Telugu literary news - Crime Mirror

తెలుగు సాహితీ లోకంలో విషాదం నెలకొంది. చారిత్రక నవలలకు విశేష గుర్తింపు తెచ్చి, ‘చారిత్రక నవలా చక్రవర్తి’గా పేరుపొందిన ప్రముఖ రచయిత ముదిగొండ శివప్రసాద్ (86) కన్నుమూశారు. గత కొంతకాలంగా అనారోగ్యంతో బాధపడుతున్న ఆయన.. గురువారం రాత్రి గుండెపోటుకు గురయ్యారు. దీంతో కుటుంబ సభ్యులు హైదరాబాద్లోని దుర్గాబాయి దేశ్ముఖ్ ఆసుపత్రికి తరలించారు. అక్కడ చికిత్స పొందుతున్న సమయంలో రాత్రి 8:45 గంటలకు మరోసారి గుండెపోటు రావడంతో ఆయన తుదిశ్వాస విడిచారు. ప్రకాశం జిల్లా నుంచి సాహితీ శిఖరాల వరకు.. ముదిగొండ 1940 డిసెంబర్ 23వ తేదీన ప్రకాశం జిల్లా కొత్తపట్నం అల్లూరులో జన్మించారు. అనంతరం హైదరాబాద్లో స్థిరపడ్డారు. ఉస్మానియా విశ్వవిద్యాలయం తెలుగు విభాగంలో ఆచార్యులుగా సేవలందించి పదవీ విరమణ చేశారు. అధ్యాపకుడిగా విద్యార్థులకు తెలుగు సాహిత్యాన్ని పరిచయం చేయడంతో పాటు, రచయితగా తనదైన ముద్ర వేశారు. చరిత్రను కళ్లకు కట్టిన రచనలు శివప్రసాద్ తన సుదీర్ఘ సాహిత్య ప్రయాణంలో 80కి పైగా గ్రంథాలను అందించారు. వీటిలో 20కి పైగా చారిత్రక నవలలు ఉండటం విశేషం. చారిత్రక ఘట్టాలు, అప్పటి సామాజిక పరిస్థితులు, భారతీయ సంస్కృతిని తన రచనల్లో ఆసక్తికరంగా ఆవిష్కరించారు. పాఠకులకు చరిత్రపై ఆసక్తి పెంచేలా ఆయన రచనలు సాగాయి. ‘కాకతీయ కళాదర్శనం’, ‘తంజావూరు విజయం’, ‘రెసిడెన్సీ’, ‘శ్రీలేఖ’, ‘ఆవాహన’ వంటి రచనలు తెలుగు పాఠకుల ఆదరణ పొందాయి. గత చరిత్రను కథారూపంలో పరిచయం చేస్తూ, చారిత్రక అంశాలను సామాన్య పాఠకులకు చేరువ చేయడంలో ఆయన విశేషంగా కృషి చేశారు. తెలుగు చారిత్రక నవలా ప్రక్రియ అభివృద్ధికి ఆయన చేసిన సేవలు చిరస్మరణీయంగా నిలిచిపోనున్నాయి. ముదిగొండ శివప్రసాద్కు కుమారుడు ఇందుశేఖర్, ఇద్దరు కుమార్తెలు ఉన్నారు. ఆయన భార్య కొన్నేళ్ల క్రితమే మరణించారు. ప్రముఖ చారిత్రక నవలా రచయిత మరణవార్తతో సాహితీ వర్గాల్లో విషాదం నెలకొంది. ఆయన మృతి తెలుగు సాహిత్యానికి, ముఖ్యంగా చారిత్రక నవలా రంగానికి తీరని లోటని పలువురు సాహితీవేత్తలు, ప్రముఖులు సంతాపం వ్యక్తం చేశారు. తన రచనల ద్వారా చరిత్రను పాఠకుల ముందుంచిన ముదిగొండ శివప్రసాద్ తెలుగు సాహితీ చరిత్రలో ప్రత్యేక స్థానాన్ని సంపాదించుకున్నారు. also read: అమెరికాలో ములకనూరు బియ్యం…!

Tag: Telugu literary news

Most Read

ట్రోలింగ్‌కు భయపడితే జీవితంలో ముందుకు వెళ్లలేం.. బాడీ షేమింగ్‌పై కత్రినా ఘాటు వ్యాఖ్యలు!

ఏపీఎస్‌ఆర్టీసీ భారీ ఏర్పాట్లు.. దసరాకు 5,261 ప్రత్యేక బస్సులు, అదనపు ఛార్జీలు లేవు!

ఢిల్లీ నిరసనకు పోలీసుల బ్రేక్‌.. జంతర్‌ మంతర్‌ వద్ద సీజేపీ ఆందోళనకు అనుమతి నిరాకరణ!

భారత పైలట్‌ సాహసానికి ఇజ్రాయెల్‌ అరుదైన గౌరవం.. కోలుకున్నాక పురస్కారం అందిస్తానన్న అధ్యక్షుడు!

EDITOR PICKS

ప్రముఖ చారిత్రక నవలా రచయిత ముదిగొండ శివప్రసాద్ కన్నుమూత.. తెలుగు సాహిత్యానికి తీరని లోటు!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags