Telugu Bigg Boss - Crime Mirror

బిగ్ బాస్ తెలుగు సీజన్ 7 విజేతగా నిలిచి ‘రైతు బిడ్డ’గా ప్రేక్షకుల్లో ప్రత్యేక గుర్తింపు తెచ్చుకున్న పల్లవి ప్రశాంత్.. తాజాగా తన జీవితంలో ఎదురైన కఠిన పరిస్థితులపై భావోద్వేగంగా మాట్లాడారు. ఐ డ్రీమ్కు ఇచ్చిన ఇంటర్వ్యూలో బిగ్ బాస్ ప్రయాణం, టైటిల్ గెలిచిన తర్వాత ఎదురైన పరిణామాలు, కుటుంబానికి సంబంధించిన విషాద ఘటనలను ఆయన గుర్తుచేసుకున్నారు. రైతు బిడ్డగా బిగ్ బాస్లోకి.. తాను బిగ్ బాస్ షోలోకి రావడానికి ప్రధాన కారణం.. ఒక రైతు కుటుంబానికి చెందిన వ్యక్తి పట్టుదలతో ముందుకు వెళ్తే ఏదైనా సాధించగలడని నిరూపించడమేనని ప్రశాంత్ తెలిపారు. హౌస్లో తనవంతుగా కష్టపడ్డానని, ప్రేక్షకుల నుంచి లభించిన ఆదరణే తనను విజేతగా నిలబెట్టిందని చెప్పారు. బిగ్ బాస్ టైటిల్ గెలిచిన క్షణం ఎంతో ఆనందాన్ని ఇచ్చిందని, అయితే ఆ ఆనందాన్ని ఎక్కువ కాలం ఆస్వాదించే పరిస్థితి తనకు దక్కలేదని ఆయన పేర్కొన్నారు. కేసులు.. కోర్టుల చుట్టూ తిరగాల్సి వచ్చింది టైటిల్ గెలిచిన తర్వాత తన జీవితంలో అనుకోని పరిణామాలు చోటుచేసుకున్నాయని పల్లవి ప్రశాంత్ తెలిపారు. కేసులు, జైలు, కోర్టు వ్యవహారాలతో తాను ఇబ్బందులు ఎదుర్కొన్నానని చెప్పారు. మూడేళ్లుగా కోర్టు చుట్టూ తిరుగుతున్నానని పేర్కొన్నారు. ఈ పరిణామాలు తన కుటుంబ సభ్యులను కూడా తీవ్రంగా బాధించాయని, అందుకే బిగ్ బాస్ విజయం ఇచ్చిన సంతోషాన్ని పూర్తిగా ఆస్వాదించలేకపోయానని ఆయన ఆవేదన వ్యక్తం చేశారు. తమ్ముడి ప్రమాద ఘటన గుర్తుచేసుకుని కన్నీళ్లు ఇంటర్వ్యూలో తన తమ్ముడికి జరిగిన ప్రమాదాన్ని గుర్తుచేసుకున్న సమయంలో ప్రశాంత్ తీవ్ర భావోద్వేగానికి గురయ్యారు. సాయం చేయడానికి వెళ్లి తిరిగి వస్తున్న సమయంలో జరిగిన ప్రమాదం తమ కుటుంబాన్ని మరింత విషాదంలోకి నెట్టిందని తెలిపారు. ఆ ప్రమాదంలో తన తమ్ముడికి ఏమైనా జరుగుతుందేమోనని కుటుంబ సభ్యులు తీవ్రంగా భయపడ్డారని చెప్పారు. తమ్ముడి పుట్టినరోజుకు ముందు రోజు ఈ ఘటన జరగడం మరింత బాధ కలిగించిందని తెలిపారు. తమ్ముడిని తనే వెంట తీసుకెళ్లానని చెప్పిన ప్రశాంత్.. ఆ ఘటనకు సంబంధించిన బాధ ఇప్పటికీ తనను వెంటాడుతోందంటూ కన్నీళ్లు పెట్టుకున్నారు. బిగ్ బాస్ విన్నర్గా వచ్చిన గుర్తింపు ఒకవైపు సంతోషాన్ని ఇచ్చినా.. ఆ తర్వాత ఎదురైన వ్యక్తిగత, కుటుంబ సమస్యలు తన జీవితంపై తీవ్ర ప్రభావం చూపాయని పల్లవి ప్రశాంత్ వ్యాఖ్యలను బట్టి తెలుస్తోంది. also read: 35 ఏళ్లకే టాలీవుడ్ హీరోయిన్ మృతి… ! నెల రోజుల తర్వాత బయటపడ్డ విషాద వార్త…

Tag: Telugu Bigg Boss

Most Read

టీజీ ట్రాన్స్‌కో వాటాల విక్రయంపై హరీశ్ రావు అభ్యంతరం.. రాహుల్ గాంధీకి లేఖ

అల్లు రామలింగయ్య జయంతికి అల్లు అర్జున్ స్పెషల్ గిఫ్ట్.. ‘ఐకాన్జా’తో కొత్త అధ్యాయం

రూ.400 కోట్ల క్లబ్‌లో ‘హనుమాన్ అంశ్’.. తెలుగు ప్రేక్షకుల ముందుకు ఎప్పుడంటే?

ప్రియుడితో ఉన్న మహిళపై లైంగిక దాడి.. సూత్రధారిగా వ్యవహరించింది ఎవరో తెలిస్తే షాక్!

EDITOR PICKS

బిగ్ బాస్ టైటిల్ గెలిచినా ఆ ఆనందం ఎక్కువ రోజులు నిలవలేదు- పల్లవి ప్రశాంత్

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags