళ్లలో పెప్పర్ స్ర్పే కొట్టి 21లక్షల తో ఉడాయింపు…! రైలు ఎక్కబోయి కిందపడిపోయిన తండ్రి, కూతురు…! ఎలా కాపాడారంటే…

Tag: UPI Without Bank Balance

Most Read

కులవృత్తి నైపుణ్యం కొరకు ప్రత్యేక (క్లస్టర్) శిక్షణ కేంద్రం ఏర్పాటుకు స్థలం కేటాయించాలి

ఢిల్లీ మెట్రోలో దారుణం.. సీటు గొడవలో వ్యక్తి మృతి, రిటైర్డ్ ఐఏఎస్‌ అరెస్ట్!

పూణెలో దారుణం.. కట్నం వేధింపులు భరించలేక మహిళా ఐటీ ఇంజనీర్ ఆత్మహత్య!

ప్ర‌మాద‌క‌ర స్థాయిలో ఎల్‌నినో….!ఏపీ రైతుల కిడ్నీల‌పై తీవ్ర ప్ర‌భావం…! నిపుణులు ఏం చెబుతున్నారంటే…

EDITOR PICKS

మీ అకౌంట్‌లో డ‌బ్బులు లేవా…! క్రెడిట్ లైన్ విధానంతో పేమెంట్స్‌…! అది ఎలాగంటే…

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags